قصيدتان تحكي ثورة مشاعر ..ليس الا .

[عبدالله بن قنيفذ]

السلام عليكم مرة اخرى
احببت في اولى مشاركاتي بعد مصافحتي الاولى ان اكتب قصيدتين صارت بيني وبين احد الاخوان ( الاخ العزيز : ظافر بن قنيفذ ) وكانت قصيدتا مشاعر اذا صح التعبير .. صحيح ان رضى الجميع غاية لاتدرك ولكن اتمنى ان تكون جميع مشاركاتي تصل الى شئ بسيط من ذوقكم الرفيع
وهذه القصيده التي تم توجيهها الي من الاخ ظافر :

تقول وش يعجبك فيني وانا قول=ياليت انا ادري كنت اقول الجوابي
ملكتني لاحيل فيني ولاحول=حبك كما ليل ظلامه سرابي
حسنك وذوقك كل شئ منك مقبول=حتى زعلك وغلطتك والعتابي
عزي لحالي عالمي صار مجهول=ماصرت اميز صرت فاقد صوابي
انتي بعيد وقلب مغليك مشغول=ماتدري ان حبك عذاب سطابي
ياغالية حبك عن الغير مدبول=تغانمي ظافر ترى الراس شابي
اشكي على اللي يرتكي ساعة الهول=راسه صليب وفي اللقى مايهابي
عبدالله افزع ظافر صار مقتول=تغانم الباقي ترى الحال ذابي
افزع ودور لي اجابات وحلول=عسى عدوك بالمقلم يصابي

[عبدالله بن قنيفذ]

وهنا اكتب ردي على القصيدة السابقه اترككم مع الرد وتقبلوا فائق التقدير

يامرحبا اعداد زوار ابو الهول=واعداد قنفان السحاب العذابي
واعداد ماتراود خطى المشي مشلول=واعداد حبات الرمل بالترابي
واعداد جمع همومي اليا اقبلت ضول=واعداد مايشكي عناها الهنا بي
(ترحيب حافل ) ياسنادي ومزلول=يلج به صوتي ويكتب ببابي
ذكرتني بفراق الاحباب وتقول=انهم بعيد والفراق العذابي
أسين يافلب شكى بعد مجمول=ليت العذاب اللي سطا به لجابي
اكفيه عن همه ولايصير مشغول=وانا ماعاد يهمني لا وزى بي
لاني مخاوي بعدهم لي على طول=والله علم متى تحب اللقى بي
سعدي بشوفه حين لقياه موصول=ابو عيون من سببها صوابي
وبين العيون القاسم اللي وش أقول ؟=اتقول خشم السيف نامي ورابي
عطاه ربي مبسم ورصده لول=وأضفى على اردافه سواد الشبابي
طاغي جمال لاتثنى به الطول=والموت الازول حدر لثم النقابي
يقولون في شعر الغزل صرت مهبول=حسبي على اللي داله مادرابي
ياظافر القرم.. الصعب صار محلول=عندي حلوله ياشبيه الذيابي
خلنا نسافر في نحا الارض ونجول=وفي ملتقى العشاق محلى العتابي
ان اعجبك حلي فهو شئ مقبول=وان مااعجبك ياذيب عطني جوابي
خل الشعر بالغاز والظرف مدبول=ولاتبين باسم حضرت جنابي

[بندر العجمي]

عبدالله بن قنيذ




الله لايشينك انت وظافر المبدع





بيض الله وجهك






صح لسانك و جهد رائع





ننتظر المزيد










اخوووووووووووكـ




بندرررررررررر

[أبو مسعود]

صح لسااااااااااااانك مليوووووووووون


جزلة من جزل

[فهد بن محسن]

صح لسانك ياعبد الله

ولاهنت على هذه المجاراه الرائعه

وصح الله لسان ظافر بن قنيفذ

تحياتي للجميع

[عبدالله بن قنيفذ]

	اخوي :: بندر العجمي صح بدنك وعودتني على مرورك الجزل لك احترامي

[عبدالله بن قنيفذ]

	الاخ // ابو مسعود ** صح بدنك ومما يثلج الصدر ان تلقى مشاركتي اعجابك تقبل تحياتي

[عبدالله بن قنيفذ]

	الغالي // فهــد بن محســن هذا من ذوقك الرفيع وقليل من اللي عندك واشكرك جزيل الشكر على متابعتك الرائعه احترامي لامثالك

[محمد اليامي17]

صح لسانك ياعبد الله وصح لسان ظافر ولاهنتوووو

[مسفر بن خنز]

صح الله السنتكم

يا عبد الله انت و ظافر

قصايد جزله من جزلين

داااااااام ابدعك يا عبد الله في انتظار جديدك