"بسم الله الرحمن الرحيم"
السلام عليكم ورحمة الله وبركاته..
يا قصيدي هلّ تكفى لازهمتك يا قصيد=مازهمتك من فراغ ولا نصيتك من سعه
ضايق ٍ صدري وكن ضلوع صدري من حديد=لادخل بين المحاني هم عيّت تطلعه
ضايق ٍ وابغى المسير وكن في الرجلين قيد=ليت حظٍ يقطع الرجوى تجمل واقطعه
وجد حالي يوم قدني من بعد حبه وحيد=وجد عودٍ يوم قفى ويتهامل مدمعه
اصغر عياله تجود كل ايد ترد ايد=ايتجود في يديه وجاته امه تمنعه
والله اني والله اللي يشهد ان باسي شديد=بس ليت الوقت ماله ضربتين موجعه
الاوله من جور وقتي والبلى طبعه عنيد=كل ماجيت آتهادى زاد فالصدر وجعه
هكذا طبع الزمن والله يفعل ما يريد=والبني آدم يموت ولا لحق ما يطمعه
راحت النفس ورضاها كنها العز المجيد=ومن ربح ثنتين عمره كاسبٍ ربح اربعه
من بعدها زلت اللي ما هقيت انه يحيد=عن طريق خابر انه طول عمره يتبعه
والله ان ماهوب همي فالزمن جمع الرصيد=ولاني مثل اللي يدور وان لقى مال اجمعه
يحسب عمره على كثر الذي يجمع يزيد=ولا يصاحب غير ناس ٍ من وراها منفعه
ما يهمه ضيق غيره دامه اللي مستفيد=ما يهمه غير روحه يا عسى الله يقلعه
صعب انك تقنعه لو يدري ان رايك سديد=يعني خذها بالمختصر لا يمكن انك تقنعه
شب في صدري ضوي وحط في صدره جليد=وكل ما طفيت جمر ٍ في ضلوعي ولعه
وكل ماصدري تضايق رحت ادور للجديد=شاعر ٍ وافرح الا جات القصيده مبدعه
بين طلبات المشيب وبين دمعات الوليد=وبين هم وبين حزن وبين ضيق وملوعه
مالقيت الا ظنون ٍ لاتفاد ولا تفيد=لين ياتيني بعذر ٍ ينشفع له واشفعه
يوم قفيت ودعاني كن صوته من بعيد=يحداني للدموع وخافقي ما ودعه
ما التفت لصوته اللي وصلني بس الأكيد=اني قفيت اسمعه لكن ماكني اسمعه
دام مالي غير صبري والتوجد والقصيد=قولوا حمدان يتعوذ كف منه فالسعه
07-09-2005, 09:42 PM
" ياقصيدي" لحمدان المري
العرض العادي
