" نادوووني الشايب عسى ما يشيبون "

[لقيت روحي]

هذه قصيده للشاعر / عبدالمحسن بن عبدالله ال فطيس رحمه الله

يوصي بها اولاده .... اتمنى ان تنال اعجابكم ...





ياعيالي اطلبكم متى انتو بتوفون

سلفتكم واطلب عليكم ديوني

اليوم يابوكم مسيري على الهون

وقفت وقفة يابسات الغصوني

عثيت في الدنيا معثاة مجنون

وانكفت منها ماتقضت شطوني


يافطيس انا باوصيك يوم أنت متكون

أظن بك بالطيب وانت الزبوني


ضمّ الصلاة اللي تساعد على العون

صلّوا وزكّوا كانكم تسمعوني


تدرون باللي يترك الفرض ملعون

صوموا وحجّوا ربكم تفلحوني

حيّوا الطروش اللي من البعد يلفون

واضحك مع ضيفانكم يضحكوني


وامش لخويك ياحبيبي على الهون

ترى الخوي ينشال فوق المتوني

وطوّا على العايل شبى كلّ مسنون

وأعزم على الكايد تراها تهوني

ياونتي ونّة طريحٍ ضحى الكون

داجوا عليه موسعين الضعوني

يزهم وربعة بين طاعن ومطعون

وخلّوة مثل مهتشات الشنوني

نادوني الشايب عسى مايشيبون

وسمّوني باسمٍ ثانياً واحزنوني

أسمي يعرفونه فلا شكّ يخطون

شافوا لوايح عارضي وابتلوني

الشيب ماهو عيب والناس يدرون

العيب حقّ الخاينين العفوني

من اول صيدي سمان ومتكون

واليوم لا فزيت له يضحكوني

وايلا لقفته راح يمشي على الهون

وسيور من هبت هبوبه سكوني
الله يجازيهم قدر مايسوون

كيف اقطعوا سلمي وكيف انكروني


بانشدك ما بنت تمشى على الهون

ومصلوحها للي لها يجلسوني

[أميرة الورد]

يعطيج ألف عافية " لقيت روحي" على هالقصيدة الرائعه

وصح لسانج

"أميرة الورد"

[خــالد الفطيحــي]

يعطيش العافية على النقل الرائع

[سعود الخويطري]

نادوني الشايب عسى مايشيبون = وسمّوني باسمٍ ثانياً واحزنوني

أسمي يعرفونه فلا شكّ يخطون = شافوا لوايح عارضي وابتلوني

الشيب ماهو عيب والناس يدرون = العيب حقّ الخاينين العفوني



الله الله الله



صح الله لسان الشاعر / عبدالمحسن بن عبدالله ال فطيس


والله يرحمه ويسكنه فسيح جناته



وسلمت يمينك يـ لقيت روحي



وتقبلوا سلامي واشواقي