خارج نطاق الرومنسيه .. لمهدي بن سميطان

[مسفر مبارك]

مساكم بالخير ..... قصيده فكاهيه لـ مهدي بن سميطان

خــــــــارج نـــــــــــطـــــــــــاق الــــــــــرومــــنـــــــــســــــيـــه

يافاتنه ماني حضاري مثل مـا انتـي تحسبيـن *** لكن تحضرنـا بعـد ماهـي غزتنـا العولمـه

بس الحضاري عندنا يابنت يسكن بيـت طيـن *** واكثـر منازلنـا تلاقيهـا خـيـام مهـدمـه

والا المبانـي غاليـه جـدا مثـل ماتعرفيـن *** والبيت يبغى لـه دراهـم والدراهـم معدمـه

وشيبانـا صلفيـن جـدا فـوق ماتتصـوريـن *** متعلمينٍ بـس تلقـى كـل شخـص بمحزمـه

قالت وش اللي تقصده في قولتـك متحزميـن *** ترى الكلام اللي تقولـه جـد ماعـدت افهمـه

قلت العفو نسيت بانك فـي مريكـا تدرسيـن *** وانـك غديتـي فالتـرف متطـوره متعلـمـه

معنـاة كلمـة محتـزم مفهومهـا متبندقـيـن *** يعني كما ربط الفنايل في الخصور المشحمـه

قالت فهمت القصـد يعنـي ربعكـم متجنديـن *** يعني رفاقتكم على حمـل المسـدس مرغمـه

فاقول يابنت اركدي وش فيك ما انتي تفهميـن *** حنا رجـالٍ مـن خلقنـا الله نعيـش بمكرمـه

جعلش على ربعي نذر ماهمنـي لـو تزعليـن *** ربعي تراهم في الشدايد مثـل نـارٍ مضرمـه

قالت ومن هي ذي نذر بالعكس اسمها شين شين *** واضح كذا انك كنت تعشقها وهي بك مغرمـه

فاقول لا والله بـدا واظـن شكلـك تمزحيـن *** نـذر تراهـا كلمـةٍ ماتفهـمـي يامسلـمـه

انتي على ما اظـن بانـك للسواقـه تعرفيـن *** قالـت نعـم سيارتـي لكـزس وزود مغيمـه

فاقول ماعمـرك بغيتـي يالجميلـه تصدميـن *** ثم راح ابيش وجاب لش كبشٍ هاثم سيل دمـه

قالت وش اللي تقصده وضح ترى مافهمت زين *** الكبش مـن انـواع الانترنـت دوم استخدمـه

فاقـول كذابـه تـرى ماهـو بزيـن تكذبيـن *** الكبش ذا يطلع فحل للضـان وانتـي مجرمـه

قالت وش اللي تقصده بالضان جاوبني بحيـن*** اكيد تقصد به عبـاره عـن كـروت مرقمـه

فاقول يابنت اسكتي محـلاش وانتـي تسكتيـن*** يلن ابو جـد الحضـاره والسفـر والعولمـه

قالـت حكاكـم ماعجبنـي يابـدو ياجاهلـيـن *** روح كذا من قبل مالبابـا يجـي ولا ازهمـه

قلت العفو نسيت بانك فـي مريكـا تدرسيـن*** وانـك غديتـي فالتـرف متطـوره متعلـمـه

[الفرس]

صح لسان الشاعر مهدي ..


ولاهنت على الاختيار ..


وتقبل مروري ..

[مسفر مبارك]

الفـــرس أشكــرك علــى مرورك

[راشد العتل]

صح الله لسانه وسلمت اناملك يابومبارك

تحياتي وتقديري لك .!

[مسفر مبارك]

أررررحب يبو محمــد ولا هنــت علــى مرورك يالسنافـــي

[عـسـاه خـيـر]

صح السانك ولاهنت يا السنافي على النقل الجميل

[مسفر مبارك]

حيــاك الله يبــو بــدر ولا هنــت علــى مرورك

[مسعطر]

صح لسانك و لسان المبدع ابن سميطان.. قصيدة روووعة
و إختياراتك أروع.. تقبل مروري و تحياتي..

[مسفر مبارك]

أرحب يامسعطــر وأسعدنـــي مرورك حيــااااك الله