سم وعسل ..

[عبدالله ال مجحود]

الهواجس سم وافكاري وعسل = والهواجس في عسل فكري تذوب
كن زهور القلب من عقب النحل = سمّها ثعبان همي بالغروب
يازهر قد زان عوده ثم ذبل = ماتردك يا فع ٍ ذيك الهبوب
انما تـَنثِرك مع ذاك الامل = او تسوقك صوب نيران الشبوب
يا صعوبة سهل ويا اصعب سهل = كم تخوض النفس دونك من حروب
اصبري يا نفس ما يُوجب وَجَل = لا تتوبي دام وقتك ما يتوب
احذري يا نفس عثرات الزلل = واحذري ما تشتهينه كل صوب
وان ثقيل الهم ضيف ٍ لك نزل = اكرمي ضيفك ترا الضيفه وجوب
اكرمي ضيفك تصبّر او خجل = وش سواتك دامك بملقى الدروب
الصدر قد ضاق من كثر العلل = اصبحت انفاس ٍ لصدري تنوب
ودامها تزداد لازم احتمل = في حمولي صاير ٍ كني امغصوب
ضاقت الدنيا وزادت بي ملل = من شمال وشرق من غرب وجنوب
العمر لحظات ولحظاتي هَمَل = في صحاري العمر ترعاها وتجوب
لحظه بلحظه بدا كيفَ و هل = دامها لحظه وكل شي امحسوب
عشتها زحمه وزحمتها مَهَل = والمَهَل عزمه قتل عزم القلوب
يا عُمر يا ليت ما يطول الاجل = دامني عفت التعاسه والشحوب

[شــــ الرياض ــــوق]

صح لساانك

وسلمت يمينك

تقبل مروري

[راشد العتل]

صح لسااانك ياعبدالله على الجزله
وتقبل تحياتي واعجابي ..

[الفرس]

الهواجس سم وافكـاري وعسـل
>>>>>>>>>>>>>>>والهواجس في عسل فكري تـذوب
كن زهور القلب من عقب النحـل
>>>>>>>>>>>>>>>>>سمّهـا ثعبـان همـي بالغـروب



صح لسانك اخوي عبدالله ابيات حلووووه ومعبره .. واحساس بنقيض الهواجس مع الفكر ..



خيال واسع واحتمال متوقع ..


تقبل اعجابي ..

[مسفر مبارك]

صح لسانك ياذيباان

[عـسـاه خـيـر]

صح لسااانك ياعبدالله على الجزله
وتقبل تحياتي واعجابي

[سعيّد ابوجعشه]

صح لسااانك ياعبدالله على الجزله

وتقبل تحياتي

[~ورد~]

صح لسانك يالسنافي

[يوران]

يا صعوبة سهل ويا اصعب سهـل = كم تخوض النفس دونك من حروب

صح الله لسانك ياعبدالله


ولاهنت

[عبدالله ال مجحود]

المشاركة الأصلية كتبت بواسطة شــــ الرياض ــــوق

صح لساانك

وسلمت يمينك

تقبل مروري

صح بدنك .. سلمك ربي

ولاهنتي يا شوق ..

يعطيك العافيه