..............يالله تعافيني ولاتبلاني............

[محمدالحويله]

....................................

ماودي اني اخسرك من شاني =ياللي معك قد جاني اللي جاني
انا فجوج الله علي ماوسعها=وانت بيضيق بعينك الميداني
لاهيب من حاجه ولا به قاصر=انته ولك شانك وانا لي شاني
عديت معك المستوي والمايل=والمبتدي والمقتصي والداني
اسوقها علوا تعود حادر=ولا انفهق واحد طلع لي ثاني
لعيون من جعلك فدى لعيونه=باروح واقففي واسوق حصاني
اللي معه سريت كل هجوسي=واخليت له قلبن لحبه داني
هذاك من عنى الخفوق وتله=ثم جاه معلوقي معا شرياني
اصون حده واحشمه واعزه =واقدره واحبه بوجداني
ياقف معي لامن شعرت بضيقه=واقف معه وقفت قريب وعاني
واحب خاله واحترم عمانه=واخوانه احسبهم حساب خواني
ولابغا حاجه وانا مقدرها=يضيق صدري والزمان اقصاني
انا وماتملك يميني فدوه=له والزمن يمضي وعمري فاني
قد مرني بين العيون وجفني=ثم جابني طارييه او وداني
وان دار دالوب السنين العوجا=دورت تفكيري وصغت اوزاني
وان حدني حادي ضروفي زينه=وضعي يمششي والكريم امعاني
ابلغ من الوصف الدقيق اوصافي=واجرأ من القاف الجري قيفاني
وارتب من التركيبه المحبوكه=تركيبة المعنى على الالحاني
وصفة بنات افكاري المعهوده=ماجابها اخو صبره وسلطاني
يعجبني اسلوب اي واحد فيهم=وصح الله السانه وصح الساني
قمه ولكنها علي مبسطها=واقدم اثباتي معى برهاني
كريم ياحظي بوفرة شحك=سخي ياوقتي بكثر احزاني
بخيل ياوجه القدر واستغفر=الرب واتعوذ من الشيطاني
دبرة عبادك ياالاهي شينه=وانت المدبر ياعظيم الشاني
نخطي وتمهلنا نقول التوبه=ونتوب ونعيد الخطا بلعاني
سبحانك اللهم ربي وحدك=فرد صمد مالك شريك ثاني
لالك بمن يعبد ولا من يكفر=ولاحدن عن رحمتك متغاني
رحمتك لاجات المنيه عبدك=ياخلقن المودمي والجاني
الحقت من فيه الهقاوي شرهه=ثم عودت لي شرهتي تنخاني
ياني بنيت امالي وعلقتك=ياحلمي وياني خذلتك ياني
لكن مابيدي وبيدك حيله=دورت لك دور علي تلقاني
باسوق ركبي واطردك واجيبك=ان كانه امهلني الولي وامداني
والعذر من بعض الاوادم ركبه=ماجاني امن مجاملي كفاني
هو يمكن اخطي بس انا لايمكن=انه علي يجنا او اني جاني
وليت ياهمن تمكن مني=يالله تعافيني ولا تبلاني
قلته وانا قد الحمل واشيله=وان ضافني تاريخنا والغاني
يكفي نبا ربعي وانا يكفيني=خيال سمرا بالفم الملياني
وانا اشهد ان لي لابة تطربني=لاقلت انا ابن حويله العرجاني

[راشد العتل]

وانا اشهد ان لي لابة تطربنـي
لاقلت انا ابن حويله العرجانــي

ونعم والله مليووون يامحمد
وصح لسانك وسلمت اناملك

قصيده رائعه منك
مترقبين منك الجديد ..

[العـامر]

اسوقهـا علـوا تعـود حـادر


بيظ الله وجهك

ودمت بود

[مسفر مبارك]

الله الله صح لسانك يالقــرم وعز الله جزله من راس جــزل بيض الله وجهك يوم اتحفتنــا بهــا

[الفرس]

صح لسانك اخوي محمد .... رائع من روائع الشاعر المميز ..


تقبل مروري باحلى تحيه ..

[مسعطر]

و إن دار دالوب السنين العوجا=دوّرت تفكيري و صغت أوزانـي
و إن حدني حادي ضروفي زينه=وضعي يمشّي و الكريم امعاني
أبلغ من الوصف الدقيق أوصافي=و أجرأ من القاف الجري قيفاني
و أرتب من التركيبة المحبوكـة=تركيبة المعنى علـى الألحانـي
((وصفة بنات أفكاري المعهـودة=ما جابها أخو صبره و سلطانـي))
يعجبني أسلوب أي واحد فيهـم=وصح الله السانه وصح الساني

صح لسانك مليووووون يا محمد على القصيدة

الجزلة و الرائعة.. تقبل مروري و تحياتي..

[محمد الغيثاني]

صح السانك ولا هنت يالسنافي

في


انتظار


جديدك

[مستغنيه]

مساء الخير



والله والنعم والف نعم فيك



ولاهنت وصح لسانك




وجزل جزل جزل


وبيض الله وجهك يالقرم





وتمنياتي لك بالتوفيق

[عـسـاه خـيـر]

الاخ والشاعر محمد الحويله

صح الله السانك

قصيده رائعه

لاهنت يا السنافي.

[~ورد~]

صح لسانك