هذي محاوره بين الشاعر المقاطي العتيبي والمطيري ناااااار .....
اتمنى ان تحوز رضاكم
ياعيونٍ مالقت لمطيـر قيعـانٍ وريضـه
مالقينا جرت المطران فالارض العريضـه
ان تركناكم غميضه وان ذبحناكم غميضه
والنصيب يصيب والدنيا تجيب اللي تجيبه
قبل حد السيوف وقبل سبر المكان
ياسلامٍ نعديبـه صغيـر وكبيـر
المطيري نخبره من قديم الزمـان
يوم نبتت سنابلها ونشر المضير
طعاج
يالعتيبي شرهة عيونك تلحقها المناظـر
لاتدورنا وحنا مطيـر حمـران النواظـر
يوم قدمت المحاضر ليش زورت المحاظر
والنصيب يصيب والدنيا تجيب اللي تجيبه
قبل حشد الجموع وقبل عنّ الحصان
مرحبا عند حمران النوظـر مطيـر
يوم نبتت سنابلها رضيت الطمـان
طاح حمل البعير وشال حمله بعيـر
المقاطي
انتم اهل البير واهل البير مايوومن جنبها
صحبتٍ معكم تراها صحبتٍ محدٍ رغبهـا
ولعوها نار وانتم صرتوا الليلـه حطبهـا
والنصيب يصيب والدنيا تجيب اللي تجيب
البقا يالمرحـب ميـر شـد العنـان
وقعتٍ مثل وقعة جاتكـم عنـد كيـر
من عطانا الامان اشلون اخون الامان
نشرب الماء زلالٍ من بطون الغديـر
طعاج
الشرف غالي علينا وان غدرنا ماعلينـا
مير ابنشد من هو اللي خان رب العالمينا
خنتو الله وانتم اللي بالمساجـد خاينينـا
والنصيب يصيب والدنيا تجيب اللي تجيبه
ياوكيل البضاعه وين كرت الضمـان
البقـر لـو تطيرهـا تراهـا تطيـر
من يخون الرسول يخون غيره ثمان
كيف تروي ضماك وحبل دلوك قصير
المقاطي
العتيبي مايخـون وعلمنـا لاتجحدونـه
هذا مفعول الخصاوي تشتون وتاكلونـه
يالمطيري والعتيبـي كلبوكـم تعرفونـه
والنصيب يصيب والدنيا تجيب اللي تجيبه
علمنا بالجزيره مثل صوت الاذان
الطويل ايتناقل علمنـا للقصيـر
ان نسيتو نذكركم زمان الجابـان
يوم كلٍ رضي في واقعه والمصير
طعاج
ان تغدينـا خصاهـا ماتعشينـا خصاهـا
وانته اللي يالعتيبي كبر زغدك من عصاها
العتيبي يـوم طلقنـا حريمـه ماحتماهـا
والنصيب يصيب والدنيا تجيب اللي تجيبه
مالكم ياعتيبه مع هل الشـان شـان
ماكستروا عنوز ولا خذيتوا ظفيـر
سج رجلك مابين سناف تركي وابان
بعدها تذكر الماضي ويصحى الضمير
المقاطي
تكرم الهيـلا وراسـك لاتدسـه ياالمطـاري
حتى نعرف وش غدالك بالسيوف وبالسواري
ماتطلق غير في حرمتـك يانسـل الحبـاري
والنصيب يصيب والدنيا تجيب اللـي تجيبـه
المويهي مويهـي يالله المستعـان
احدرو مع توالي سرحنا بالجفيـر
شف مكانك وشفني ماتركت المكان
هجتن فيها خيرة هجتن فيها خير
طعاج
عبدلي من صلب ذاك الشيخ لباس العمايم
اللي جدك جاه صاغر حبو يطلبه الغنايـم
الظلايم ماتسـر القـوم ياقـوم الظلايـم
والنصيب يصيب والدنيا تجيب اللي تجيبه
ان رحلنا طماعه مارحلنـا هـوان
نسرج الخيل ونخيل السحاب ونغير
بالجزيره رعينا من قديم الزمـان
انشد الذيب وانشد كل طيرٍ يطيـر
المقاطي
المطيري يدعي في فعل جده والجماعـه
والقبايل خابرين اهل الفعايل والشجاعـه
قلبً تصيبه شجاعه وقلبً تصيبه رعاعه
والنصيب يصيب والدنيا تجيب اللي تجيبه
لاتصلح علومك بين كنتـو وكـان
يادروبٍ تمايل في عيـون الضريـر
الدراسـه نهايتهـا تـراه امتحـان
ادرسوا في كتاب ابن خميس الشهير
طعاج
مانبى منكم شهاده مانبى منكـم جمايـل
الهضاب اللي تسمت بالشيوخ اكبر دلايل
وفالمربع محتمي بالشيخ خيال الاصايـل
والنصيب يصيب والدنيا تجيب اللي تجيبه
طهر العجز من دون النقع وحدجان
واطي الجمره الحمراء وثوبك حرير
وسحرو حجله وخلوا لنا الجبخـان
منتو كفو الرماح ولانتو كفو الشطير
المقاطي
في نهار الحرمليـه يـوم حنـا نقتفيكـم
الخساير كلبوهـا يالمطـاري تحتظيكـم
والحقائق لو ذكرناها نبى نقسى عليكـم
والنصيب يصيب والدنيا تجيب اللي تجيبه
المربع تربعبة وتنسـى هـدان
علمك الي معك والله علمً خطيـر
تظلم القوم والهيلا عيانـاً بيـان
اقطعو عن غنمكم بالتبن والشعير
طعاج
في نهار الحرمليه بيننـا مثـل الذبيحـه
ان ذكرتوها فضيحه وان نسيتوها فضيحه
تبت ايدين العتيبي يوم يجحدنـا وويحـه
والنصيب يصيب والدنيا تجيب اللي تجيبه
تكرم ام القرى ليا ذكرنـا احلبـان
نام في ظل اخو نوره هني وقريـر
ماوراى الموت يالعتبان حورٍ حسان
في جهنم نهايتكم وبئـس المصيـر
31-07-2009, 02:29 PM
العرض الشجري
المواضيع المتشابهه
