مساجله شعريه .......

[قبلة شمر]

كم ذل رجل (ن) بالهوى وقيل وش جاك **** جاه الهلاك وبلل بدمعه الكم

..................... قبلة شمر .......................

[حبيب]

ملكت قلبي يابعد روح روحي=ارفق بقلب اللي خذيت وداعه

[دااانـــه]

هالحين يعني ودك ادمح خطاياك
والا ابتدي بك حب وآنا انتهيتك

بس انت .. وينك؟ يوم كلي تحراك
مافيه ليلٍ مرني ما احتريتك

امداك تنساني على كثر لقياك
امداك تنسى عمري اللي عطيتك

يمديك تنسى !! بس ما انسى سواياك
وشلون ابنسى صدتك لادعيتك

خل البكا ماعاد ينفعني بكاك
ماعاد لك شيٍ بقلبي فديتك

كنت أتسلى في غيابك بذكراك
لقيت نفسي ناسي اني التقيتك

وآنا ورب البيت ماقصدي أنساك
لكن غيابك طال حتى نسيتك

[حبيب]

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي

[دااانـــه]

ياليتها تنسى المحبه وتختار
... زمان غيري لاتدور زماني

سمتني الطرقي على شان الاسفار
... اجي لها من شاطي الشرق عاني

في حبها ذقت النكاير والامرار
... واللي وطا مجنون ليلى وطاني

كم مرة ٍ لعيونها دست الاخطار
... وارخصت عمري يوم ربي وقاني

ماطعت من هو شار في خير الاشوار
... اللي عن دروب الموده نهاني

الموووت قدامي على سكة النار
... والنفس .. ماترضى طريق الهواني

لا شك تدبير الليالي والاقدار
... راااحت وانا سلم القبايل حداني

عندي خبرها تترك الدار لديار
... وانا مكاني ماتغير مكاني

اما الزمان اللي تعشمت به جار
... والا ان حظي عن هواي احتداني

والله ماكنت اتكلم بالاسرار
... لولا القهر غطا سماي وغشاني

علي اصد ويكفي النفس ماصار
... يكفي علي من الظروف امتحاني

ادعي لها الله دايما ً سر وجهار
... تلقى سعادتها مع انسان ثاني

اليوم ابحرق لاجلها كل تذكار
... كل الرسايل والعطر والاغاني

واحرق بطاقة عرسها ضمن الاشعار
... وارضى بما قدر عليّه وجاني

واقول.. ياقلب العنا خل الافكار
... وانسى السنين اللي تعدت ..عشاني

[حبيب]

الله اكبر ابيات رووعه يادانه تعرفين شاعرها؟؟؟

ياعيون اللي على المرقب تعلاّ = مايرب الا المراقيب الطوالا
طرتّك منها غثاء البال يتجلاّ = نعسٍ مابينها بيضٍ تلالا
تذهل إلّي في جواهرها تحلاّ = واهني من ذاق من ريقك زلالا
لا وجاه الله ومنّ زكّى وصلاّ = مانبيك الاّ على السنّه حلالا
مايرّد الجوع شخبٍ في المفلاّ = ولا يخضّ السعن من ذوده هجالا
أنت غالي ياوليفي لا تغلاّ = يثبت الليّ بيننا ايامٍ طوالا
واللهّ انّي ميسٍ من وصلك الاّ = فزعةٍ من ربنا جلّ وتعالا
أدخل الضولات من شان أتسلاّ = كود جرح القلب يبرى ويتشالا
والمجنّب من الأوادم مايخلاّ = لاسلم من شرّ ذولا ..جوه ذولا

[دااانـــه]

هلا وغلا اخوي

القصيده لشاعر هاب الريح

ابي حب ٍ يبعثرني ويجمعني في كـل احــــوال
ابي حب ٍ يخلينـي سيـد عصـــري وزمانــــــي

وابي انسانه تفهمني صدوقه ابفعـل واقـــوال
ابي لامن سألني حد .... اقول توها بحضانــي

ابي انسانه تدلعني ... تذوقني الحنان اشكـــال
ابيها تقول توحشني لا غـبــت عـنهـا ثـــوانـي

ابيها طيبة مرررة ... حـنــونـه وبنـت رجــــــال
الا منها انتخت فـــزوا وقــام القاصـي والدانـي

ابيها تموت في حبي ولا تسمـــع حكـي عــــذال
ابيها تغار من ظلي ... تغار حتى من اخـــواني

ابيها لابكت عيني تمسح دمعـتـــــي فــي الحــال
تخافي الدمعه لا تـنـزل على خــدي مـن اعيانـي

وربـي لـو الاقيهـا لغـنــي لعيــــونهـا مـــــــــوال
واخليها اميــــرة قـلـبــي وعـمــــري ووجدانـي

واذا حبت تموتني ... امــــــوت لها بدون جـدال
مـــدام عـيــونها قـبــــري ..... وجفونهـا اكفانـي

[حبيب]

ياعيون مرقبٍ فعل الجداير = في صعانين الطوال المستديره
صاحبك يعطي على شوفك بشاير = ديرةٍ منتو بها ماهي بديره
من خذا منكم خفيّات السراير = والله انّ يبطي ولعكم في ضميره
لبةٍ بين المعنّق والزراير = مثل شمس الصبح قدّام السفيره
ويتفرشها من الخمري ستاير = ذيل شقراّ شعشعت قدم المغيره
جوهرة قارون غالية التجاير = أشهد انّك بهجة العمر الكبيره
واحدٍ حضّك مع حضّه يساير = شايفٍ القدر فالعشر الأخيره
جعل أبو من لامني حمر المناير = في محبّة واحدٍ مالي بغيره

بن جدلان

[فهد بن محسن]

الله الله مشاركات رائعه لاهنتو جميعا

هانت عليك ايامنا والليالي @@ اللي جمعت قلبي مع قلب مغليه

فهد بن محسن

[عاتبـــــــــــوها]

هـــلت دمــــوع السمـــا عـــند الـــوداع
وأرسلــــت بغــــيــــومــــها شـــوق وحـــنين
وقـــالـــ ودع مــــــــا يــفيـــد الامـــتنـــاع
الشــــــقا مـــــقـــــسوم بـــــس اللـــــه يــــعين