قصيدة مدح في اهل وادي العجمان

[راكان اليامي]

آه من دمع على الخدين سايل=بالوصايف لانثـر صـب المـزادى
ما خطـر فالبـال ياتيلـه دلايل=ويتبيـن كـل ماكـن الفـوادى
قربوا لى من عطا الرحمن حايل=حايل تدنـى بعيـدات الريـادى
حايل من ساس عيرات اصايل=تاصـل المشتـاق ديـران بعـادى
فوقها ننحر طرييـن الفعايل=ربعـى العجمـان ذربيـن الايـادى
لالفيت ديـار وافيـن الخصايل=بلغوهـم لـى سـلام بازديـادى
لاوصلتـوا بيـن هذيـك النزايل=انتهينـا واهتنيـنـا بالقـعـادى
زين ممشا بينهم ماهـى رسايل=الكبـار كبـار واللـى بالمهـادى
ربعى اللى تحتمل لاجت وهايل=فى جميع امورها تمشى اسنـادى
فضلهم مشهور من بين القبايل=بالكرم والطيب من بيـن العبـادى
وفعلهم مشهور من عصر الاوايل=فالعصور الماضيه واللى جدادى
فعلهم للناس تضربـه مثايل=لاحصـل يـوم عبـوس بـه تنـادى
ربعى العجمان حامين الهزايل=كـم عقيـد طوحوبـه كالوسـادى
ربعى العجمان حامين الدبايل=لاحصل ذبـح وضـرب بالهنـادى
لازهمنا يام تكعم كل عايل=صلب يام الى نهـق عيـر الرشـادى
يام والله يام الى جات الصمايل=من حربهم حل فى جمعه نفـادى
من حربهم راح يبرى له وشايل=مسـاس بالقودعجـل بالمقـادى
ربعى اللى جندلوا من كل صايل=كم هنوف درعوها فى الحـدادى
من حبلهم طاح طوله فى الحبايل=طاح طوله يوم داسوه العـوادى
ومن بغا لسلومهم ماهو بطايل=سلمهم يصعب على كـل البـوادى
استمع للصدق ماهـو قـول قايل=لاهرجنـا مانعـد الا الوكـادى
افتهم ماقلت دام الفكر جايل=واستمـع لبيـوت سواهـن استـادى
شاعر لاقال تر قوله محايل=وشاعر لاقـال تـر قولـه ****ى
يوم بعض الناس فى قوله مسايل=عايش بلسينـه عيشـة زهـادى
فى قصيده كاسب كل الفشايل=ويعترض للـوم وألسنـة حـدادى
مايعز النفس مقصور المهايل=دايم بسـؤال فـى عيشـة نكـادى
وختمها صلوا عدد وبل المخايل=للنبى اللى لكـل الخيـر هـادى

ابن فردوس

[علي اليامي]

فضلهم مشهور من بين القبايـل
بالكرم والطيب من بين العبـادى
وفعلهم مشهور من عصر الاوايل
فالعصور الماضيه واللى جـدادى
فعلهم للنـاس تضربـه مثايـل
لاحصل يوم عبوس بـه تنـادى
ربعى العجمان حاميـن الهزايـل
كم عقيد طوحوبـه كالوسـادى
ربعى العجمان حاميـن الدبايـل
لاحصل ذبح وضرب بالهنـادى
لازهمنا يـام تكعـم كـل عايـل
صلب يام الى نهق عير الرشادى
يام والله يام الى جات الصمايـل
من حربهم حل فى جمعه نفـادى
من حربهم راح يبرى له وشايل
مساس بالقودعجـل بالمقـادى

صح لسانك يابوسالم ولسان ابن فردوس مازاد طاعني اكتب قومني الحفله يا راكان لاهنت

[حبيب]

راكان صح السانك يا القرم والسان ابن فردوس


ولاهنت على الاختياار المووفق


تحياتي

[العوووود]

راكان صح اللسانك ولسان بن فردوس لاهنت يالذيب

[العنيد]

وصح الله لســــــــــانك يابو ســـــــــالم الف مليون ... وصح لسان قايلها ملايــــــــــين!!!!!!

دمت بخير يابو ســـــــــــالم!!!!

[منصور الصالحي]

تسلم يا راكان وبيض الله وجهك يا القرم ، صح لسانك ولسان ابن فردوس

[مبارك المري]

صح الله السان شاعرها وناقلها

=من حربهم حل فى جمعه نفـادى

[عبدالله الوعيلي]

لازهمنا يام تكعم كل عايل
صلب يام الى نهق عير الرشادى
يام والله يام الى جات الصمايل
من حربهم حل فى جمعه نفادى


صح السان ابن فردوس
والله يعطيك العافيه يا ابو ســـــــالم

[فهد بن محسن]

تسلم والله يابو سالم على نقل هذه القصيدة الجزله

جزل ولا تختار الا الجزل

تحياتي لك

[جابر البطان]

صح لسانك ولسان أبن فردوس

الله لايهينك يابوسالم

أبوعمير