ياسلام الله على( مكه).. و(طيبه).. و(الجماعي) ***عد وبلٍ هلت مزونه وأنا عيني تخيله

[مهوب لازم]

سلام عليكم ...

ياسلام الله على( مكه).. و(طيبه).. و(الجماعي)

بمناسبة انهيار سوق الاسهم

للشاعر / راعي مرات



ياسلام الله على( مكه).. و(طيبه).. و(الجماعي)

............ عد وبلٍ هلت مزونه وأنا عيني تخيله

مرحبا (بالكهرب) إللي فز من مرقده واعي

............ شال حملٍ فوق حمله واضحت حموله ثقيله

وش نرقع في ( الغذائي) صارت شقوقه وساعي

............ شف (لجين) اليوم شارد رافعٍ بيده شليله

ماذبحني ياجماعه غير( صدقٍ) و( الصناعي)

............ و(الزراعي) مانفعني صار طعمه حنضليله

و( المواشي) في الصحاري ضايعه من غير راعي

............ يا عسى ربك يسهل للمؤشر من يشيله

المؤشر لانزل ياخوي يكسر لي ذراعي

............ والنسب لامن توالت زادت الحمى مليله

حسبي الله ياجماعه راح مجهودي وضاعي

............ كل ما أملك راح لحظة مابقى00 غير الفشيله

ليت من هو قبل مده ( صفَّـا) محفظته وباعي

............ كانا أنا سالم.. وغانم.. ماغدت نفسي عليله

والتشكي.. والتبكي .. عارفٍ مافيه داعي

............ ليه انا امشي في الغداري مامعي فيها دليله

مالقينا من يجاوب مالقينا من يراعي

............ ضاعت الطاسه وكلٍ ماعرف من هو قبيله

ماسمعنا اللي يصوت ما سمعنا اللي يداعي

............ مالقينا في زمنا فارسٍ زبــــــــَّـــن دخيله

ياكثر من راح فيها علقتهم بالكراعي

............ وكل شخصٍ طاح فيها مالقى إللي يرتكي له

لاتعجل في أمورك لاتجيها بإندفاعي

............ التأكد والتركد مامثلها مـــــــن وسيله

والمصيبه كان حلت ما يغطيها قناعي

............ ول ياحظ التعاسه دنيتي دايـــــــم بخيله

تاريخ القصيدة / يوم الخميس 8/5/1424هـ ( انهيار مايو ) للشاعر : راعي مرات

والتاريخ يعيد نفســــــــــــــــــــه

والله يعوض المتضررين خير ان شاء الله , والبركة في أبو متعب ربي يطول عمره ..

[فهد بن محسن]

لاهنت اخوي ماهوب لازم

والله يعوض المتضررين ان شاء الله ,, والله يرزقهم من واسع فضله

وابشرو بالخير .. في وجه السعد ابو متعب

تحياتي لك

[مهوب لازم]

ومن قال ما يهون يا طويل العمر ,, وجعلك تبشر بخير ان شاء الله ,, لاهنت على المرور

[ابو فيصل الخويطري]

صح لسانك

وانشالله يعوض المتضررين



الخويطري

[مهوب لازم]

صح ابدنك يالخويطري .. ولاهنت على المرور ...

[حبيب]

موهوب صح السانك والسان شاعرها

الاماشالله عليه ذا الشاعر الظاهر عنده اسهم في كل الشركات

الله يعوض على اخوانا المتضررين

[مهوب لازم]

هههههههه ("موهوب") ظنيتك ياحبيب أنك تقول مهوب صح لسانك << قلت ذا يقلد ابن الذيب يومه يقول مهوب صح لسانك يا جراح ,,

الوكاد أنك تقصد اسمي وعلى اي حال مرحبا بك ومسهلا بذي ولا ذيك .. مرورك شرف لنا يا طويل العمر..

[سعود الخويطري]

الله يعوضة ويعوض كل متضرر


والاسهم اضافة غرض جديد للشعر خصوصا بعد انهيارها


وتقبل سلامي واشواقي

الخويطري

[مهوب لازم]

مرحبا ومسهلا يالخويطري ولاهنت يالذيب على المرور..

[حبيب]

موهوب لازم والله اني اقصد اسمك ههههههههههههههههههه

والله مالي قصد فيها اعذرني وانا اخيك

<<<<<<<<<<<<اثرني جبت العيد

الا صح السااااااااانك وصح السااان قايلها

والعذر والسموحه

بعدين الله يهيديك اسمك مشكله