قصه زوجة الاب مع ابن زوجها

[برستيج]

ياجماعة الخير هذي قصة حقيقيه
في وحده راحت للعمره وهي تصلي بالحرم شافت وحده بجنبها تصلي وتصيح وتدعي والقلب يشفق لدموعها
المرأه استغربت منها وقالت اكيد لها سالفه وكان كل مابين فتره اييها ولد شاب يكلمها ويروح ويشوف شنو تبي
المرأه اخذها الفضول وجلست بجانبها..
وسالتها ليش هالدموع عسا ماشر
فردت وقالت لها والله من العذاب اللي فيني
وليش؟ شنو سالفتج؟؟
قالتلها اقولج قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اييب اعيال
وانا حاولت بس الله مارزقني فشرت عليه انه يتزوج ثانيه
هو مارضى بس انا ظليت احن واحن الين وافق
فدورتله على المره وخطبتها له وتم الزواج
بس بعد ما تزوجها شبت نار الغيره بقلبي
لانه اخذ يميل لها وماتمينا فتره الا والمراه حامل
زادت غيرتي المهم جابت له ولد الزوج استانس
وفرح وظليت انا افكر بروحي اشلون انا اللي شرت عليه
في يوم ياني زوجي وقالي بسافر مع مرتي الثانيه
وبنخلي الولد عندج
ووافقت طبعا لانه مافي احد يمسك الولد غيري
سافروا وخلو الولد عندي وكان الوقت شتا وكنت شابه الدوه(فحم)
والولد عمره تقريبا بين السنه وجم شهر وهو يلعب
ويطامر جدامي وانا بقلبي نار تشتعل مثل جمر الدوه
اشلون ياخذها ويسافر ولا ويخلي الولد عندي
الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولج اشلون صارت ايد الولد واهني حسيت ان ناري طفت اشوي
نمنا ذيك الليله الا ويينا خبر وفاة زوجي مع زوجته
وهم في طريق العوده بحادث
وظليت ابروحي عايشه مالي احد غير ربي ومن ثم الولد
اللي تشوفينه وصار اكثر من ولدي واعز
ويدور راحتي ويرعاني ومالي ظل غيره
وهو اللي يشوف طلباتي وطلبات البيت
ومو مقصر معاي بشي
بس انا كل ماشفته ايده يتقطع قلبي على اللي سويته فيه
واهو ينادي بيمه بس لحد الان ماقلتله اني انا اللي شوهت ايده
ولازلت اعاني من العذاب وتأنيب الضمير
وادعي ربي يغفرلي ذنبي
سبحان الله اشلون حكمة ربي انه صار هالولد
خير لي لولا هالولد جان انا حالتي حاله
ويرد اييها الولد واهو خاش ايده ويحب راسها
ويسألها ها يمة نروح الحين؟؟؟

وعسى ان تكرهوا شيئا وهو خير لكم

منقول

[ملآمح يوسفيه]

قصة مؤلمة

يـآحرآم شوهت إيده وهو مـآله ذنب ..

الله يغفر لها ذنبها ويتجاوز عن خطيئتها ..


كل الشكر لك برستيج على نقل القصه

[فالك طيب]

برستيج

موفق في أختياراتك وتميزك

وشكرا لك على جهودك الواضحه

قصه مؤلمه ومحزنه

وندعو من الله سبحانه وتعالي أن يغفر له ويسامحها

وفالك طيب

[برستيج]

المشاركة الأصلية كتبت بواسطة ملآمح يوسفيه

قصة مؤلمة

يـآحرآم شوهت إيده وهو مـآله ذنب ..

الله يغفر لها ذنبها ويتجاوز عن خطيئتها ..


كل الشكر لك برستيج على نقل القصه

والشكر لج على المرور الجميل شرفتي موضوعي

[برستيج]

المشاركة الأصلية كتبت بواسطة فالك طيب

برستيج

موفق في أختياراتك وتميزك

وشكرا لك على جهودك الواضحه

قصه مؤلمه ومحزنه

وندعو من الله سبحانه وتعالي أن يغفر له ويسامحها

وفالك طيب

لا هنت ع المروـر المشرف للموضوع

مع التقدير

[عذاااب]

< دمعت عيونهاا


يااربي من جد الغيره تسوي اكثر من كذااا


بس الولد مااله اي ذنب


الله يرحم ابوه وامه ويغفر لها ذنوبهااا


من جد قصه محزنه ومؤثره



الله لايهينك برستيج على طرح القصه


تقبل مرووري

[برستيج]

^
^
^

متابعتكـ وتعليقكـ
شرف لموضوعي ووسام علي صدري

تقديري

[ڠـٍڜـٍڨ پـٍڋۋۑۓ]

برستيج

أنت مبدع ..

شكرا لك ولاهنت على الاختياااار المميز

تقبل فائق التقدير والاحترام لشخصك الكريم .