وسيمه يبا لها رد هل من شاعر ؟

[فهد بن سالم الفهاد]

السلام عليكم جميع واسعد الله اوقاتكم جميعا بكل خير ونعتذر على طول فترة الانقطاع
ولكم منا هذه المصافحه بهذا المحراف عسى ان يكون قاف خير لي ولمن يجاريني عليه

الجميع وافين والاول يسد اللزوم



سلام الله بعد طول الغياب اللي خذا له عام ....... على أهل المنتدى الراقي عدد مازخ بطن الغيم
انا منكم وفيكم والمسيله كلــها مــن يـــام ....... وابا لي شاعرن ياخذ معي في ذا الوسيمة قيم

[سعد بن بصيص ال فنيس]

ارحب يابو سالم
والحمدالله على السلامه
وانشالله يجون الربع الي
بيردون عليها

<<<<قلبها وعجز
وتقبل مروري,,

[فهد بن سالم الفهاد]

البقا والله ياسعد وتسلم على مرورك يالقرم

ووافي يابن بصيص رديت ولا مارديت
والجميع انشاء الله مافيهم قصور
ولاهنت على حضورك يالقرم

[الكونكورد]

مرحبا يافهد

والله اني مبطي من النت واللعب

لكن اعجبني مبداك وقلت نرجع اللياقه

هلا يامرحبا ترحيبة ٍ تبقى مع الايام = على وضح النقى من شاعر ٍ يامي وابيه عجيم
توكل يافهد والمعرفه بين الرجال اقسام = نبي نبدا لنا جوله تسمّى جولة الترميم

[مهرة النسيان]

الكونكورد هنا

ابن فهاد بيض الله وجهك اللي جبت لنا الكونكورد مبطين منه ومن محاوراته .

صحت السنتكم واربكم اتكملون

[فهد بن سالم الفهاد]

الكونكورد ارحب وعسى الله يعطيك العافيه


يدوم لك البقا ياللي ترحب والقلوب حيــــام ....... توكل واعقد النيه وعطنا الشكل والتصميم
وحذاري البيت لايبنى ولا من طاح لك ماقام....... ترى بعض البيوت تطيح لامن كثرت التلجيم


والمعذره لم اكن متواجد وعساك تكون قريب

[فهد بن سالم الفهاد]

مهرة النسيان حياش الله وصح بدنش

وانشاء الله انا بنكمل

[الكونكورد]

حياش الله يالمهره

انا موجود لكن السيرفس ذالايام مهوب لاهناك

ترى ما للحمول الا جمل مثل الجمل تمّام = ولامنا عقدناها ترى ماعاد به تقسيم
اذا انّك يافهد تعرف دروب اهل اليمن والشام = وش الدار الذي فيه الذيابه والفتها ريم؟

[مسعطر]

سلام الله بعد طول الغياب اللي خذا له عام=على أهل المنتدى الراقي عدد مازخ بطن الغيم
انا منكم وفيكم والمسيله كلــها مــن يـــام=و ابا لي شاعرن ياخذ معي في ذا الوسيمة قيم

هلا يامرحبـا ترحيبـة ٍ تبقـى مـع الايـام=على وضح النقى من شاعر ٍ يامي وابيه عجيم
توكل يافهد والمعرفه بيـن الرجـال اقسـام=نبي نبدا لنا جولـه تسمّـى جولـة الترميـم

يدوم لك البقا ياللي ترحب والقلوب حيــــام=توكل واعقد النيه وعطنا الشكل والتصميم
وحذاري البيت لايبنى ولا من طاح لك ماقام=ترى بعض البيوت تطيح لامن كثرت التلجيم

ترى ما للحمول الا جمل مثل الجمـل تمّـام=ولامنا عقدناها تـرى ماعـاد بـه تقسيـم
اذا انّك يافهد تعرف دروب اهل اليمن والشام=وش الدار الذي فيه الذيابـه والفتهـا ريـم؟

الله الله ,,



فهد بن سالم ,,

الكنوكورد ,,

صح السنتكم وابدعتوا و حنا متابعين ,,,

[الكونكورد]

يامرحبا ومسهلا

يامسعطر

وشاكر لك على المرور الكريم