طرد المقفي للعزيز انتحاره

[فـارس]

السلام عليكم ورحمة الله وبركاته

اعود اليكم بهذه القصيدة المتواضعه وأتمنى ان تحوز على رضاكم

مليت ياقلبي من الحب مليت=مليت من رجوى الغضي وانتظاره
اشوف كني في هواهم تماديت=و لا لقيت الا الجفى والمراره
مديت كفي للمحبين واعطيت=قلبي لهم و لا حسبت الخساره
وان كان مني ياريش العين صديت=هذا هوى قلبك وهذا اختياره
ماني بتابع جرتك يوم قفيت=طرد المقفي للعزيز انتحاره
وان كنت مخطي فانت من قبلي اخطيت = تشوف قلبي ماحسبت اعتباره
ياليتني يازين ماقلت حبيت =ولعتني واعلنت في الجوف غاره
صارت حياتي بين يمكن وياليت=يحس في قلب ن شموخه وقاره
وآخركلامي رحت ياقلبي الميت=في حبٍ جمعته وشبيت ناره

وسلامتكم