قصيدة لـ بدر الخالدي يمدح فيها ابن الذيب وناصر الفراعنة

[بطاح]

بسم الله الرحمن الرحيم


السلام عليكم ورحمة الله وبركاته


اضع بينكم قصيدة لـ بدر الخالدي يذكر فيها الشاعر محمد ابن الذيب والشاعر ناصر الفراعنة


القصيدة رأيتها في احد المنتديات ونقلتها لكم

ياجنون الارض قومو وانضمو سرب الخيال=المحال اصبح متاح ولا محال الا المحال
انتم النواب عني فالشعر لاجال مجال=العدد سبعين جنّي كلً يكمل خويّه
لاتهقويتو صراطً ماتحملّه حمل=ازهموني والله اني لاجعل الطاغي يمل
وزن طاغي ...والله ان يصبح كما وزن النمل=والحكاوي ماتجي من غير حزماتٍ قويّه
ياهل التاريخ حطولي علامه مستديره=لاتخلوني خلاف اعن المثنى والمغيره
دام الي رايه تعلّت للنجوم المستنيره=تعلمون ان القياده ماتقدّمها سريّه
لو تجاهلتو قصيدي مانسوه اهل القصيد=كمّ واحد ينتظر موتي وانا حيٍ فريد
اضرب القاسي مع الليّن وحرٍ مع جليد=واتعلى فالنوايف والنوايف كايديّه
ابتلاني شاعرٍ يسقي خصيمه سم داب=عرق سمه بين(ن) مابين ناب وبين ناب
جيتله ثم شلة نيبانه وسمه فالتراب=يحسبنّه شاط قلبي لامسكت انياب حيّه
مادرى اني فالجٍ فرّيس قومٍ طيبين=لاغزو يغزون مكسب مايجونك خايبين
بس جاهم حظً اقشر يوم جوني مقبلين=وارجعو والحد عقب الالف صار الحد ميّه
ويش اجل ياواحدٍ مايوذي بشرّه سهل=والله اني ماحسبتلّه ولو انّه جهل
لو عطيته من سمومي نفحةٍ تعمي فهل=يعرف اني قاسي(ن) ثمً يفارقني شويّه
مادرى ان جنون الارض اللي تحت تحكي بفنّي=نصف مكتوبي تناقل عند جنّي لين جنّي
وقّروني واعرفوني واعرفو حكمي وصنّي=ويش اجل عاد البشر وعلومها الصم الخفيّه
يالرياح العاتيه هبّي وشيلي كل بوم=اكنسيهم واقلعيهم واقلعي حدب الرخوم
الرخوم تشيل حدب(ن) كيف ذالدنيا تدوم=كيف بقعاء حللة للساقطين العنجهيه
القصايد لعبة(ن) لي مبطي(ن) من يوم صغري=لاكتبت البيت يدخل فالقلوب الخضر دغري
لو محيا من كتبته مغريً فالبيت مغري=يعني ان ابيات شعري كلبوها شايخيّه
شفت عابر قاطعٍ طرقه يوصلّي كلامه=يوم جاني ماعرفنا وش حلاله من حرامه
شايلٍ حملة ملامه ثم خلاها ختامه=قلت يالعبر تكلّم قول وش حملك عليّه
قال انا جيتك اقول وكل ذا العالم يقولون=انت سباح البحور ولولوك ماهوب لولو
لولوك لو طب سوقه تنبهر منه العقولو=ليه ماتسمع كلامي وانت راع الاولويه
قال انا لي خاطرٍ مايحتمل قول البجاحه=يوم ابرّق وآتطلّع في قصيدٍ وسط ساحه
والله انك لو دخلته تاخذ امن اكبر مساحه=ثم قفى من وراه مواسي شداد المطيه
ثم لحقته قلت يالعابر تعال ابشر بخير=انت تامر والمراد اللي تبيه ابشر يصير
لوّ تطلبني عسير(ن) من ورا حجب العسير=والله ان يصبح سهاله والحكاوي مو قضيه
بس في بالي خطابٍ ودي انك تسمعه=لدّله بالك وروّح كل فرجٍ تقطعه
هو كلامٍ يشبع اللي وسط بالك يشبعه=يعني انك تقتنع والقول مقفول(ن) بليّه
لي رفاقه وسط ساحتهم يشيلون الحمول=مبتداهم خير مبدى يعني اسياد الزحول
صاحيٍ ينوي عليهم مايجي غير مهبول=هم ثلاثه ماخذين(ن) عن مساحة ست ميّه
محمد ابن الذيب راع الطيب مسكانه قطر=لاحكا يالعابري من بوزه ايفوح العطر
كايدً للي يهيم بغزوته يعني خطر=يعني ممنوع التقرّب للرجال الهايميّه
والسبيعي ناصر اللي لانوى المغزى غزا=من نواه العالم الله يلحق لربعه عزا
امتفرعن قد ماسمّي وهذا له جزا=والحقايق صايبه..ومصوّبه..... للصايبيّه
والغبيوي شاعر(ن) لاساق منظوم القصايد=ينرضخله كل صلفٍ كل صعبٍ كل كايد
الجزاله فالغبيوي من قديمٍ له عوايد=يخمد الصاحي مع الماحي على اليمه سويّه
سادة الساحه ثلاثه كل رجلٍ يعترف=هم رفاقه والرفاقه مبتداها بالشرف
هذا منطوقي وقلته بس من شان اتعرف=كل ما فالبال قلته مابقى لوهو بليّه
قال ماني مقتنع منّك ولوّ انّك حكية=جيت يمّك وانت تدري ليه انا بالله جيت
يايتم الامر ولا عدّني مقفي مشيت=ادخل الساحه وخل الناس تضربلك تحيّه
قلت تبشر والصبيحي عدّه انه قد وصل=وانت مطلوبك يتم وغايتك تبغى تحصل
لجل عينك والله ان العاصي ان يزرع بصل=دام راسي حي يالعابر ودنيانا مديّه

[يوران]

صح الله لسانك ولسان بدر

ولاهنت يابطاح على القصيده

[ابونايف الوعيلي]

لاهنت يا بطاح وصح لسانك ولسان قايلها بدر الخالدي



ابونايف الوعيلي

[سعيّد ابوجعشه]

تسلم يمينك على النقل يـ بطاح وصح السان الشاعر بدر الخالدي

[بطاح]

المشاركة الأصلية كتبت بواسطة يوران

صح الله لسانك ولسان بدر

ولاهنت يابطاح على القصيده

صح بدنش يا يا يوران ومشكور على ردش الجميل

[بطاح]

المشاركة الأصلية كتبت بواسطة ابونايف الوعيلي

لاهنت يا بطاح وصح لسانك ولسان قايلها بدر الخالدي



ابونايف الوعيلي

ولا شنت وصح ابدنك يالغالي وجعلك سالم طال عمرك

[بطاح]

المشاركة الأصلية كتبت بواسطة سعيد ابوجعشه

تسلم يمينك على النقل يـ بطاح وصح السان الشاعر بدر الخالدي

ومن قال سالم يابو جعشة ولا هنت على مرورك يالغالي

[aL_CaBoNi]

صح السانك والسان شاعرها

لاهنت على النقل بطاح

[! شيخـــــة المنتــــدى !]

قصيده رووووعه وابياتها جزله

صح لساان الخالدي / وصح نقلك يابطااح وتسلم يمينك على الاختيار المتميز

تقبل تحياتي ووافر تقديري

[بطاح]

ولا شنت يالكابولي والله لا يهينك على المرور