الشمالي: ‬نقابتك مأجورة.. ‬واللي ‬يزايد علينا نشوته برّه

[! الخالدي !]

الطاحوس: ‬ضيّعت الفلوس وقاعد تضحك ‬يا متهاون ‬يا مزوّر
الشمالي: ‬نقابتك مأجورة.. ‬واللي ‬يزايد علينا نشوته برّه




سجال حاد نشب بين وزير المالية مصطفى الشمالي ‬والنائب خالد الطاحوس على خلفية اتهام الطاحوس وزير المالية بإحالة موظفي ‬نقابة الهيئة العامة للاستثمار الى النيابة العامة.‬
وفيما ‬يلي ‬التفاصيل:‬
الشمالي: ‬نتمنى ان ‬يتفهم النواب أهمية قانون الاستقرار المالي ‬وان ‬يقر بالجلسة المقبلة بعد ادراجه على جدول الأعمال.‬
الطاحوس: ‬قدم بعض الموظفين مذكرة للوزير الشمالي ‬بتجاوزات بالملايين فأحالهم للنيابة بعد ان طلب منهم معلومات تفصيلية حول الأمر، ‬والآن القضاء برأهم، ‬والوزير عاجز عن إدارة الهيئة العامة للاستثمار، ‬الوزير ‬يحيل الشرفاء الى النيابة العامة ويترك سراق المال العام ‬يسرحون ويمرحون!‬
الشمالي: ‬النقابة تختص بأعمال معينة وليس التدخل في ‬أعمال الآخرين، ‬وقد خرجت عن دورها وهو حماية حقوق العاملين، ‬وبعدين هؤلاء الأشخاص مزورين وغير مؤتمنين وتركيبتها ‬يوم كان ‬يرأسها النائب مأجورة.‬
الطاحوس: ‬أبناء النقابة الشرفاء حريصون على المال العام الذي ‬أهدرته »‬ويشير بيده الى الوزير«‬، ‬وأنت لم تحترم القضاء وابتسامتك الصفراء نعرفها! ‬وانت المزور.‬
الشمالي: ‬لا تؤشر بيدك! ‬ترى انا مو من هذا النوع استريح مكانك.‬
الطاحوس: ‬لا بأشر عليك وعلى أمثالك المتهاونين والمزورين.‬
النائب مسلم البراك ‬يحرض الطاحوس على الاستمرار بالرد على وزير المالية وينادي ‬بالكلمة لزميله الطاحوس: ‬خلوه.. ‬خلوه.. ‬يتكلم.. ‬افتحوا الميكروفون!‬
الشمالي: ‬هذا الكلام لا ‬يهز لي ‬طرف ولست من النوع اللي ‬تؤشر له أو تحمّر العين عليه، ‬منك أو من ‬غيرك!‬
الطاحوس: ‬لا الحين بحمّر عليك العين وفق القانون والدستور.‬
الشمالي: ‬ترى كل هالكلمات راح تنشطب! ‬ولا عندي ‬شي ‬ولا أخبي ‬شي (‬وهو ‬يضحك).‬
الطاحوس: ‬غريب أمرك! ‬خسائر تتكبدها استثماراتنا في ‬الخارج وأنت تضحك ضحكة صفراء، ‬سوف تدفع ثمن ذلك!‬
الشمالي: ‬الرجاء احترم نفسك، ‬ولا تزايد على المجلس الأعلى للاستثمار، ‬واللي ‬يلعب من أعضاء المجلس نشوته بره..!‬
الطاحوس: ‬هناك تقرير من الشركة السورية ‬يقول انك لا تصلح تدير شركة! ‬فما بالك بوزارة مهمة مثل وزارة المالية؟!‬
والأيام القادمة ستكشف المزورين!‬

[فـهـيـد الــHــتــلانــي]

كفوو يالطاحوس على الكلام هذا والله انك بردت قلبي في وزير ماليه ...
وكل الشكر الى الخالدي ياخووك بردت قلبي واشكرك مره ثاني يالخالدي ...

[! الخالدي !]

ياهلا ومرحبا

ياعسى سبدك دوم تبرد وأبشرك الجايات أكثر

وبشر بتسمع ماهو اطيب أكثر بس الصبر الصبر

اسعدني مرورك

[عبدالله آل عامر]

لا صوت يعلو على الحق
:
كفو يالطاحوس واستمر على نهجك في كشف كل فاسد متلاعب بالمال العام
:
لاهنت يالخالدي على النقل المميز
:

[! الخالدي !]

الاخ عبدالله

حياك الله ويشهد علي الله يافرحتنا من فرحتكم بهالموقف ما توصف

اسعدني مرورك علك تحيا

دمت بود

[هادي بن فهاد]

كفوو يالطاحوس كفوو
:
:

:
لاهنت يالخالدي على النقل المميز

[ليــه يازمـــن]

كفو جبــــل والله جبـــــل
مشكور على النقل
ولك أجمل تحيه

[جبر الخواطر]

اما هالوزير ياهو غثيث ومتبجح وشايف نفسة اكثر من اللازم ومايدرى ان الحكومه مسويته طعم حق التازيم والا مايدرى وين الله حاشره ؟ امس كنت موجود بالمجلس ومر من عندنا وزير الماليه وكان معاى واحد اسمر ماعرفه قلت له مو هذا الوزير اللى قال عنه البراك وزير التوهان وانا اضحك قام الرجال يدافع عنه وانه ريال ويحشم ويقدر ؟ قلت له الله يقنعك بركته ؟؟؟؟

[! الخالدي !]

ياهلا ومرحبا فيكم

وربي لا يهينكم على هالمرور الرائع

والقادم ازين ان شاء الله بتوه ويتعب هالوزير من (الطاحوس + البراك) عزالله بتحاقطونه عدل

دمتم بود

[حــســن الــعــذاب]

لاهنت أخي// ! الخالدي !//

على الخبر والله يعطيك العافية

وكفو يالطاحوس واستمر على نهجك في كشف كل فاسد متلاعب بالمال العام

دمتم بحفظ الله