هداج يتحدى بندر وعفاس

[هـــداج]

السلام عليكم ورحمة الله وبركاته
أسعد الله مساءكم بكل خير
بعد تتبعي لمشاركتي الاولى والثانية تبين لي من ردود شعرائنا الاعزاء مخالفة المعني وهذا مخالف لفن المحاورة .. والشعر حبك وسبك ومعنى وفتل ونقض وسؤال وجواب
وأكثر زملائنا الشعراء الذين شاركوني الاولى والثانية خالفوا كل هذه الامور .
وخلال تعليقهم وردودهم تلفظوا بألفاظ لا تخدم الشعر ولا تخدم هذا المنتدى الشامخ .
علماً بأن الاخ المستشعر بندر قال لي برهن ماتقوله شعراً وكأنه يتحدى وسأبتدي بالتحدي .
وأحيطكم علماً بأن التحدي مفتوح للجميع ومن يستطيع الرد لإني متأكد بأن بندر وعفاس بيبطون ماردوا رد وافي ومليان ولهم مني مهله لمدة إسبوع .

ياشاعر تعال وغن وألعب شقر شـقر
وعطنا المثايل حمر واللا شقر شـقر
وراع العصـا لابـد تشقـر شقـر شـقر
(يقولـون مـال العلــه إلـلا مـــداويــها )

لصحابنا قمنا وغنينا لصحابنا قمنا
بالصوت والصورة وأنا معروف بالصوت والصورة
أمـا تفاهمنـا تعدينـا أمـا تـفـاهـمنـا
مـالناس مجبـورة تـسـل سـيـوف مالـنـاس مـجـبـورة

[بندر العجمي]

كثرت الحكي بخمس اسطور الله يصلحك ويشافيك وكلامك الصف كنه بيوتك بس استلم عشان اريح صاحبي عفاس من لجتك ياخليفة شيلويح :

بغني وبعض الناس مابه حيا حيا = وعسيت فكره مير مابه حيا حيا
توفى ثلاث ايام ثم حيا حيا = ( يقولون مال العله الا مداويها )

قمنا ورحبنا وهلينا قمنا ورحبنا = بالعمي والعوره وقلنا ضيوف بالعمي والعوره
حنا تعلمنا يامسكينا حنا تعلمنا = ياشوتت الكوره على الملقوف ياشوتت الكوره

[اسامة]

[COLOR="DarkGreen"]صح لسانك ياشاعرنا بندر العجمي



هداج
البيت الي يقول ( اماتفاهمنا تعدينا اما تفاهمنا)

فيه ثقل

COLOR]

[عامر الهاجـري]

الله الله ..

سمّ ..

عسى خير يا ضيفٍ معنّا طرق طرق ..
وطرقه على ربعٍ عليهم طرق طرق ..
وباب الحظوظ مسكرٍ لو طرق طرق ..
يقولون ما للأوله غير راعيها ..

نمنا وقام العصعص الي قبل قومته قمنا .. يا بندر المخبور مكفي والأفعال مخبوره ..
يا معزب الضيفان ليتك قبل إتقلطه شمنا .. ما كان ضقت اليوم من مقرود قام بالثوره ..

[ابو سراب]

السلام عليكم ورحمة الله وبركاته

هداج انت شاعر تستحق الاشاده ولا يختلف عليك اثنين ولكن من وجهة نظري ان الشاعر اللي يلجأ لمثل هذا

الاسلوب انه ضعيف مع العلم انك شاعر وبيوتك وافيه وعندما تقول المستشعر بندر فأنت ظلمت نفسك ولسؤ

حظك ان بندر العجمي خصمك .

اما بندر العجمي فقد تابعت محاوراته شاعر جزل بمعنى الكلمه وانا من المعجبين في شعره . اذا لعب مع الغير والخصم لم يشبك معه(لم يفهم معناه) انهى المحاوره بكل

أدب واحترام

اتمنى ان تواصلو على هذا الطرق الصعب جدأ جدأ

ملاحظه؛ والله ثم والله اني لا اعرف هداج ولا اعرف بندر ولا تربطني فيهم اي علاقه

اتمنى لكم التوفيق

[king الوادي king]

الله الله لاهنتو على كل حال

ملاحظه هداج // لاتظلم حق الرياجيل وتعاملهم بانك انت الشاعر الوحيد اللي موجود بيننا فهناك شعار كفو وجزال يستحقون الالقاب الموجهه لهم من قبل الاداره فلو انهم ليش كفو لها لم يعطوهم اسم ((شاعر ))

فانت قلت المستشعرين فهذه نقطه محسوبه عليك فانت يعني مقتنع بان بندر العجمي ليش شاعر في وجهة نظرك وعموم المنتدى يجمع بان بندر شاعر كفو وجزل ولا يختلف عليه اثنين ويستاهل الاسم اللي عليه واللي اكثر منه بعد



وش فيه صياف ولا خلف ايام الشباب المهم لاهنتو على كل حال

هداج لاهنت على البدايه وبالتوفيق وحياك الله مره ثاني

بندر لاهنت وبيض الله وجهك والله اني خابرك من زمان وانت جزل ومانت بمتغير وكل مالك في زود

لاهنت ياعامر الهاجري وجعلك تسلم على كل حال

ولا هانو الاخوان على الردود والمتابعه

[بندر العجمي]

اسامه

مرحبا بك والله لايشينك على المرور



عامر الهاجري


جعل ربي يكفيك من عذاب النار وجعلك سالم وشكرا على المرور



وابوسراب

مرحبا بك والله لايشينك وشهادتك اعتز فيها ووسام ولاعدمناك


كنق الوادي

مرحبا بك والله لايشينك على المرور ولاعدمتك يالكنق

[هـــداج]

سلام الله عليكم جميع وبيض الله وجيهكم على المرور والمتابعه

وكل الشكر لأخي بندر على مجاراته لي وعزالله انك جبت الشقر ميه ميه

لكن !! وقفة الطرق على (أمنا) وانت قلت
(قمنا ورحــ(بنا) وهلينا قمنا ورحبنا) على كلن بيض الله وجهك واستلم الرد

تعلم من الدنيا واخذ لك عـبر عبر = لوانك طمرت الجرف قلنا عبر عبر
ابـعذرك دام العيــن هلت عبر عبر = ( يقولون ما للعله إلا مداويها )

اللـي يداحمـنا ويذيـنا خله يداحمنا = يمناه مكسوره ولامن خوف يمناه مكسوره
يالله ترحمنا ليا اخطينا ياالله ترحمنا = كلن ومقدوره تعال وشوف كلن ومقدوره

[بندر العجمي]

اللعب ابطى ياهداج وحلات اللعب مباشر وفوري وختامها عندك وااااستلـــــــــم

:

من ذراعنا حنا عمرنا قصر قصر = وبعض العرب من صغر عينه قصر قصر
اصلي جماعه وانت تقصر قصر قصر = ( يقولون مال العله الا مداويها )

اللي يزاحمنا ويلهينا اللي يزاحمنا = غرقان بابوره وهز اكتوف غرقان بابوره
يالله تامنا وتحمينا يالله تامنا = وقع على زوه على المكشوف وقع على زوره

[اسكيت]

بندر العجمي سووووووووق والحباااااااااااارى بلطراااااااف

اشهدنك شااااااااااعر يا ابن العم

( صح السانك )



\ اسكيت