محاوراة شيقه للشاعر الكبير ابن حفيش

[ولد رجال]

اخواني الاعزاء المتذوقين للشعر المحاورة لقد وجدنا للشاعر المعروف هادي بن حفيش محاورة بينه وبين شاعر قام بارسال المطلع بدون اسم لذا تم تسميته بالمتستر

المتستر:

سلام الله سلام ما يقال إلا على راعيه
اخص به العبيدي والرجال اللي تحفوابه
اخص به العبيدي هادي بن حفيش واسميه
عزيز فزعته بالطيب ماهي فزعة زلابه

هادي بن حفيش

ألا يا مرحبا بالصاحب اللي نسمع بطاريه
ولا شفته بعيني قلت يا سبحان من جابه
تقول إني عبيدي والعبيدي وش رايك فيه
يعود جحدري و الا الجحادر منه وانسابه

المستتر:

يدوم لك البقا يا للي عساني ما تبدل فيه
عساه يدوم عز اللي لو انه غاب يدرابه
بلشنا بالحواشد شيخهم لو زعل من يرضيه
و لا نقدر نفرق بين ابو نواس واصحابه

هادي بن حفيش

و فيت ولا هفيت و علمك الاول مثل تاليه
علومك كبر ضلع طويق و الابيات جذابه
ولكن وش ورى هالضلع مدام(ن) اسمك مخفيه
وتدري بالحواشد ساس روس نمور وذيابه












المستتر

ما دام ان الوفاء حاصل شهادة هادي تكفيه
علومي مثل ضلع طويق ساس البيت واطنابه
انا اللي مشغلك طاريه قبل ايام يا ناسيه
نبا التصحيح با الاول و حاشد عندي اعرابه


هادي بن حفيش

انا وافي وابن وافي واباري الذيب وعشيه
واشب النار للافي واعرف البيت وحجابه
وليا عربت لي حاشد عرفت البيت يا بانيه
على قول المثل تلعب وحن للناس لاعابه

المتستر

لا تهرب عن سؤالي يامعشي الذيب ومخاويه
انا ادريبك كريم اسبال يا رجال باشنابه
نبا تعريب الادنا خل الاقصا طالبيه يمديه
نبا العشرة تطول وكل شيء ندقق حسابه

هادي بن حفيش

انا شايب ولي مبدأ و صلي الفرض ما خليه
و لا اقفى المسلم الغافل اخاف اذنب من اسبابه
ولا اسوي سوايا اللي يسوي شيء ما سويه
ولا اقصر حق من له حق والمقسوم نرضى به







المتستر

يا هادي لا تضيع سالفتنا والهدف تعميه
معانينا ثمينه و الهدف ما ينقفل بابه
انا خابرك شاعر خل عنك الشيب لاتطريه
سوالفنا على وضح النقا ما حن بكذابه


هادي بن حفيش

انا شبهتك الضلع الكبير و عادني قافيه
علومي بين خوذ و هات قرايه و كتابه
و لكن المساعد يا لسنافي بالك تخليه
ترى المعنى ما بين اثنين والاثنين تتشابه



المتستر

تقفتك العوافي مقسم اهل النيل لا تعطيه
عسى الله يستر ابن حفيش يالعراف بثيابه
(شاب البيت يابن حفيش)

هادي بن حفيش

ليا من قلت شاب البيت شاب ولا وراها ليه
انا باقول تم و تم وافهمها ولا جابه

[بندر العجمي]

الله لايشينك

[هادي بن فهاد]

الله الله

تسلم يمينك على النقل الرائع

وتقبل تحياتي