ياحبيبي صدتك مالها داعي ....!!!

[شيخة الغلا]

مـــــــــرحبـــــــــــــاااا بــالجـمـيـــــــــــــــــع ..
قصيده إعجبتني وحبيت أنقلها لكم .. أتمنى إنها تنال إعجابكم...!!




يــاحـبيبي صـدتـك مـالـها داعـــي
وش يفيدك من عنا العين وبكاها

مـا تــرد الصــوت وتقدر الداعي
لـي متـى ياقرت العين ومنــاهــا

زلـةٍ زلـت وتـلــوي بهـا ذراعــي
ما حدن قبلك من الناس سواهـا

جيت أعدلها وزادت من أوجاعي
مثل من جاا يكحل العين وعماها

أنت عارفني وتدري عن أطباعي
كلمةٍ تجرح مشاعرك ما رضاها

والله إني مـن سبايبــكِ ملاااعــي
لوعة اللي لاعــه الطيروأغداهــا

إنت مشتهااي ونصيبي ومرباعي
وإنــت علــة المعـاليــق ودواهــا

أنتظــر ردك ولا جابـه السـاعـــي
وَلــي يـاقلــوب المـحبيـن مقساها

شاب طاروقي وقافي ومصراعي
ياقمر خمسة عشر ويش معناها

يرقدون الناس ياأحمد وأنا واعي
ما هتنيت النوم من عقب فرقاها

قـد تمنتـني وأنــا أطـق بصبـاعي
وأيسـت منـي وصـرت آتمنـاهــا

مابها رحمه ولا هي بمطواعي
كل ماقوله على الله مشكــاهـا

أشـتري جملـه ولابيـع قـطاعــي
ومن يدورها على الناس يلقاها


وسلاااامتكم
الشاعر // جواااالي العزيز

[مسعطر]

الله الله الله على القصيدة ...

صح لسانش أختي شيخة الغلا ..

و صح لسان جوالش



و أنا عرفت صاحبها ...

للشاعر المبدع صاحب الصوت الجميل فهد المفرج التميمي


و هذي القصيدة بصوت الشاعر ..


القصيده بالفيديو
من هنا حفظ الهدف بأسم


و أهنئش أختي على الإختيار الجميل ..
تقبلي مروري ..

[فـارس]

شيخة الغلا

اهنئك على ذائقتك الشعريه

و الله يعطيك العافيه على نقل القصيدة الرائعه

ودمتي بود

[شيخة الغلا]

مسعطر لاهنت عالمرور كلك ذووووق
وصح بدنك يالأمير

مرورك عطر متصفحي ..

دمت يالقرم

[شيخة الغلا]

فارس