قصيدة مدح للشاعر فالح الشيباني في الشيخ طلال بن خرصان

[ابومحمد الشامري]

هذي القصيدة للشاعر فالح بن فويز الشيباني العتيبي في الشيخ طلال بن فيصل بن خرصان ابن بطل الوديعة الشيخ فيصل بن معضد بن خرصان الله يرحمه ويسكنه الجنه والشيخ طلال يستاهل المدح وهو على طريقه يقول فالح الشيباني:

الا وعذاب القلب من هاجسا رماع=يهز الخفوق وجوهر العقل يلعب به
يلخبط عليه واخطي الدرب والاسناع=وامل الجلوس وهرجه الناس واللبه
ولا لي نديم غير بيض الورق والراع=مع الشعر واهل الغي بالحيل متشبه
يجيني بلايه كل مانور صبح شاع=ولا افيق لين الشمس للغرب منكبه
وانا في رجا الخلاق رب السما والقاع=يفرج لعين دمعها دايم تصبه
ولا ياوجودي من جاه علم وفاع=عن اعز ربعه قالوا انه لقي ربه
وركب فوق جيبه من غبونه وفكره ضاع=وسرا مع طريقه ناس النور ماشبه
عرض له غشيم في طريقه وقدمه تاع=يادوبه لمح قدام صدامه اصطبه
حذف موتره ليمين من شوفته مرتاع=وتقلب ثلاث مرار مع صحصح الخبه
تفقد اعضا جسمه وهو طايح منلاع=وليا والله الساق والفخذ منجبه
وجودي وجوده والليالي تراها انواع=وانا مومن بالله والدهر مااسبه
ياقل اصدقاي اعدهم من علا الاصباع=ولكن واحدهم كما السيف واضربه
وانا اليوم منهم بأزهم الطيب الفزاع=طلال الذي نغليه بالحيل ونحبه
سلاله شيوخ كل منهم طويل ذراع=شيوخ تدوس الحرب والنار مشتبه
وهو شيخا نادر في زمانه وفعله ذاع=طريق المراجل في مسيره تقضب به
كما الحر الأشقر لا تنهض وهو طلاع=يدوس الخطر من طيب منشاه ويطبه
هذا موجز النشره نشرناه بالمذياع=علاشان ابن خرصان يدري وش السبه

الشاعر فالح بن فويز الشيباني العتيبي