أبوي عامر

[::::أم راكان::::]

قصيدة لشاعرة الرس(العامريه-أم محمد) رد على أحد شعراء الرس حينما قرأ شعرها وتسأل من تكون.

يا جاهل بي تراي أكون عجميه=وأحب طاري القصيم ومولدي فيها
ومن العرب افتخر واصلي سعوديه=والرس هي ديرتي يارب تحميها
وعندي قبيلة وعزوة والشرف ليه=قبيلتي بالمراجل من يضاهيها
وأبوي عامر وطيب وصادق النيه=لقمه اعياله إلى ضيفه يوديها
ويشب ناره وناره دايمن حيه=يدق نجره وقهواته يسويها
وفي خدمة الضيف دايم يشغل ايديه=حافظ لدينه وأماناته ياديها
أمي لطيفة نظيفة عرض ونقيه=ما احد يذمه الى من جيب طاريها
محبوبة للجميع وصافية نيه=جيرانها مانوت مره تأذيها
وتقسم لهم من عشاها لو هو شويه=وهذي تسولف لها وذي تواسيها
وعندي أخوان بهم شاره وماريه=وأفعالهم طيبة تشكر مساعيها
وعندي عيال وبنات وأهل حنيه=وهاديهم الله وجنبهم معاصيها
وارجي من الله كريم يصلح النيه=وذريتي يم درب الخير يهديها
مالي مطالب ولا هذي ولا ذيه=الستر هو مطلبي وفروض ااديها
وارجي من الله رحوم رحمة ليه=أمي وأبوي بجناته نلاقيها
ويسكن العود في جنات عليه=وأمي معه يم فردوسه يوديها
ونعم بكل القبايل دون خصيه=ومليون نعم ومليونين اثنيها

رد الخيلوي على ام محمد:
الاخت ام محمد حياك الله وابقاك لقد استلمت قصيدتك الطيبه
وهذا هو مردي عليها وقد اخلفت بحر القصيده بعض الشي كي استطيع
التعبير اكثر تقبلي تحياتي واعذريني عن التأخر بالرد لظروف عملي

مرحبا بنت الرجال اخـت الرجـال الغشمريـه=مرحبا ترحيبـة ٍ مـن خافقـي تلـزم يديهـا
مرحبا عد النجـوم الساريـه واكثـر شويـه=وعد من ركبوا على ظهور النضا ومن يهتويها
وعد ماهلت حقوق المـزن بطـراف الحويـه=وعد من يرقد تحت وجه الثرا واللـي عليهـا
اتضحتـي للخليـوي يالعـنـود العسوجـيـه=اتضحتي يالشريفـه بنـت عـود ٍ يحتميهـا
بنت عود بالكـرم والطيـب ماحـاف الرديـه=مجلسه عامر على اسمـه والنشامـا يلتقيهـا
يندبه جـد ٍ عريـب ٍ ماهـي بعموقـه رديـه=يندبـه عجيـم الاول والمراجـل يحتويـهـا
اشهد انك من حـرار ٍ والـدك زبـن الونيـه=بنـت قـوم الشجاعـه والمنايـا ترتويـهـا
قومك العجمان يابنـت العـرب ماهـي خفيـه=تـارد حيـاض المنايـا والمعالـي ترتقيهـا
الحرار اللتي تسوق المـوت وسهـوم المنيـه=في نهار ٍ لختلط عـج الرمـك مـن يقتويهـا
كم شيخ ٍ من يديهـم انطفـت نـاره وضيـه=وكم هنوف ٍ طوحت بالصوت تنعـي والديهـا
من حربهم ماكسب من حربهـم غيـر البليـه=ومن لجا فـي ظلهـم نومـه بعينـه يهتنيهـا
محافيظ ٍ من نصاهـم ارقـدت عينـه هنيـه=صلب يام ٍ من غزوله نـوم عينـه يجتفيهـا
هذا وانـا شمـري ٍ عزوتـي اخـوان ريـه=ربعي غفيله مدسمـة الصوانـي فـي يديهـا
الكرم سلم ٍ لنـا والطيـب وريـح الشاذليـه=ورث حاتم انكتـب لشمـر ٍ فـرض ٍ عليهـا
الطنايا اسود حايـل والصحـارى الجرهديـه=الرجال اللي ثنت مـن دون حايـل تحتميهـا
كم عدون ٍ مـن سطاهـم انعثـر بالمهمهيـه=وكم شيخ ٍ من رسنها حولوا به مـن عليهـا
شمر ٍ هي شمر ٍ طـول الدهـر تبقـى قويـه=شمر ٍ عوق الخصيم اللـي تهقـوى يعتليهـا
هذ والله يحفظك يالشاعـره مـن كـل سيـه=ويحفظ عيال ٍ في عينك يالشريفـه ترتجيهـا
وتهتنين بشوفهـم طـول الدهـر يالعامريـه=العيـال اللـي رجيتـي ماتخيـب مرتجيـهـا

الشاعر

علي الخليوي