رساله مضمونها فيـــها

[صالح الغباري]

ﻻ تِزعِل اللي يتعبون الركايب=اللي على العليا تربع لهم شان
اللي يفكون النشب والطﻼيب=قوم لهم ضد المعادين سلطان
راياتهم تصعب على كل عايب=ما تنكسر هلها صعاصيع شجعان
ياللي تشوف ان حكمك اليوم صايب=وان الخطا والجور مافيه نقصان
فانا يقيني شورك ام المصايب=من شاور الخفرات يجزى بخسران
من كان شوره يقلب شداد شايب=وينقض عهودن بالوفا بين جيران
وشدد قرومن ضدها دوم هايب=قومن وفت يوم الردي للعهد خان
وارخى الريال وشب نار الحرايب=بين الشعوب وصارت القوم عدوان
ولا تشدد له سوى كل خايب=قام يتخبط توهم خبط عشوان
فلا ترتجي من هو من العقل غايب=ينقاد مخزوم ومعصوب الاعيان
ياشين يومه لي هبته الهبايب=لما انكشف سده غدا كاين كان
لاعاد به فزعه ولا به قرايب=واللي خذه بالصاع يحمله باطنان
يالمنتظر صبرك على كل نايب=وابشر بعزٍ يعتلي راس مابان
يامحمد بن الذيب دونك كتايب=تقنب ذيابة ثار و تجاوب ادخان
ترخص لجل عينك عزيز النجايب=وتدعس على درب الخطر كل شيطان

[الحر الاشقر]

صح لسانك يا الغالي

[صالح الغباري]

صح بدنك يالحُر الأشقر وشرفني مرورك

[مقبل العرجاني]

الله يفك عوق بو حمدان

وكلنا ابن الذيب

صح لسانك قصيده جزله

[غصون]

الله يفك عوق بن ذيب



صح لساانك



لاهنت

[صالح الغباري]

المشاركة الأصلية كتبت بواسطة مقبل العرجاني

الله يفك عوق بو حمدان

وكلنا ابن الذيب

صح لسانك قصيده جزله

صح ابدانك يا مقبل واطلب الله وقل يالله ان الله يفك اسره ويبلا من بلاه ولعنبوا راس مافيه حميا

[صالح الغباري]

المشاركة الأصلية كتبت بواسطة غصون

الله يفك عوق بن ذيب



صح لساانك



لاهنت

آمين يا غصون وصح ابدانش ولا شنتي يالأجوديه