أبشكي على نفسي

[عبداللطيف الفضلي]

أباكتب دموعي حروف وابـكي على دنـيــاي = وابـشـكي على نفسي على ماجـرى لـيّـه


عـجـيـبـة بـقايـا النـفــس تـبـكي عـلى بـلـواي = وتصرخ ترى غصبٍ عن الدرب ملويّه


أنا شاعر(ن) عاش الـمشاعر بـصوت الـناي = يــشـوف الصبـايا كـلهن زول حــوريّـه


ليا شفت زول(ن) صرت هايم واحث خطاي = غـدت حــالتي يانـاس بالحـيــل مزريّـه


أقــول الغـزل والـوجـد من عــلّة(ن) بحشاي = لهـيـب(ن) تـوقّد منّــه النـفــس مـبـلـيّــه


عصيت الولي والمعصيه هي سبب شـقـواي = وحـالي بــراها الوجـد بالحـيـل مـبـريّــه


قنيبي يـجاوب تــالي اللـيــل صـوت عــواي = هــمـومي دعت كبدي على النار مشويّه


ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه

[غصون]

تسلم ولاهنت


ع القصيد الراائعه

تحيااتي لك وتقديري

[عبداللطيف الفضلي]

الله يسلمك ويخليك ومرورك أروع

[سمو الرووح]

ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه

بالحيل رااااااائعة لاهنت أخي القدير / عبداللطيف الفضلي قصيدة جزله تبارك الله


تقديري وحترامي.

[عبداللطيف الفضلي]

أسعدني مرورك العذب


صح بدنك وكلك


تبقين شامخة في ردودك


لكي مني كل الشكر والتقدير

[أخر الفرسان]

صح لسانك

تبي تشوف الذل في صورتة صح
شوف دمعة قهر في عين شايب

[عبداللطيف الفضلي]

صح بدنك