قصيدة بعنوان ( جـــيــــتـــك )!!!!!

[مستغنيه]

السلام عليكم ورحمة الله وبركاته

قصيدة لشاعر ثامر شبيب الدقباسي

رائعه

وأتمنى ان تعجبكم

.


.

.

.

.

.

.

لاتلومني لاجيت كلي من اقصـاي=مافيـه غيـرك لاتضايقـت جيتـه
جيتك ولاغيرك ذكرتـه بمسـراي=جيتك وكل انسـان غيـرك نسيتـه
جيتك وانا ماني بأنـا تايـه الـراي=جيتك وانا مدري وش اللـي بغيتـه
جيتك وقلبي دقتـه تسبـق خطاي=جيتـك اقـول مفارقـك ماقويتـه
ان مر يـومٍ بالعمـر منـت وياي=اشتاق لك شـوق المسافـر لبيتـه
مثل الهوا تحتاجه النـاس والمـاي=يحتاج لـك قلـبٍ هـواك وهويتـه
دامك معي ماقصرت يـوم دنيـاي=دامي خذيتـك وش بقـا ماخذيتـه
وانكان تنشدني بعد ليـه انـا جـاي=ابشـر بـردٍ يقنـعـك لاقريـتـه
جيت اعترف بالفرق يا اخر منـاي=بينك وبيـن اللـي عشانـك جفيتـه
اني ليامن جيت لك ( همك رضاي )=واني ليامن جيت لـه ( مالقيتـه )
لاتلومني لاجيت كلي من اقصـاي=مافيـه غيـرك لاتضايقـت جيتـه

ولكم تحياتي