ll•°‎ ابوعبدالرحمـن في إضاءات المجالس ll•°‎

[ابوعبدالرحمـن]

المشاركة الأصلية كتبت بواسطة بنت المشاعر كلن لها شاعر

ابو عبد الرحمن شخصيه مميزه يسعدنااا تواجدك

مرحباا فيك
الله يبقيكم ومشكوره على المقدمه الطيبه ..


وكل الشكر للاخت الغروب

1_ هل انت من عشاق السفر وين تحب تسافر دوم ؟
اي والله السفر شي لذيذ .. اما وين احب اسافر .. أحاول اني أغير الوجهه غالباً


2_ ايش الابيات الي ترددهااا دوم ؟

ليت الزمن طيرٍ يحول على الملواح = برده .. ولا ادري ويش اردّه على شانه .. !!

3_ عطني نبذه عن شخصيت بو عبدالرحمن بشكل عااام ؟
يؤ يؤ .. رجعنا للأسئله المحرجه .. !!
والله ما ادري شقول لأن النوعيه هاذي من الأسئله .. تخلي الواحد يمدح نفسه
بس .. تقدرين تقولين .. طموح - إجتماعي - عصامي - إذا نويت اسوي الشي يا اتقنه يا ما أسويه كلّش


4_ حاجه تمنيت انهااا ماصارت في حياتك ؟
اهدرت سنين على ما قررت أكمل دراستي الجامعيه


5_ صدمك خطااا من احد المقربين لك ماهي رده الفعل ؟
من المقربين .. والله البلشه أتوقع أسامحه .. !!


اكمل والا اسكت
بعد .. عاد في راسش موال
هههههههههههههههه


خلاص الباقي بعدين
اوكي .. مشكوره على الأسئله الحلوه وفي إنتظار الباقي

[ابوعبدالرحمـن]

المشاركة الأصلية كتبت بواسطة راعية اطيب قلب

السلام عليكم ورحمة الله وبركاته
ابو عبد الرحمن وعادت لك من جديد
وعليكم السلام ورحمة الله وبركاته
عوداً حميداً إسلمي


بس بأسأله خفيفه ويحبها قلبك
نفس اسألتك لي ابيك تجاوب عليها
<<كانها مشروع انتقام
ههههههههههههههه مو كنّه .. إلآ مع سبق الإصرار والترصد


س1 : حكمتك فالحياه .. !!
من تواضع لله رفعه

س2 : شخصيه تاريخيه تعجبكِ .. !!
ذيب بن شالح - رحمه الله

س3 : شخصيتك ( عصبيه ، رومانسيه ، هاديه ؛ ....... ) .. !!
اجتماعي

س4 : متى كانت اكبر فرحه في حياتك .. !!
تحرير الكويت

س5 : لو كان لك إسم مستعار غير .. راعية اطيب قلب .. شنو راح يكون .. !!
هههههههههههههه ماشي

س6 : من هم الأعضاء اللي تحرصين على متابعة مواضيعهم .. !!
أعضاء المجلس الإسلآمي + ابومحمد الشامري + فهيد الكفيف

س7 : عضو/ عضوه .. عاجبتك صورته/ها الشخصيه وتوقيعه/ها .. !!
فيصل المشلش

س8 : عضو نشيط .. !!
عزوتي دوسريه

س9: عضو مفقود .. !!
السهم - الله يذكره بالخير ..

س10 : عضو واثق من نفسه .. !!
ابومحمد الشامري

س11 : عضو مثقف .. !!
د.فالح العمره

س12 : عضو تتمنين تغيرين إسمه .. !!
بعض الأعضاء اللي يسجلون بأسماء قبائلهم ويسيؤن لها بمشاركات سيئه

س13 : عضو تهدينه بيت شعر .. وما هو بيت الشعر .. !!

أنا شبابك لا غزى راسك الشيب = وأنا عضيدك لو تجور الليالي

أهديه لأخي الغالي HADI_KW ..

س14 : عضو تعتقدين انه حالة استثنائية بالمنتدى .. !!
عبدالله بن شيبان

س15 : عضو تتوقعين شعبيته كبيره ومحبوب عند غالب الاعضاء ..!!
عبدالله ال عامر

س16 : عضو حضوره في صفحاتك يعني لك الكثير .. !!
ابومحمد الشامري

س17 : عضو يشابهكِ فالطرح .. !!
والله ما ادري

س18 : ما هو مدى التطابق بين شخصيتكِ داخل وخارج المجالس .. !!
100 %

س19 : بيت شعر مقرب منكِ جدا .. !!

ما قل دل وزبدة الهرج نيشان = والهرج يكفي صامله من كثيره

س20 : سؤال تمنيتي احد يقوله .. !!
ههههههههههه والله ما خليتوا شي ما شالله عليكم كل شي سألتوني عنه


ولك الحريه بالرد على لالي تبي منها وترك اللي ماتبي

اسعد المولى واغلاك دنيا واخره

مشكووووره على الأسئله الـ copy
بس يا ليتش غيرتي ضمير المؤنث

[ناثرة الورد]

.. السلام عليكم ورحمة الله وبركاته ..

{ ابوعبدالرحمن }

عضو تمتع بالروح الطيبهـ و الخلق الراقي و بتواصلهـ كسب مكانهـ عالية في نفوسنا فكان بحضورهـ الثراء و الرقي للمجالس ..

{ الغـروب }

اشكـركـِ لاستضافهـ عضو مميز وقدير ودمتي بمبدعهـ كالعادهـ ..

وساطرح الاسئلهـ وتحملنا تراها خفيفهـ وشويهـ اخذ نفس عميق


1-ماهي المواضيع التي تشد انتباهك ؟؟

2- هل تشعر بقصورك في الرد على الأعضاء ؟؟

3- هل تشعر بقصور المشرفين بالردود ؟؟

4- هل تشعر باتجاهك وتفاعلك في منتدى محدد ؟؟

ام تتعامل مع كل اقسام المنتدى بنفس درجة التفاعل ؟؟


5- حين تجد طرح لايستهويك ؟؟ ترى ماهو رد فعلك؟؟


6- بصدق وامانه من يحرض فيك رغبة التفاعل ,,, الموضوع ام صاحب الموضوع ام كليهما ؟؟

7- كتبتِ موضوعا .. بذلت جهدا .. انفقت وقتا ..
ايقنت ان الموضوع اصبح جاهزا للطرح والعرض ...
قدمته .... توقعت زوار .. توقعت تفاعل .. موضوع هام ...
ولا بد ان القراء سيثرونه بالردود والتفاعلات ..
انتظرت يوماً ويومين وثلاثة .. والنتيجة عشرة زوار او عشرون ..
والردود لاااااااا أحد
ما هو شعورك ؟


8- حين يقوم احد الأعضاء بالرد على موضوعك ..
ما هو شعورك حين تجد انه سلك بموضوعك طريقا لا يمت للموضوع
بصلة مما دفع البعض للتفاعل مع رده دون اهتمام بطرحك أنت صاحب
الموضوع الأصلي ؟؟


9- عندما تجد احد الردود يدفعك للانزعاج .. ترى ماذا تفعل ؟؟

10- حين تطرح موضوعاً ... هل انت تحرص على متابعته
وتتفاعل معه اولا بأول ام يقل الاهتمام تدريجيا ؟؟


11- هل تود ان يكون في المنتدى قسم تتمنى وجوده غير الأقسام المطروحة في المنتدى ؟؟؟ وما هو ؟؟؟

12--هل تؤمن بأهمية وجود وردود المشرف على مواضيعك ؟؟

13-لو كان لك حرية اختيار اكثر من قرار في المنتدى ,,
ماذا ستقرر على وجه السرعة ؟؟

14- هل التثبيت للمواضيع المتميزة ... يشجعك للتواصل والعطاء ؟؟؟ وهل تشعر أنك تستطيع الوصول إليه ؟؟

15- سلبية واضحة جدا في المنتدى وتطالب بازالتها الآن ... ماهي ؟؟

ولي عوده بأسئلهـ جديدهـ انشاءالله

[الغروب]

السلام عليكم ورحمة الله وبركاته

ابوعبدالرحمن

تسلم على حضورك المميز

وتقديرجميع الأحبه بالتعرف على ابوعبدالرحمن عن قرب


.... اعذب الدعوات واخلص الامنيات ....

[ابوعبدالرحمـن]

المشاركة الأصلية كتبت بواسطة الغروب

السلام عليكم ورحمة الله وبركاته

ابوعبدالرحمن

تسلم على حضورك المميز

وتقديرجميع الأحبه بالتعرف على ابوعبدالرحمن عن قرب


.... اعذب الدعوات واخلص الامنيات ....

وعليكم السلام ورحمة الله وبركاته

الله يسلمك من كل شر
وتقبلي عظيم الإمتنان على الإستضافه والمتابعه
وفائق الإحترام و التقدير على جهودكِ الواضحه

.. ..

[ابوعبدالرحمـن]

المشاركة الأصلية كتبت بواسطة ناثرة الورد

.. السلام عليكم ورحمة الله وبركاته ..
وعليكم السلام ورحمة الله وبركاته


{ ابوعبدالرحمن }

عضو تمتع بالروح الطيبهـ و الخلق الراقي و بتواصلهـ كسب مكانهـ عالية في نفوسنا فكان بحضورهـ الثراء و الرقي للمجالس ..
الله يسلمش هذا والله من طيبكم


{ الغـروب }

اشكـركـِ لاستضافهـ عضو مميز وقدير ودمتي بمبدعهـ كالعادهـ ..

وساطرح الاسئلهـ وتحملنا تراها خفيفهـ وشويهـ اخذ نفس عميق
إسلمي .. الله يستر


1-ماهي المواضيع التي تشد انتباهك ؟؟
الألغاز + المواضيع الهادفه طبعاً ..


2- هل تشعر بقصورك في الرد على الأعضاء ؟؟
والله ما اقدر احكم .. بس هذا حنا نحاول نشد الحيل


3- هل تشعر بقصور المشرفين بالردود ؟؟
بالعكس .. الله يعطيهم العافيه جهودهم واضحه


4- هل تشعر باتجاهك وتفاعلك في منتدى محدد ؟؟ ام تتعامل مع كل اقسام المنتدى بنفس درجة التفاعل ؟؟
للأمانه .. انا متفاعل مع اقسامي تحديداً فالغالب


5- حين تجد طرح لايستهويك ؟؟ ترى ماهو رد فعلك؟؟
يكون ردي عليه غير عن ردودي المعتاده

6- بصدق وامانه من يحرض فيك رغبة التفاعل ,,, الموضوع ام صاحب الموضوع ام كليهما ؟؟
والله كلها .. لأن عندنا أعضاء ما شالله لهم شعبيه كبيره ؛ وعندنا ثقه في مواضيعهم قبل لا نقرأها


7- كتبتِ موضوعا .. بذلت جهدا .. انفقت وقتا ..
ايقنت ان الموضوع اصبح جاهزا للطرح والعرض ...
قدمته .... توقعت زوار .. توقعت تفاعل .. موضوع هام ...
ولا بد ان القراء سيثرونه بالردود والتفاعلات ..
انتظرت يوماً ويومين وثلاثة .. والنتيجة عشرة زوار او عشرون ..
والردود لاااااااا أحد
ما هو شعورك ؟



8- حين يقوم احد الأعضاء بالرد على موضوعك ..
ما هو شعورك حين تجد انه سلك بموضوعك طريقا لا يمت للموضوع
بصلة مما دفع البعض للتفاعل مع رده دون اهتمام بطرحك أنت صاحب
الموضوع الأصلي ؟؟
بحاول أشرح قصدي مره ثانيه

9- عندما تجد احد الردود يدفعك للانزعاج .. ترى ماذا تفعل ؟؟
على حسب .. إذا الموضوع عادي .. أطنش
أمآ إذا كان الموضوع مهم .. برد عليه وأوضح له خطأه

10- حين تطرح موضوعاً ... هل انت تحرص على متابعته
وتتفاعل معه اولا بأول ام يقل الاهتمام تدريجيا ؟؟
أتابعه أول بأول .. لأني واحد من الناس إذا رديت على موضوع أحرص على رد صاحب الموضوع علي


11- هل تود ان يكون في المنتدى قسم تتمنى وجوده غير الأقسام المطروحة في المنتدى ؟؟؟ وما هو ؟؟؟
بدون مجامله .. المنتدى كامل والكامل وجه الله .. لكن .. هناك أقسام تحتاج للتنشيط


12--هل تؤمن بأهمية وجود وردود المشرف على مواضيعك ؟؟
أكيد .. ولآ بشعر بالإحباط وأحس ان موضوعي تافه


13-لو كان لك حرية اختيار اكثر من قرار في المنتدى ,,
ماذا ستقرر على وجه السرعة ؟؟
توزيع منحه 1000 دينار لكل عضو .. طبعاً من جيب ابومحمد الشامري


14- هل التثبيت للمواضيع المتميزة ... يشجعك للتواصل والعطاء ؟؟؟ وهل تشعر أنك تستطيع الوصول إليه ؟؟
أكيد .. والتقييم كذلك مهم .. اما الوصول إليه ما شالله أغلب أعضائنا قادرين على هالشي


15- سلبية واضحة جدا في المنتدى وتطالب بازالتها الآن ... ماهي ؟؟
.. لا يوجد للأمانه

ولي عوده بأسئلهـ جديدهـ انشاءالله
مرحبا مرحبا
وشكرآ على التفاعل
وفي إنتظار الأسئله

[عبدالله بن شيبان]

بسم الله الرحمن الرحيم
:
السلام عليكم ورحمة الله وبركاته
:
اشكر الأخت القدير والمميزة
"الغروب"

على استضافة الشخصية الفريدة من نوعها
" أبو عبدالرحمن"
:
والذي فرض احترامه و حب الاعضاء اليه
من خلال اسلوبه الراقي و تواجده المتواضع الجميل
والاخلاق العالية
:
وانا شهادتي فيه مجروحة بصراحة
:
وانا مجهز له اسئلة بالصميييييييييم
:

1
ماذا يعني لك نك ( درع ) ..؟

:

2
شنو كانت ردة فعلك لمن تبلغت بمهمة الاشراف ..؟

:

المشاركة الأصلية كتبت بواسطة ابومحمد الشامري

ماذا يعني لك كل من :

*- دكان عباس؟

يااااامن علك ابو رجل شريته منه


a27:

[/COLOR]
3
هل فعلاً كنت تشتري علك ابو رجل من دكان عباس أيام الطفولة ..؟؟

:

4
شنو هوايتك الثالثة الي تمارسها غير الرسم وركوب الخيل ..؟
لأني حسب مصادري عندك هواية بعد ما ذكرتها وقسم المحاورة يشهد لكلامي ..؟

:

5
هل تؤيد عمل اللقاءات لبعض ابناء القبيلة من قبل ادارة مجالس العجمان ..؟
وهل تضيف شيء للمجالس ..؟

واذا كان جوابك نعم .. ما نوع اللقاءات ...(رياضية - ادبية - سياسية ..الخ)

:

6
ماذا يعني لك عبدالله بن شيبان <<< احب الناس اتكلم عني خخخخ

:

7
ممكن تذكر لنا اسمك الحقيقي ..؟؟ ولك الحق في عدم الجواب ..؟

:
8
بعد ما تاخذ الشهادة الجامعية شنو راح تكون الخطوة القادمة من حياتك..؟
هل تبقى في نفس مجال عملك و ترفعها اليهم .. أم تذهب لوظيفة اخرى ..؟

:

9
ما نوع لابتوبك ..؟ <<<< بلشنا بالاسئلة الغبية خخخخخ

:

10
ما هو الوقت المفضل لديك للاتصال بالانترنت ( يعني متى تحب تشبك)
وكم ساعة تقضيها باانترنت ...؟؟

:

11
هل لديك ابناء ..؟

:

12
ابيك اتكلم عن سيارة (كرايزلر c300) ..؟

:

13
شنو اكلتك المفضلة ..؟

:

14
شنو شرابك المفضل ..؟

:

15
شنو شعورك بخروج برشلونة من بطولة ابطال اوربا 2010 ..؟

:

16
ماذا يعنيلك اللون الأخضر .. ..؟

:

17
من الاعضاء او الادارين الي تعرفهم خارج المنتدى واذكر لنا اسمائهم ..؟

:

18
شنو تحب اكثر البحر ام البر ..؟ مع ذكر السبب ..؟


:

مو كني قزرتها بالاسئلة خخخخخخخخ
على العموم اسئلة كثيرة طرت على بالي بس حبيت اعطيك مجال اتحل
و اعطي مجال للاعضاء
:
واتمنى لك التوفيق يا ابو عبدالرحمن

[فهيد الكفيف]

ودي اكمل اسئله بس مستحي


تواجد رائع يا بوعبدالرحمن

[ابوعبدالرحمـن]

المشاركة الأصلية كتبت بواسطة فهيد الكفيف

ودي اكمل اسئله بس مستحي


تواجد رائع يا بوعبدالرحمن

كمل كمل

لآهنت على المتابعه يا بو محمد

وفي إنتظار مداخلآتك الحلوه

[بندر العجمي]

السلام عليكم ورحمة الله وبركاته


وبسم الله الرحمن الرحيم




ابوعبدالرحمن يامرحبا يامرحبا



1 - وشرايك باقسام الشعر <<< الشعر النبطي - المحاوره - بوح المشاعر >> ملاحظاتك وماتحتاجله ؟؟؟؟؟



2 - من يعجبك من الشعراء الحالين وشعراء الماضي ؟؟


3 - هل انت شاعر ؟؟ وهل لك تجربه ومخفيها ؟؟ او لك تجربه وبسبها ملت للنقد والمتابعه ؟؟؟


4 - لو اصبحت رئيس المنتدى ليوم واحد ماهي اول ثلاث قرارات راح تطبقها على طووول ؟؟؟





وســـــــــــــــلامتك واعفااااااااااااااااااااااك يالقرم وتشرفت بالمشااااااااااركه باضاءتك الطيبه