فنادق بدون محرم !!

[خالد وبس]

يامّ العيون الناعسات اللي محاجرها وساع = مالي ومالك والعيون الناعسه واهدابها
أنا سِمَحْت من الهوى ودْروب تاليها الضياع = ولاعادني من قوم تَشْعَب للغرام ركابها
عندي قضيّه ساخنه تبغالها وقفة شجاع = ايحدّد اهدافه ويحسب للأمور حْسابها
وانا اعرف اسلوب الحكي واعرف اداب الإستماع = واعرف متى افتح بابها واعرف متى اقفل بابها
واليا عْرِضتلي مشكله ثم احتدم معْها الصراع = والله ماتغفى عيوني لين افلّ كتابها
واكشف خفا مضمونها واوضّح اسباب النزاع = وانْكِرْ بها اللي واعي التفكير مايرضابها
وياهل الفنادق والشقق شيٍّ على الساحه يشاع = مِنْه العقول الواعيه تحتار من ماصابها
عشنا وشفنا والحيا خيمه عمَدْها فارتفاع = لكن معاصير الفتن قامت تحلّ اطنابها
والوجبه الدسمه ليا ولّيتها يدين الجياع = قامت تناهشها الذياب اللي تحدّ انيابها
هذي حقيقه واضحه للناس في كل البقاع = لوحاول اهل العلمنه تسكيت مِن غنّابها
والكلمه اللي لاطَرَت مدري تذاع اوماتذاع = باقولها واهل الوعي تثْني على مِن جابها
فتح الفنادق للمره ماهو براءة إختراع = ولاهو بمعطيها حقوقٍ غيرها نادابها
لكن يجرّ لمشكله عنْها ليا طاح القناع = ماعاد تامن لدغ حيّتها وقرصة دابها
واللي يحسّب للضرر والنفع في وقت الخداع = ماينخدع في دعوة الجاهل ولايبلابها
واللي يِعَرْف انّ السنين تْدور والدنيا متاع = يبرا بنفسه عن دروب الغي لايشقابها
والحُرّه اللي دونها بيت النموره والسباع = امكرّمه مايطمع الغاوي بنزع احْجابها
واللي يحاول ينتزع منها الحيا شرّ انتزاع = ايموت ماعمره رفع عنها طرف جلبابها
أقولها واقولها مدري تذاع اوماتذاع = لكنّْ عسى ربي يسهّل درب مِن غنّابها

لشاعرها / محمد القثامي