تفَآصِيْـل [ ـي ] ..!

[نيَـة فراق ..!]

|

ملامح الود بانت في نواظرنا = والصبر ينهى الملامح كل ما بانت !
يا لاهب الشّوق لا تبحث سرايرنا = لا صار عيّت طروف الوقت ما زانت !
غيّم علينا ، ولا تعمي بصايرنا = ونضيع والنّاس ياما قبلنا عانت !
عسى المقابيل من بكره تسايرنا = تصفى مشاريبنا من عقب ما شانت
ونصافح الصّبر ، ونودّع عبايرنا = ونكتب على جدار غربة عمرنا هااااانت
وتمطر سمانا ، وتستسقي ضمايرنا = من غيمةٍ ما بعد صارت ولا كانت
ونسوق في لحظة اللّقيا بشايرنا = وغصون الاشجار لاجاها المطر لانت !
نحلم ، ونحلم ، ويتعب فكر حايرنا = [ واحكام الايّام لو ما ودّنا مانت ]
يا صالي البعد لاتحرق ستايرنا = تكشف خفايا صدورٍ لـ / الغلا صانت
ليت المقادير لو مرّه تخيّرنا = ونمتّع العمر لامن فرصته حانت !

|

[نيَـة فراق ..!]

بعد ما علّمتني وشلون اهيم = غبت ، ليتك بس ما علّمتني !
واحشك ، وتحلف بالله العظيم ! = [ وامس كلّه راح ما كلّمتني ] !

[نيَـة فراق ..!]

اللي صفا من عزمي أشيا ما تقال = تعال ، لم بـ / كف عطفك ما صفا !
وتعال شوف الدّمع من فرقاك سال = ترضا يسيل الدمع من عيني ؟ افاا !
ما يبري جروح الجفا بعد الوصال ؟ = [ الا الوصال اللي يجي بعد الجفا ]

[نيَـة فراق ..!]

ع كثر ما دق جوّالك ؟ = ما دق قلبك [ ولا دقّه ]

[نيَـة فراق ..!]

كم حاجةٍ راحت ، وانا اقول : خيره ! = [ لا خيرها جاني ، ولا حاجتي جات ] !

تصبحون على خير ،

[الريمي 2009]

السلام عليكم

والله اني من زمان ماشبكت ولكن جابني الابداع

نية فراق انتي مبدعيه الى ماله نهايه

تحاتي

نسيت تلقين خير

[" مــــابه جديــــد "]

اتلا العهد 9/20 في ذالركن --- ومن عقبها موجود لاكني بعيد
احضر مع الزوار دايم ولاكن !!
بسجل اعجابي
،،
نقط
،،
نقط
،،
مابه جديد

[نيَـة فراق ..!]

المشاركة الأصلية كتبت بواسطة الريمي 2009

السلام عليكم

والله اني من زمان ماشبكت ولكن جابني الابداع

نية فراق انتي مبدعيه الى ماله نهايه

تحاتي

نسيت تلقين خير

يا مرحباا

يالريمي

منوّر بـ / أي وقت ،


لاخلا ولاعدم

[نيَـة فراق ..!]

مابه جديد

يا مرحبا يا مرحبا

شفتك كم مره مع الزوّار وسكت

بس لا تعودها

[نيَـة فراق ..!]

|

يكفيني اللي في ضميرك من الود = [ يا ألذ عمرٍ مر ، واحب سيره ]
أعشق تفاصيلك ، واذا جيت لـ / الجد ؟ = يا كثر عشقي لك اذا مت غيره !
أظلمك اذا حطّيت لك في العرب ند ! = لأنّك عرب ، وشعور مغليك ديره
يا صاحبي في ظروفنا مالنا يد = لابد ما تاقف بـ / يوم [ المسيره ] !
الأمر ؟ ما يستحمل الاخذ والرد = لكن عسى ما تكره النّفس خيره !
يوم انّي أمهد لك البعد ، والصد ؟ = [ لأنّي اعرف ان النهايه مريره ] !