مجالس العجمان الرسمي


مجلس الترفيه يعنى بمواضيع الترفيه ووسعة الصدر

رد
 
أدوات الموضوع طرق مشاهدة الموضوع
  #1  
قديم 23-04-2011, 01:13 AM
الصورة الرمزية عَليآء
عَليآء عَليآء غير متصل
 
تاريخ التسجيل: Apr 2011
الدولة: { بِععيدَه عَن عيون العَذآريب !
المشاركات: 402
معدل تقييم المستوى: 13
عَليآء is on a distinguished road
Talking فـي بيتنا { نـفآس !

,’







هل أنت عزوبي تعيش في وسط عائلتك ؟





2- هل أنت موظف أو طالب ؟





3-هل لديك أخوات متزوجات ؟





4- هل أخواتك مكاين تفريخ ؟





5- هل حصل في يوم من الأيام وعدت من الدوام تعبان وتافلـن العافيه



وراسك يرقل من قلّ بركه لـ تتفاجئ بأصوات ضجيج صادره من بيتكم تصل إلى



مسامعك قبل أن توطوط عتبة الباب ؟









6- هل حصل ودرعمت لبيتكم لـ تستقبلك رائحة الحلبه المنتشره



في كل دعاسيق البيت في الداخل ؟







7 -هل استيقظت مذعوراً من نومك الهادئ ذات ليلة على زعاق بزر توهـ



لحمه حمرا مابعد تعلم وشلون يصيح بإحترام ؟







8 - هل زد رأيت تجمهراً أمام باب حمام بيتكم - الله يعزكم - ويوم قربت



شوي كودك تشوف وش السالفه وبالطق والطقاق دخلت راسك من بين حشود



المتجمهرين ولاها أمك واختك ماسكين نفس قطعة اللحمة الآنفة الذكر

وجالسين يسبحونها ؟









9- هل سبق أن رجعتـ ي من الدوام لتجدين بيتكم مزدحم بالزوار تسنه



السيفوي ليلة رمضان ومن لمحت أمتس طرف خشتس مدت لتس الدله بدون تفاهم



وقالت قهوي العالم ؟









إن كانت أغلب اجوبتك عزيز تـ ي القارئـ/هـ بـ نعم .. فـ مبروك



في بيتكم نفاس













:



:







ليه كذا !




يعني الواحد يقول اللهم لا إعتراض بس ولو للصبر قالوا حدود يا مصبر



الموعود كل يوم اقول بيجي رجلها ويقشعها هي وذرّها من عندنا بس ماش

ماحولك أحد .. الله العالم الولد بيصير عمره سنه وهي توها نفاس ما قضت
!
يا جماعة الخير لا تفهموني
غلط .. انا احب اختي واقدّرها والود ودي ما تفارقني .. بس احبها
لحالها بدون الفوائد الي طلعت فيها من زواجها ذا القرود الي معها
منيب اواطنهم !
عيال اختي ايه ما قلنا شي ! بس فيهم بثاره تيزي بلد .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر والا يبين فيهم ؟ من يصير طول هالنتفه شبرين اول كلمه
ينطقها ويقولها لك " كل دق" !
ترجمتها ما تشرف






مهوب موضوعنا .. الي غابني صدز هالـ 40 يوم الي

اشوفهم ..
سبحان الله عمر الحريم ما احترموا مواعيد والا وقت الا بـذي ! يتحروون
الدقه بالحسبه .. 40 يوم بالضبط مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب.. مستقبلين زوار
ومودعين زوار .. مدخلين فلانه وبناتها ومطلعين فلانه وحريم عيالها ..
لا وكله كوم واذا جت وحده الله يجزاها خير بزعمها راعية واجب وتكت من
عقب
المغرب إلى 9 عندكم وانتي يا حيل الله مالتس الا تدورين بهالقهوه
والشواهي .. واذا خلاص تكرمت و لبست عباتها وطلعت .. ترجع بسرعه وترفع
نقابها وتزف لتس الخبر العذب " معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم "
<-- ماودكم تشوفون تعابير خشتي ساعتها
مير الله يجزاتس خير راعية واجب !
الحين بناتتس عندهم التزامات ومشاغل وبيسون الواجب حسب فضوتهم .. ! بس
اصحاب البيت عطّاليه ما وراهم شغل والتزامات ابد .. على حسابكم هم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم يالملحجه ترا فينا الطالب وفينا الموظف مايرجع الا على
حروة المغرب وفينا المتزوج وعنده بيت يصاليه .. !
والأم مهيب بكل الأحوال بصحتها وفيها حيل تهابد وتراكض لكم انتم

وزياراتكم !









ياخي خلوا جيتكم وحده وموعدها واحد .. مهب كل القبيله تجي تزور وكل



يوم وحده داخله لحالها .. هااااو !! ما ورانا الا انتم ؟







<---- حولكم شي تخافون عليه ابعدوه عنها ترا



شاشت هالعبده







ماخليت شي عن امي .. يمه حددي يومين بالاسبوع يجون العالم فيه ! يمه



مالها سنع تاركين الدعوه سايبه تقل والله الي عندنا عنز والده في حوش



مفتوح وكل شوي جاي شايب والا بزر يويق عليها ! يمه ارحميني ارجع من

الدوام ما اشوف مالي خلق اغير ملابسي وش عاد اقابل هالأمم !
بس ابــــد ! كان ذا الجدارن الي وراكم تنطق فـ هي ترد علي ..
مير اول كانت تقول " يا كبرها عند ربي ! تبيني اقول للعالم لا تجونا
.. انهبلتي انتي "
الحين انا قلت قولي لهم لا تجون ؟ قلت حددي لهم يومين وفكينا من
هالقلق !
" لا يا خزياه .. قولة لا تجون الا هاليومين زي قولة لا تجون ابد ..
افرضي هاليومين ما ناسبوا العالم ! "
اجل مناسبنا حنــا الاسبوع كامل يمه ؟!
طاعوش انا ماعرف من الاسبوع الا الجمعه ولا هوب يصفى لي ؟!
هالكلام اول .. الحين ابشركم مهيب ترد علي خير شر ..









مقتطفات من أحاديث تدور في مجلس نفاس



:



:









[ 1]





" عسى ما تعبتي بس يا فلانه ؟ "



" لا الحمدلله تيسرت "







" الحمدلله .. بس لا تعلمين احد لـ انسألتي بسم الله عليتس ! ترا عيون



الناس مهيب ترحم وانا خالتتس ! "







تعقيب / اول شي يـ الخاله الملقوفه ترا هالسؤال مهب كلـن يسأله يومتس



توصينها ع الإجابه ! يعني ولاده وش ظنتس ؟ اكيد بتتعب بوقتها وعقب



خلاص .. المشكله ما يسأل الا ناس مجربينها .. ابو التناحه يا

شيخ !
ثاني شي .. ترا حتى القطاوه تحمل وتالد ! مهب حلى كل شي تلزقون فيه
سالفة العين والنظله .. ياررربيه بس
:
::
:









:




::



:









[ 3 ]





"




ما شاء الله وش سميتّوا الصغيره ؟ "




" دانه "



الحرمه الي تسأل وخشتها مايله والحتسي ما عجبها " اييه .. مدري تسن

الأسم مهنا زود ! يا بنيتي مدري وش ذا الاسماء الجديده الي طايحين بها
العالم ! "









تعقيب / ترا اصغر بنات الحرمه الي سألت .. اسمها [ غزل ] !!





:



::



:










[ 4 ]





" الا يا فلانه ما قلتي لي وين ولدتي بأي مستشفى ؟ "



" المستشفى الفلاني "



" اييه زي اختي حصه ! عند اي دكتوره ؟ دكتوره هبه ؟ "

" لا والله .. عند الدكتور خالد "
الحرمه الي تسأل تنغز الي جنبها بكوعها وتعض على براطمها وتتحلطم " يا
خزيييياه .. كابتّن عفشها عند رجال يختي خلاص هالحريم ماعاد فيهم حيا
! وراها ما ولدت عند حرمه .. وش حيث الرجال تولد عنده ؟ "









تعقيب / يقولون والعهده ع الراوي .. ان خويتنا الي ماعجبها موضوع




الولاده عند دكتور .. جايها الطلق وهي بسيارة ابو جيرانهم حيث ان



رجلها كان كاشت في البر .. ومالقت الا جارتها تستفزع بها .. وما كان

بين الولد والنور الا شوي
لولا ان ربكم ستر والشوارع كانت فاضيه والا ان تسان صار مكان الميلاد
في شهادة الولد .. " سيارة ابو جيرانا "
الله يحرمّ ايديات امي نوره على النار .. لو هي سامعه السالفه ان تسان
تكش بيدينها وهي تقول ( غربلهم الله .. شبكه تعاير منخل ! )









:



:







طيب الحين فيه سؤال يراودني عن نفسي ومضطره اسدحه بس رجاءاً صيروا



متحضرين شوي وماله داعي ترجموني بنعالكم <--- يا حياة الشقا متعوده



وجه إهانات









الحين الوحده اذا ولدت وش تجيب ؟ لا اشوف احد مستظرف وقايل تجيب آدمي



! ادري اننا محناب نجيب قطاوه ..



بس قصدي هالآدمي الي هي تجيبه من هو حقه ؟ حق ابوه صح والا لا ؟

طاايب .. اسم الولد يلحق مين ؟ يلحق اسم ابوه صح والا لا ؟
طااايب .. دام الدعوه كذا .. ودام النفاس اصلا بسبب هالولد .. ممكن
احد يفهمني وش دخل مندوب اهل البنت يبحلون بها ؟ ورا مهب اهل رجلها
هم الي يصالونها ؟!
ياخي الولد ولدكم حنــا وش دخلنا ؟









والله ما خرب بناتنا الا امهاتهم !



تجي الام مطفيه النور



وطايره مليون بالحماس من تدري ان بنتها حامل .. ماتخلي عطّار ما تزوره

ما تخلي شنق وداعوس ما تدعسق به .. كل شي ينشرب والا يوكل والا يلهم
تجيبه .. وتفضي للبنت غرفه وتبلشنا نزلوا سرير ورقوا طاوله وجيبوا
مفرش ورجعوا ستاره .. تقل اول مره يولد عندها احد ؟ واذا هي اول مره
وشو له هالحمااس .. تراه نتفة بزر ونتق من بطنها مهب اختراع الله







يصلحكم




هذا انتم قبلنا حملتوا وجبتونا وش حيثكم ما سوا فيكم اهلكم كذا ولا



ضركم ؟ بالعكس الوحده من اول لا اله الا الله صحتها فُل وهي والده في

البيت .. ما ولدت بمستشفى وخذت لها سويت كامل اسبوع وماغير تبطح وبلع
بهالحلى والقهوه حتى ولدها مهيب ترضعه










ومن عجائب قدرة الله في خلقه ان الحرمة ما تحلى بعين رجلها الا لاصارت




في بيت اهلها




يالهيس وهي عندك في بيتك ماانتب تناظر خشتها .. ويوم صارت نفاس عندنا

.. 24 تبن ناشب لنا ! ما عندنا شغله غيرك انت وحرمتك وعيالك !
ياخي تحبهم وفاقدهم ضفهم ورح بيتك الله لايهينك ... وابشر بلي يجي
يشقر عليكم كل يوم .. بس اعتقونا لوجه
الله
ولا يرفع ضغطي الا لا صار جالس مع حرمته يسولفون في غرفتها وانا
بالصاله الي جنبهم اهجّد فروخ ابليس الي يفترض انهم اطفال و الارجح
انهم عيال اختي .. يقوم واحد منهم يدخل على ابوه وامه ويزعجهم .. ويجي
ابوه الله يطول في عمره يكرشه بكل حنان ويقول له " رح رح يا بابا
لخاله ندى شفها تناديك "
تبـــن
اول شي يا سبع البرومبا تراك ماكل في عيالك مقلب كبر راسك ! اجل تبيهم
ينادوني خاله ؟ عساهم ينادوني بإسمي مهب بشيـن ثاني ويسد !
ثاني شي وش قالوا لك انا ؟ خماّمة الضايع ؟! كل ما طق عود بعصى جدعتوا
بزارينكم علي ؟ انتم تدشرون وانا اتحمل نتايج دشرتكم ؟









نفسيتي تعورني .. !




كل ما ذكرت ياخي هالأجانب طقتني غلقه وش زودهم عنا يا جماعة الخير



يوم ان الوحده فيهم تولد من هنا وتصك الجينز من هنا .. ما توفي لها

يومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش ! قال ايش .. ترمم
جسمها قال ، مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ناه بس شوفي ترا ذا الصور عقب
ولادتها باسبوعين - أأشر لها على صور لزوجة توم كروز - قالت .. واذا ؟
لا تقارنين حبيبتي عيالهم هذولي عيال حرام !
<--------
يالهدره يالكمخه يالفاهيه .. الحين نفاس ولد الحرام يفرق عن نفاس ولد
الحلال !

ياربيه بس !
اسعفوني .. أريد حلاً ؟
عموما انا بقوم الحين اصلي المغرب وانزل استقبل الوفد الجديد بس اتوقع
اني ارجع اكمل تفلت
والله يابي مّر مهب صاحي .. مهب رايح لين افرك البياله بجبهة وحده من
هالزايرات !
يع اشم ريحة حلبه >ههههههه


















احلى ايميل وصلني

 

التوقيع

 

_





* الحزن , نَافِذةُ تُرمى من خلالها الأشياء الجمِيله .. ..!
 
 
رد مع اقتباس
  #2  
قديم 23-04-2011, 01:13 PM
الصورة الرمزية لبى وليفي
لبى وليفي لبى وليفي غير متصل
 
تاريخ التسجيل: Feb 2011
المشاركات: 21
معدل تقييم المستوى: 0
لبى وليفي is on a distinguished road
رد: فـي بيتنا { نـفآس !

هههههههههههههههههههههههههه

ههههههههههههههههههههههههههه >> المشتركه فاطسه من الضحك

اقوووووول جودووووني لا اطيح ههههههههههههههههههههه

اما الخاله ندى حدهاااا فلااااا ونفسيتها واصله لحد حدهاااااااا

ههههههههههههههههههههههههه

الله يعين بالعكس عاد انا استانس لي جونا الناس

عشان اموووت عالكشخه واحب كل يوم اكشخ ويكون شكلي غير عن اللي قبله

بسسس ريحة الحلبه اوووه لا لا بهذي انا مع ندى


يسلمووووو علوي ايميل روووعه فديتش

 

التوقيع

 

{ خـآآآآص.. ~

ترى مال الوليف الا وليفــــه
تزين ايامنا ولا تشينـــــــــــا
ولا يجهلك ظن اني ما احبـك
احبك وانت سيد [ العارفينـــــا ]
 
 
رد مع اقتباس
  #3  
قديم 23-04-2011, 07:53 PM
النـوف النـوف غير متصل
 
تاريخ التسجيل: Nov 2008
الدولة: الكويت
المشاركات: 3,423
معدل تقييم المستوى: 19
النـوف is on a distinguished road
رد: فـي بيتنا { نـفآس !




هذي معاناة كل بنت عندها خوات أكبر منها < ههههههـ

و ربي أنـا حااسه فيها المسكينة

يسلموو ع الايميل ..

 

التوقيع

 

لا إِلٰهَ إِلاّ أَنتْ سُبْحانَكَ .. إِنِّي كُنْتُ مُنَ الظّالمينِ
 
 
رد مع اقتباس
  #4  
قديم 23-04-2011, 08:06 PM
الصورة الرمزية هيبة حضــــريه
هيبة حضــــريه هيبة حضــــريه غير متصل
 
تاريخ التسجيل: Nov 2010
المشاركات: 445
معدل تقييم المستوى: 14
هيبة حضــــريه is on a distinguished road
رد: فـي بيتنا { نـفآس !






آااااااااااهـ قلبتــي علي المــواجـــع ياعليــــــآء ...

 

التوقيع

 





لســت بهــذا الغــرور الذي لايطـــاق،،

ولست الأنثـــى المتكبـــره اللتي لايعجبهـــا شيْ ،،

كل مافي الأمــر أن طهــري ونقــــائي يختلــف عن بقيـــة النســـاء ،،

لذلك لا أحــــد يستطيـع فهمي سوى القليل من البشــر وربما العــــدم ...

 
 
رد مع اقتباس
  #5  
قديم 25-04-2011, 09:12 PM
الصورة الرمزية عَليآء
عَليآء عَليآء غير متصل
 
تاريخ التسجيل: Apr 2011
الدولة: { بِععيدَه عَن عيون العَذآريب !
المشاركات: 402
معدل تقييم المستوى: 13
عَليآء is on a distinguished road
رد: فـي بيتنا { نـفآس !

اقتباس:
المشاركة الأصلية كتبت بواسطة لبى وليفي مشاهدة المشاركة
هههههههههههههههههههههههههه

ههههههههههههههههههههههههههه >> المشتركه فاطسه من الضحك

اقوووووول جودووووني لا اطيح ههههههههههههههههههههه

اما الخاله ندى حدهاااا فلااااا ونفسيتها واصله لحد حدهاااااااا

ههههههههههههههههههههههههه

الله يعين بالعكس عاد انا استانس لي جونا الناس

عشان اموووت عالكشخه واحب كل يوم اكشخ ويكون شكلي غير عن اللي قبله

بسسس ريحة الحلبه اوووه لا لا بهذي انا مع ندى


يسلمووووو علوي ايميل روووعه فديتش








,’






يسلمك ربي

لا عدمتك
رد مع اقتباس
  #6  
قديم 25-04-2011, 11:57 PM
الصورة الرمزية نورهـ,
نورهـ, نورهـ, غير متصل
 
تاريخ التسجيل: Jul 2008
العمر: 35
المشاركات: 83
معدل تقييم المستوى: 16
نورهـ, is on a distinguished road
رد: فـي بيتنا { نـفآس !

هو بس صب قهوه !!
حتى البزر أبزيــه كأني أمه ما أناام لي نومه هنيه ما أقول إلا أكرهك يا نفااس وأكرهك ياعرس
افف قلبتي المواجع

يعطيك العافيه بس عطري الصفحه ريحتهاا فايحه حلبه ^_^

 

التوقيع

 

نورهـ

 
 
رد مع اقتباس
  #7  
قديم 26-04-2011, 12:04 AM
الصورة الرمزية عَليآء
عَليآء عَليآء غير متصل
 
تاريخ التسجيل: Apr 2011
الدولة: { بِععيدَه عَن عيون العَذآريب !
المشاركات: 402
معدل تقييم المستوى: 13
عَليآء is on a distinguished road
رد: فـي بيتنا { نـفآس !

اقتباس:
المشاركة الأصلية كتبت بواسطة النـوف مشاهدة المشاركة



هذي معاناة كل بنت عندها خوات أكبر منها < ههههههـ

و ربي أنـا حااسه فيها المسكينة

يسلموو ع الايميل ..



,’



آلله يعين


يسلمك رَبي
رد مع اقتباس
  #8  
قديم 26-04-2011, 12:06 AM
الصورة الرمزية عَليآء
عَليآء عَليآء غير متصل
 
تاريخ التسجيل: Apr 2011
الدولة: { بِععيدَه عَن عيون العَذآريب !
المشاركات: 402
معدل تقييم المستوى: 13
عَليآء is on a distinguished road
رد: فـي بيتنا { نـفآس !

اقتباس:
المشاركة الأصلية كتبت بواسطة هيبة حضــــريه مشاهدة المشاركة





آااااااااااهـ قلبتــي علي المــواجـــع ياعليــــــآء ...



,’


سلامة روحك


نورتي
رد مع اقتباس
  #9  
قديم 26-04-2011, 12:07 AM
الصورة الرمزية عَليآء
عَليآء عَليآء غير متصل
 
تاريخ التسجيل: Apr 2011
الدولة: { بِععيدَه عَن عيون العَذآريب !
المشاركات: 402
معدل تقييم المستوى: 13
عَليآء is on a distinguished road
رد: فـي بيتنا { نـفآس !

اقتباس:
المشاركة الأصلية كتبت بواسطة نورهـ, مشاهدة المشاركة
هو بس صب قهوه !!
حتى البزر أبزيــه كأني أمه ما أناام لي نومه هنيه ما أقول إلا أكرهك يا نفااس وأكرهك ياعرس
افف قلبتي المواجع

يعطيك العافيه بس عطري الصفحه ريحتهاا فايحه حلبه ^_^



,’


هههههههههههههه


أنـآ أششهد


والله مآ يلحق ريحة الحلبه شيء


يعآفيك
رد مع اقتباس
  #10  
قديم 26-04-2011, 12:23 AM
الصورة الرمزية m!ss-83
m!ss-83 m!ss-83 غير متصل
 
تاريخ التسجيل: Jan 2008
الدولة: آلـــــفجر آلــــبعـيد
المشاركات: 5,339
معدل تقييم المستوى: 22
m!ss-83 is on a distinguished road
رد: فـي بيتنا { نـفآس !

آآآآآآه ..

الله يسامحج يا عليآء

ذكرتيني باللذي مضى




عقب
المغرب إلى 9 عندكم وانتي يا حيل الله مالتس الا تدورين بهالقهوه
والشواهي .. واذا خلاص تكرمت و لبست عباتها وطلعت .. ترجع بسرعه وترفع
نقابها وتزف لتس الخبر العذب " معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم "
<-- ماودكم تشوفون تعابير خشتي ساعتها


^^

أما هذي صدقو فيها

والمشكله مافي غيري اللي دايم بالوجه

ومرات إذا دريت إنه أكثر من عايله بتجي بنفس اليوم

على طووووول أدق على الطوارء " بنات خالتي "

الفاضية فيكم تكشخ وتجي Help ..Help



والمشكله الأكبر كل هذا بينعاد بعد أشهر قليله




أنتحر أحسن مو







ألف شكر ع الموضوع

المضحك في الأسلوب و المبكي في المضمون




 

التوقيع

 

 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
في بيتنا ضب بين الرؤيا والحقيقه ؟ vip-534 المجلس العــــــام 4 25-08-2009 04:21 PM
بيتنا المغربي تفضلو معي زبيدة احمد مجلس الأســــرة والمجتمع 15 18-03-2009 03:00 AM
رتب بيتنا المبعثر ( تحدي للجميع ) فـارس مجلس الترفيه 179 23-08-2008 12:10 AM
نرحب بختنا (الجليلة) الهاوي مجلس الترحيب والتهاني 9 17-05-2005 08:07 AM

 


الوقت في المنتدى حسب توقيت جرينتش +3 الساعة الآن 03:42 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع