متفائلون دائما الا اذا .......

[عجمي صريح]

السلام عليكم ورحمة الله وبركاتة

كيف حالكم عساكم بخير اولا حبيت اعتذر عن الانقطاع للاسباب خاصه

لكن ان شاء الله راح اتواصل افضل من قبل

نحن متفائلون دائما ولن نتشائم ابدا لانه التفائل مطلوب في كل شي ليس بالانتخابات فقط

بل في كل شي حتى في بيوتنا وتوحيد صفوفنا وفي بلدنا وفي كل بقع الارض لان التفائل يدل على الخير

وكما قالو : تفائلوا بالخير تجدوه

اخترت عنوان المقاله متفائلون دائما الا اذا ....

لعدة اسباب كثير مايتكلمون هذي الايام بالانتخابات وعن سقط فلان ونجاح فلان

والكل يحلل وكانه من يدير هذي الانتخابات للاسف ونسو انه الله الموفق

نتمنى التوفيق لاخواننا الاعضاء الي يمثلون قبيلة العجمان لانه الكلام عليهم فقط

كل القوائم تتكلم عن سقوط كراسي العجمان ولا نعلم هل فيه خلل فينا كقبيله او في غيرنا

هذا يقول بقطع على فلان لانه مو منا وهذا يقول مرتشي وهذا يقول ماعنده شي يقدمه ...؟


للأسف انه وصلنا الى هذا الحال لكن لازلنا متفائلون باذن الله واتمنى ترك الافكار الجاهليه

ومايجوز طعن الاعراض وطعن الذمم اتمنى انكم تبتعدون عن هذا الشي

وعلى فكره ترى هذا الوقت وقت الشيطان يفرح ذم وطعن الاشخاص وهذا وقته وخصوصا في

الانتخابات اتمنى ان تقولو خير او تصمتووو

واتمنى التكاتف والتلاحم لانهم يمثلون القبيله وليس انفسهم ونترك النعرات والهتفات التي

نسمعها في المجالس هذي الايام

اتمنى من جميع ابناء قبيلتي التي اكن لها كل احترام وتقدير ولا قصور في باقي القبائل

باحترام الكل وعدم التفرقه كانو عجمان او ووعله او مذاكره او مره او ....الخ

لانه لو لله ثم التلاحم القبائل هذي لا مو وصلنا الى ماوصلنا اليه (وجهة نظري)

صدقوني كثير من يفرح في هذي التفرقه وانصح برجم هذي الافواااه


حكمه نهديها لكم

" بعضنا كالحبر وبعضنا كالورق،
فلولا سواد بعضنا لكـان البياض أصم
ولولا بياض بعضنا لكان السواد أعمى "

واسف على الاطاله واتمنى التوفيق من الله للاعضاء في مايحبه ويرضاه

تحياتي لكم
اخوكم بو عبدالله