اسعد الله جميع اوقاتكم
احبائي اقدم لكم هذه البسيطه وارجو ان تحوز على رضاكم
البارحه فـي تالـي الليـل ونيـت=ونة خلوج(ن) تـو ميـت ولدهـا
ونيت انا من حر مابـي وغنيـت=والنفس تعبت عقب جابت جهدهـا
رقيت انا راس الطويلـه وعديـت=جتني هواجيس(ن) تـداوا رعدهـا
ونيت ونفـوس الخلايـق توابيـت=والعيـن سـلال الليالـي سهدهـا
تسكرت بيبان قلبي وصديت =عن هرجة(ن) والناس لي تعتمدها
انا اشهد اني في هواهـا تشقويـت=هاضت جروحي والسبب حر يدها
تلحقني الكيـه بكيـه ولا امسيـت=باسبابهـا عينـي لحقهـا رمدهـا
لي صاحب(ن) قفى وانا عقبه اقفيت=والنفس طير الحظ عقبـه جحدهـا
عطيته امن الـود حلـوه وخليـت=مر(ن) تشربتـه وحالـي هجدهـا
ياكثر ماهزيت انا الراس واوميـت=الياتذكـرت السنـيـن ونكـدهـا
من عقبهم لانيب حي(ن) ولا ميت=من بين خلق الله وروحي وحدهـا
ادوج في درب(ن) به العام زليـت=واذكر مرابيع(ن) لنا فـي لحدهـا
ماتت مرابيع(ن) لنـا كـم تمنيـت=فالقلب وعروقـه تهـاوت عمدهـا
لا تسألوني ليه...أو كيف..أو ليت=بس المهم حبـال وصلـه عقدهـا
وسلامتكم
حمود بن فطيس