breck .. ][قضـــى ليل الهوى طلابه][ >> her

[قضى ليل الهوى طلابه]

المسأله لو هي على ضيقة الخلق؟!=هونتها واقول ضيقة دقايق
المسأله عبره سجينه بهالحلق=ترقى دموع وترجع لصدر ضايق

[قضى ليل الهوى طلابه]

[IMG][/IMG]

من عز نومي صحيت وشفت في عيني=دمعٍ تهادى على جفني وانا غافي
سترت دمعي بكمي قبل يغريني=واخذت هذا الجسد من باقي الحافي
وسريت تايه ورى خطوات رجليني=لا الوجه وجهي ولا اوصافي هي اوصافي
امشي واقول لطريقي لاتوديني=لعيون ناسٍ تبي تدري عن الخافي
امانتك خلها مابينك وبيني =خابرك يالدرب خوّة عمر .. وسنافي
ماودي الناس تدري وش يبكيني؟!=كرامة النفس ورث ابوي واسلافي
امشي واحس الخناجر في شراييني=والبرد يمشي وراي وينهش اطرافي
وحيد .. والليل بردونه يغطيني=تقول كن البلد روّح بها السافي
الين ماوحيت صوتٍ يناديني=صوتٍ اعرفه مثل مااجهل وش اخلافي
قمت اتلفت وانادي لاتخليني=ماغيره الصوت .. هذا "صوتك الدافي"
ولمحت زولك من اقصى الدرب لافيني=مدري وش اقول .. لكن حيّ هالافي
تعال شف غيبتك كيف اثرت فيني؟!=تعال شفني وانا اغرق عقب مجدافي
تعال خذني ورح بيّ من عناويني=تعبت اعدي على جمرك وانا حافي
تعال .. وش فيك خايف ؟! انت ناسيني ؟!=قطعت صوتي عليك وطال ميقافي
لكن امانه ترى اللي فيّ كافيني=ان رحت منك كذا .. مارحت متعافي
بصدق الحلم .. واحذر لاتصحيني=في خاطري كلمتين ان قلتها كافي
امانة الله عليك ان غبت عن عيني=لايكون قلبك مثل قلب الزمن جافي
مع كل دمعه تذكر رعشة يديني=ومع كل ضحكه تذكر قلبي الوافي

[قضى ليل الهوى طلابه]

مصير الاحزان تنسانـي وتفتكـره=ماكل الايام بيض وسمحـت محيّـا
ياليتني لابغيت اكره قـدرت اكـره=ماكان قلبي ليا جيت اكرهك عيّـا

[قضى ليل الهوى طلابه]

ساري لو إن الليل مافيـه قمـرى=اشيل من حمل الهوى فوق ماطقت
لاصار حـظ أقشر والايـام قشـرى=مافيه احد عاقل يلومك ليا ضقـت
صحيح بعض الناس فرقاه بشـرى=وبعض البشر لاغاب ليله تضايقـت
ليتك خذيت بليل الاحباب مسـرى=غرّبت من كثر الطواري وشرّقـت
السيل يبقاله على القـاع مجـرى=ويبقالـك التذكار لوكنـت فارقـت
اشوف لك من وين مارحت ذكرى=لاشفتها صديـت عنهـا ودنقـت
ماكل جـرحٍ لاخـذا أيـام يبـرى=بعض الجروح يزيد شره مع الوقت

[قضى ليل الهوى طلابه]

تنساني أيام .. وتجيني متى ماذكرت=اليا متى وانت روحي حابس انفاسها ؟!
كنت أجمل احلام عمري .. بس ليه انكسرت؟!=يازين الاحلام لو ماينسكر باسها !!

[قضى ليل الهوى طلابه]

من الصعب ان تضحي .. وتضحي .. وتضحي .. وبالاخير تكتشف ان مافيه احد يستاهل ذالتضحيه

احلى سنين العمر راحت هدايا=لك يامجازي بالردى راعي الطيب
لي في حياتك ذكريات وخفايا=تبقى ولو باكر غزا راسك الشيب
والا الوفا ماله بقلبك بقايا=عند الذي مثلك اظن الوفا عيب

[قضى ليل الهوى طلابه]

الزمان قصير والدنيا تدور=كل يوم يضيق فى عينى مداري
صاحبى محتاج لك شعر وشعور=وإحتياجى شى ماكان إختياري
من متى والغصن يختار الطيور؟=من متى والبال يختار الطواري؟
لاتسمى صمتى البارح غرور=انكسارى خلف هالصّمت متواري
فى غياب الشمس وش ذنب الزهور؟=والمطر لاشح وش ذنب الصحاري؟
اللقا لحظات .. والغيبه شهور=تقصر الخطوات .. ويطول إنتظاري
لو قريت المنكتب وسط السطور=ماكتبت لغلطة العمر إعتذاري
صمت هالمينا مثل صمت القبور=مارسى مركب .. ولا لاحت صواري

[قضى ليل الهوى طلابه]

تدرى انى تحمّلـت الكثيـر .. وسمحـت=خابر ان التسامح من كريـم الخصـال
( كم تغاضيت عن بعض الامور وصفحت=ما دخلـت بمتاهـت عاشقيـن الجـدال
كم زعلت .. وعلى شان الحبايب دمحـت=قلت ابصبـر عليهـم والليالـي طـوال
ليتني من صواديف الزمـان انتصحـت=لكـن الله يهونهـا علـى كـل حـال )

[قضى ليل الهوى طلابه]

[ الشتـــا ] ليلـه طــوويل ..بـرده اللـي هـب قــاسي ..!=و إنت بـ \ أنفــاسك لهــيب الشـووق يـوم التقينــا
إيــه أنـا مــركـب غــرام و جـيت أدور لـي مـراســي ..=ارتمـيت .. بـ \ حضنــك اللـي ينتظـرني .. و انت مينــا
و لاتفكــر كـان شفـت الشــووق .. و لـ ع فيّ حمـاسـي ..=تـدري إنـه من ظـروفك .. و الغيـاب ابن اللـذينــا !
والله إنـك غـبت عنــي .. لـين قلـت أكيــد نـاسي ..!=و قمــت أعـاني من غيـابـك .. بـس تـدري [ ماعلينـــا ]

[قضى ليل الهوى طلابه]

يالبـى جنوننـا ولبـى غلانـا=ولبـى فرحنـا ولبـى شقانـا
كـأن أشياءنـا عنـا إتحـدث=لكل الناس عـن قصـة هوانـا
هدايانـا .. سوالفـنـا .. زعلـنـا=وغيرتنـا .. ومحبتنـا .. ورضـانـا
وصرنا قـدوة لكـل الحبايـب=ولا يوصل احدهـم مستوانـا
تعال اعلمـك شـيٍ جهلتـه=وش اللي صار في ليلـة جفانـا
وضاقت ارضنا في كـل حـاره=ويحضن صدرها دمعـة سمانـا
يعيش الكون نبضه و اوكسجينه=على ضحكاتنـا بليلـة لقانـا
وإلـى منّـا ابتعدنـا وافترقنـا=يضيق لضيقةٍ داخـل حشانـا
انا وقلبي شقينـا فـي حياتـي=شربنـا الهـم ماقلنـا كفانـا
عسى حبك مع الأيـام يكبـر=ويكبـر حبنـا ويكبـر غلانـا