عبدالله باتل - لاوهني الناس تدله مع الناس

[عمَرس]

السلام عليكم ورحمة الله وبركاته ..

قصيده أعجبتني وحبيت انقلها لكم..

لاوهني الناس تدله مع الناس=وانا عجزت القى مع الناس ناسي
انا هواجيسي ليادك الادماس=علي دكن مع دكاك الدماسي
ما مر يوم الا وبالقلب هوجاس=والله مادري كيف ما شاب راسي
باسباب محبوب(ن) من البيض حساس=ماشفت مثله في جميع الجناسي
خل(ن) بني حبه بقلبي على ساس=ورسى كما ترسي جبال رواسي
اسمه بقلبي كاتبه بين الاقواس=اربع حروف(ن) حطم(ن) قلب قاسي
ابو عيون(ن) كنها عيون قرناس=شاف ابرق الجنحان بين الهراسي
لو مادرس بالمدرسه عدم الاجناس=زينه وعقله مستواه الدراسي
غبت بحر من طب في وسطها انحاس=اوصاب عقله من هواه انتكاسي
حبه تحول تالي الوقت وسواس=لامدرك(ن) وصله ولاني بناسي
لو اقدر اصبر واقنع النفس لاباس=لكن عجز عن مقصد النفس باسي
دخلت مستشفى الروابع والاخماس=وكتبتله في قلبي اسم(ن) خماسي
واخذت انا وياه مده بلا وناس=وقبل حلول اهمومها والمآسي
واندارت ايام السعاده بلا تعاس=وكل(ن) شرب من مر فرقاه كاسي
هو يحسبني طعت عاذل وبلاس=وان زماني صار فيه انعكاسي
ومن بعد هذا حال من بيننا الياس=ولازال حبه هو بلاي الاساسي

للشاعر / عبدالله باتل

وسلامتكم

[غريب الماضي]

قصيده في منتهى الروعه والجمال


تسلم يمناك

[مسعطر]

اسمه بقلبـي كاتبـه بيـن الاقـواس
اربع حروف(ن) حطم(ن) قلب قاسـي
ابو عيون(ن) كنها عيـون قرنـاس
شاف ابرق الجنحان بيـن الهراسـي
لو مادرس بالمدرسه عـدم الاجنـاس
زينـه وعقلـه مستـواه الـدراسـي



ول ول ,,,

صح لسانك و لسان عبدالله باتل ,,,


يعجنبي قصيدك

[عمَرس]

المشاركة الأصلية كتبت بواسطة غريب الماضي

قصيده في منتهى الروعه والجمال


تسلم يمناك

ياهلابك ويامرحبا ويشرفني مرورك

[عمَرس]

المشاركة الأصلية كتبت بواسطة مسعطر

اسمه بقلبـي كاتبـه بيـن الاقـواس
اربع حروف(ن) حطم(ن) قلب قاسـي
ابو عيون(ن) كنها عيـون قرنـاس
شاف ابرق الجنحان بيـن الهراسـي
لو مادرس بالمدرسه عـدم الاجنـاس
زينـه وعقلـه مستـواه الـدراسـي



ول ول ,,,

صح لسانك و لسان عبدالله باتل ,,,


يعجنبي قصيدك

ياهلا ويامرحبا وصح بدنك وانا يعجبني تواجدك لبي كلش