الملك ولاول مره

[المـــلك]

بــســـم الله الـرحــمــن الــرحــيــم

الـــــســــــلام عــلـــيـــكـــم
بـــــعــــــد الـــتـــحـــيـــه
هاذي اول قصيده للملك ارجو ان تنال على اعجابكم
تــــــنــــــاوشــــــوهــــــا
7
7
7
7
7

حكمش على راسي وقلبي والاحساس=كيف اللسان الـي يعـدش جديـده
حكمش امر وأوامرش ترفع الـراس=وانا وهبت الشعـر وانتـي قصيـده
ياجوهره يـادان ياحـص يألمـاس=شحاذ حبـش تخجلـه مـدة ايـده
اموت فـعيونن يداخلهـن انعـاس=وصفة رموشن مـن لمحهـا تبيـده
وخدود لامخمـل ولاهـن بقرطـاس=ومبيسمـن لافـك مالـه شـريـده
وخشمن شموخه فيه هيبه ونومـاس=وعنقن عليه مـن الفتـاة الفريـده
وجسمن يميل من الدلع غي ميـاس=ريان عوده وفـي ليـان الجريـده
قالو {فلانه} تسقي الزرع والنـاس=وزرعـن تشفـق مايهـا ماتفيـده
وانا اتأمل فيش مقفـا بـي اليـاس=كلـي تفائـل بالحـيـاه السعـيـده

تحيـاتـي لـكــم اخيكـم/ الملك

[أبعاد]

يا ملك ... الله الله عليك...وصح الله لسانك وسلمت بنانك وعلى الثانيه عانك...*

بدايه تستحق التقدير وموفقه بس أظن فيه غلطه مطبعيه في كلمة أوامرش لاهنت ...*


..*أبعاد..*

[المـــلك]

ابعاد شهاده اعتز فيها تسلمين يالغاليه

[الوافـي]

صح لسانك يا الملك

وبداية طيبه ولا تحرمنا من جديدك

تحيـاتي لك

[عذوب]

أخوي : الملك

صح لسانك على هذه القصيدة

ودايمن القصايد الغزلية تفتح الف باب وباب للشاعر انه يبدع فيما بعد

واذا سألت اي شاعر كبير عن بداياته في الشهرة والشعر يقول بـدأتها بقصيدة غزلية .


كلمات جميلة جدا واحساس عالي يشعر فيها كــل من يقرأ كلماتك

والطيب مايجيب الا طيب وبداية موفقة لك ...





ويامن حظها اللي قاصد فيها





وأخيرا ...

تقبل تحياتي العذبة

[سعود الخويطري]

صح الله لسانك يالملك ولاهنت


وسلمت يمناك ,,,

[حـــوران]

ياجوهره يـادان ياحـص يألمـاس=(شحاذ حبـش تخجلـه مـدة ايـده)

اااااااااااالله عليك (شحّاذ حبش تخجله مدة ايده) ياسلام عليك يامبدع

قالو {فلانه} تسقي الـزرع والنـاس=وزرعـن تشفـق مايهـا ماتفيـده.!!

بيت عن 100 بيت



~*¤ô§ô¤*~المــــلك ~*¤ô§ô¤*~

صح الله لسانك .. قصيدة ٍ وافيه وجزله .. وأنت شاعر موهوب

إعجابي بما تكتب .. وإحترامي لشخصك القدير

ولاتبطي علينا بالجديد

[شيهانه]

اللـــــــــــــــــــه ،، اللـــــــــــــــــــــــه يا ملوووووووك

قصيـــــــــــــدة ولا أورع .. تسلم يمنى خطتها ولسان قاله .

في إنتظـــــــــــار ما يفيض به قلمك يا شــــــــــــــــــاعر

[عزوتي يام]

صح لساااااااااانك
بدايه جميله جدا ومبشره بقصائد أجمل بالمستقبل
تمنياتي لك بالتوفيق
أخوك عزوتي يام

[دهمي]

صح لسانك يالملك وبيض الله وجهك علي القصيده الطيبه