ضعف الشجاع

[عد الروى]

	السلام عليكم ورحمة الله وبركاته هذي اول مشاركه لي واتمنى تحوز على أعجابك الرجل لا منه تغير مع الوقت = مدري الردى فالوقت ولا الردى فيه خاويت بعض الناس لكن توهقت = في خوه اللي ما يجمل مخاويه ياليتني عنه نشدت وتحققت = من قبل يلحقني ملام ومشاريه غربت فالدنيا لحالي وشرقت = وشربت من كاس الزمان وبلاويه تلطمني الصدمه وأغيَب واذا فقت = تلطمني الأخرى ومن غير تنبيه دايم أجمع نفسي اليا تفرقت = بس الزمان الصلف تذري ذواريه ياليت في خيط الأمل ماتعلقت = ولا بنيت لحلم كاذب مواريه أسرفت في حلم الوهم لين صدقت = ان حلمي الكاذب قريبه حراويه بس الحقيقه بيََِِِنت يوم برقت = في واقع(ن) كنت أحسب ان ماني ب فيه يا صاحبي ليتك على القلب وايقت = حتى تشوف طعون وقت مقاسيه وش فيك يا وقتي عليه تعملقت = انشهد ان الوقت محدن يجاريه أكبر دليل اعلنت ضعفي ودنقت = وانا الشجاع اللي بعيده هقاويه وطاحت دموع العز من بعد ما ذقت = غدر الزمان اللي كواني بصاليه وسلامتكم جميع

[الغروب]

عد الروى

صح لسانك ابيات قويه وجزله

وننتظر كل مايمد به قلمك المبدع

شكري وتقديري

[عبداللطيف أبوظهير العنزي]

عـــد الورى حيــــــــــــاك ونـــــورت المجــــــــــالس بأنظمـــــــــــــامك ...

صـــــــح لســــــــــانك علـــى هـــذا البـــــوح وهذي المشــــاعر الصـــــادقـــه ...

لاهنــــــت على مـــاقدمـــــت ...

دمــت كمـــــــــا تحـــــــــــــب ..


ودي وغـــــــــــــلاااي

[عد الروى]

الله لا يهينكم وانا سعيد بالمشاركه معكم
ونتقبل النقد بصدر رحب
وشكرا

[الخليفه]

صح الله لسانك

وحياك الله وبياك في مجالسنا

ويامرحبا بك