المهرةالي دونها الموت الحمر والخـط خـط=ماهو مهم الخط ميـر المـوت كلـن هايبـه
كنها تقول اخذ الحذر من ما تشوفه وانظبـط=كم عالمن من بعد طرد الحب راحـت تايبـه
ماردني قبل ارتكب بعض الجرايم شـي قـط=غير الشيم عند العرب ورث الصبي من شايبه
لاواهني الساحل الشرقي على ساحلـه شـط=الجو هادي والسما تمطـر وشمسـه غايبـه
حتى البحر نفسه ليا مـرت بجنبـه ينبسـط=الها النفوس اتذوب وانفـوس الاوادم ذايبـه
ولي يخطط لوتناظـر فيـه ضيـع فالخطـط=مصايب الحـب الحقيقـي ياحلـو مصايبـه
اعروق قلبي من هواها بين شل وبيـن حـط=جروح يشفيها الدوا وجروح ماهـي طايبـه
من قبلها من بعدها محدن علـى قلبـي قلـط=ام العيون الي سهوم المـوت منهـا صايبـه
رموشها عسكـر كتيبـه فالدفـاع وفالوسـط=وايضا على خط الهجوم ان ولعـت حرايبـه
اكبر غلط واكبر خطا واكبر خطا واكبر غلـط=الي مايعشق مثلهـا خاسـر ونفسـه خايبـه
اول قصيده قلتها فالحـب فـي شعـر النبـط=واخر قصيدة شاعرن صلـب علـى حبايبـه