قصيد رد علي حلقت طاااااش فااااااااش

[صقر يام]

قصيدة رد على مسلسل طاش ما طاش(العرجا)


يا قاف .. يا طاروق .. يا أغلى المثايـل

فـزوا لشاعركـم .. وصبـوا دلالــه


هايض وبكتـب فـي جميـع الوسايـل

وانا لمنـي هضـت .. جبـت الجزالـه


يـا جاهـلٍ تـاريـخ روس القبـايـل

اخـذ الحكـي منّـي وهـاك المقـالـه


حنّـا الجـبـال النايـفـات الطـوايـل

والطيـب حنّـا يالـردي راس مـالـه


وان قـيـل ولا كـثّـروا فالـقـوايـل

حن ال عرجـا .. يـا جمـوع الحثالـه


ماهيب "حلقـه" مـن "مسلسـل" رذايـل

ولا هيب "مشهد" مـن فصـول الخبالـه


تاريـخ يكـرم عـن ضعيـف الفعايـل

تاريـخ والتاريـخ .. يعـرف رجالـه


حن ال عرجا .. وانشـدوا كـل عايـل

تشهد لنـا نجـران .. فـي كـل حالـه


لا مـن تعصّبنـا .. وسقنـا الرحايـل

عـزّي لمـن حـنّـا وقفـنـا قبـالـه


والصلـب تشهـد فـي نهـار الهوايـل

كم شيخ وطينـاه ماطـى نعـالـ(.....)


فينـا الصبـي شيّـال حمـل الثقـايـل

مـا يشتكـي مـن ضعـف ولا جهالـه


ما فيه منّـا شخـص هافـي .. ومايـل

الـكـل مـنّـا وافـيـاتٍ خـصـالـه


هـذا اسمنـا يـا هيـه والشـك زايـل

نفخر بـ"عرجا" ونفتخر حيل .. بـ"آآآله"


من نسل يـام اهـل الكـرم والجمايـل

رمـز الشجاعـه والـوفـا والجمـالـه


((جـنٍ علـى قبّ المهـار الأصـايـل

وشيوخ فـي مجالـس اهـل الشكالـه))


مـا كنـت نـاوي ابتـدي ذالمثـايـل

اليـن حـدونـي جـمـووع الخبـالـه


ولاّ ان بغيـت الصـدق .. حنـا قبايـل

يامـيّـة مــا نلـتـفـت للحـثـالـه

التوقيع :

[ملكعه بس غير]

صح لسانك
ونعم بال عرجا كلن يشهد لهم
بس اعتقد ان هالمهبل حقين طاش مايدرون ولاتعمدو هالشي

[صقر يام]

يعطيك العاا فيه الا خت ملكعه علي المروور الكريم ولا هنتي

مصيررررررررررهم يدررون

[الشهامي]

ونعم مليوووووووووووون ولا يكفووون بصبيان آلــــ عرجاء ومخبورين يايام ومافيكم حكي

وطاش ويش طاش أرذل خلق وأرذل مسلسل والكل يشهد ومابقى أحد الا واستلموه حتى الدين وأمة محمد استهزؤ بهم والعياذ بالله

.

[صقر يام]

الله لا يهينك اخووي الشهااامي علي مروورك

[عبدالله آل عامر]

تسلم ياصقر يـام والله لايهينك
وآل عرجا ونعم فيهم
ومهما قلت عنهم فشهادتي فيهم مجروحة

[النـايف]

صقر يام

لا هنت يالسنافي على ذا القصيده .. وصح الله لسانك .. بس مدري الفصيدة ذي لــ من ؟؟

النايف

[صقر يام]

الله لا يهينك اخوووووي النايفه والقصيده هذي ماهي بلي حقت من رجاااال يام لاكن مااا عرف اسمه بالظبط

[صقر يام]

المعذرره اخووي النايف غلطت باسمك فووق العذر والسمووحة لا حد يفهمني غلط

[يامي وربي الله]

ونعم بال عرجا كلن يشهد لهم
بس اعتقد ان هالمهبل حقين طاش مايدرون ولاتعمدو هالشي