(( المجالس ))

[منصور الوذين المري]

المجلس اللي فيـه صجـه ولجـه = وإغياض وإمزاغى وهاجم ومهجوم
وتاجد به الجاهل ومن فيـه رجـه = ويجمع ردي من الرفاقـه ومهثـوم
وراعيه ماهو لطاعـة الله موجـه = من غفلة الزوار من الخير محـروم
إن جيت في وسطه لاكنـك بعجـه= أو وسط بدل ذا يحـرج وذا يسـوم
لاهـو بشفـن لـي ولالـه اوجـه =وإن جيت صوبه جيت عجلن وباقوم
ماهو بشـرح ولا النشامـا تخجـه = كثيـر رواده مقاريـد وارخــوم
مانـي مخلـي غفلـة فيـه حجـه =علي بنهارن يجعل العبـد مهمـوم
جعله افدى اللي مجلسه له انوجـه = لاجيت له تلقى المعـزه ومحشـوم
ملفـى مناعيـرن مـع كـل فجـه = مايدهله ياكـون قرمـن وزيـزوم
تلقى الدلال بهيلهـا اللـي تمجـه = ريحه ايشادي ريح عنبر ومشمـوم
وسوالفن ذربـه ماهـي بالسمجـه = وتذكـرك باللـي خلقنـا وقـيـوم
مافيه لامعالـى ولـى فيـه صجـه = وكبيرهـم مافيـه كـبـر ولا زوم
ونواجذن تضحك وهـي مبرهجـه = وطيبة خلق يرقى بها كـل شغمـوم
والزين شوف الصيد لاطلع مهجـه= خطوى اشقر جبر الثنادي وصيروم
لاشافه الخـرب المكوبـر ايرجـه = وان طار ياتي به ولو دونه انجـوم
وخـوة نشامـا مايخـاوون دجـه = ازلابتـن لامـال لاعـز لاقــوم
هذي طراة الروح والعمـر سجـه = والعبـد تاليتـه وفاتـه ومـعـدوم
يالله ياللـي لـه عبـاده تـوجـه =يارازقـن العبـد والعمـر محتـوم
وياجاعـل التيسـر بعـد العوجـه = تغفر خطاي إن كان زليت في يـوم

منصور منيخر الوذين المري

[مهرة النسيان]

صح لسانك ياخوي ..


ررائع ماطرحت ..

[منصور الوذين المري]

مهرة النسيان
يسعدني مروركي ولاهنتي
وشكرا لك

[مسعطر]

جعله افدى اللي مجلسه له انوجـه لاجيت له تلقى المعـزه ومحشـوم
ملفى مناعيـرن مـع كـل فجـه مايدهله ياكـون قرمـن وزيـزوم
تلقى الدلال بهيلهـا اللـي تمجـه ريحه ايشادي ريح عنبر ومشمـوم
وسوالفن ذربه ماهـي بالسمجـه وتذكـرك باللـي خلقنـا وقيـوم
مافيه لامعالى ولـى فيـه صجـه وكبيرهـم مافيـه كـبـر ولا زوم
ونواجذن تضحك وهـي مبرهجـه وطيبة خلق يرقى بها كل شغمـوم


السنجاري المري... قصيدة جزلة و رائعة صح لسانك ملييييييييييار..
تقبل مروري و تحياتي..

[عـسـاه خـيـر]

السنجاري المري
مرحبابك يا السنافي
وصح السانك ولاهنت على هذا النص الرائع.

[محمد الغيثاني]

لاهنت يابن لوذين على القصيدة الجزله




في






انتظار






جديدك يالسنافي

[منصور الوذين المري]

مسعطر لاهنت والتوقيع احلا
عسى خير هو خير ان شاء الله
الغيثاني لاهنت يالغالي
جميعا
يسعدني مروركم
والعين ماتعلى على الحاجب

[الشيخه]

السنجارى المرى


صح اللسانك مليون ولاهنت على القصيده


بانتظارجديدك القادم

تقبل منى خالص التحيه

الشيخــــــــــــــــه

[~ورد~]

صح لسانك

[بندر العجمي]

صح السانك



ولاهنت على الجزاله


ودام حضورك


اخوووووووووووكـ