قصة وقصيدة مؤثرة

[سمو الرووح]

قصة وقصيدة مؤثرة


السلام عليكم ورحمه الله

هذه قصيده تحكي معاناة انساااان بسبب غلطه غير مقصوودة انتهت حياته ..
سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..
كانت اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
ما بطول عليكم .. هذه القصيده وابا رايكم ..



يــا فــلاح الـهـم خـيّـم فــوق قـلـبـي يـــا فـــلاح
كيـف تبغـانـي اسـولـف وانــت خابـرنـي علـيـل
ويـش قولـك فـي عليـل ٍ فـي حياتـه مـا ستـراح
تنتـثـر دمـعـة عـيـونـه لاظـلــم الـلـيـل الـطـويـل
حالتـه لا مـا تبـاعـد حــال ( سلـطـان الـربـاح )
بالخـطـا راحــت حيـاتـه والخـطـا مـالــه مـثـيـل
كــان ويّــا صاحـبـه اثنـيـن فـــي أرض ٍ بـــراح
يطـردون الصيـد دايـم مـن صبـح لـيـن المقـيـل
اجمعتهـم صحـبـة الدنـيـااا عـلـى جــد ومــزاح
مــا يهـابـون الليـالـي والحـمـول الـلــي تـمـيـل
مــا قـتـل عـامـد ولـكـن ثــوّر ابلـيـس الـسـلاح
بالخـطـا ثــار الـسـلاح ويــن يلـقـى لـــه دلـيــل
انعقـد سجـنـه .. وربـعـه تنتـظـر فــك الـسـراح
والاكيـد انـه سجيـن ومـا رضـووا ربـع القتـيـل
هــل دمـعـه يـــوم صـلّــى ركعـتـيـن فالـصـبـاح
فـي نهـار الجمعـه اللـي مـن ثقـيـل ٍ فــي ثقـيـل
هـلّـل وكـبّـر .. ونفـسـه تـذكـر الـلــي راح راح
كـان فـي ربعـه عزيـز .. وذلّـه الـوقـت الذلـيـل
(لا مـحـمـد لا تـهـانـي لا سـعــود ولا صـــلاح )
كلهـم كانـوا علـى بالـه وهـمّـه فــي ( هـديـل )
طفـلـة ٍ مــا كمّـلـت عـامـيـن صايـبـهـا كـســاح
وانتـثـر دمـعـه وحـالــه مـــن سبايـبـهـا نـحـيـل
حان تنفيذ القصاص .. وغطوا الـراس بوشـاح
وجـاك سيّافـه يشيـل السيـف ابـو حــد ٍ صقـيـل
ارتخى راسه .. وزاد الموقـف الحامـي صيـاح
بيـن نـوح وبيـن دمـع وبيـن صيـحـات وعـويـل
وارتفع صوت الحشـود .. وزاده محمـد وصـاح
يــا يـبـه تكـفـى دخيـلـك تستـمـع قــول الـدخـيـل
يـا يبـه وشلـون نصـبـر كـيـف نهـجـع بارتـيـاح
وانـت مـن دنيـااا عيالـك ماخـذك مــر الرحـيـل
يا محمـد .. هـاك علمـي واحفظـه قبـل المـراح
انـتـبــه لاخــوانــك وبــالــك عـلـيـهـم لا تـعـيــل
والله الله .. فـالـصـلاة وفالـصـيـام وفـالـصــلاح
والله الله .. ف( امكـم ) والله لكـم بـعـدي كفـيـل
غـمّـض عيـونـه ونفـسـه تطـلـب الله الـسـمـاح
رافـــع ٍ سبـابـتـه .. ( مـظـلـوم ) والله الـوكـيـل
ســل سـيّـاف الصـفـا سيـفـه ودقــه ثـــم طـــاح
راس (سلطـان المراجـل ) وانتثـر دمــه يسـيـل
غسلـوه .. وكفنـوه .. وفـاح طيـب السـدر فــاح
وبالمصادف صار قبره جنب قبر ( ابن العقيل )
يـا فـلاح .. الكارثـه مـا هـي سوالـف يـا فــلاح
خـلـنـي سـاكــت ودوّر غـيــر هالـقـصـه بــديــل

م ن ق و ل

[راشد العتل]

صح لسانه وفعلا قصه مؤثره لسلطان ومحمد

وفضه لاهنتي على طرحها

[راعيــة الذوووود]

غسلـوه .. وكفنـوه .. وفـاح طيـب السـدر فــاح
وبالمصادف صار قبره جنب قبر ( ابن العقيل )
يـا فـلاح .. الكارثـه مـا هـي سوالـف يـا فــلاح
خـلـنـي سـاكــت ودوّر غـيــر هالـقـصـه بــديــل


قصيده و قصه مؤثرة و لا هنتي على نقلها و الله يعطيش العافيه ,,,

[سمو الرووح]

أخي راشد العتل
مرحبا وحياك الله
شكرا لمرورك الطيب وردك الرائع .. ولاهنت

احترامي لك

[سمو الرووح]

أختي راعية الذوووود
يامرحبا وكل الغلا لك
اسعدني مروركِ الطيب وردكِ الجميل ويا هلا والله ورحب ملايين

احترامي لكِ

[محمد الشامري]

فضه

صح الله لسان شاعرها وصحت يمناش على النقل

قصه موثره وقصيده معبره

لاهنتي يالسنافيه على الاختيار الجزل