التوابع والزوابع\\قد جيته لاجل شمّا\\واسمع من خطيب الجن ومن فمّه

[ماجد حمد الزيد الخالدي]

الا يملفق(ن)بالطاء وصلك القاف رد القاف=عليك ابياتنا تعدي بضبح(ن) قدح كالغمّه
طرقها ماجد ابن الزيد لا ظلماً ولا اجحاف=فلا اسخاف لا اهراف لاحكين بلا متمه
سمعنا عن جواب وخط يشد ورد وهو خراف=يوردها على كيفه فكم من ناقص(ن)ذمّه
على الطاء شد مطلعها وينسبها الى الكتّاف=يلفقها على كيفه قديم(ن)خاوي الهمّه
يحسب انه يجارينا بمسحوبه هك الهرّاف=على تكسي الشعر دوار ويخلد راسه بصمّه
تصدرنا ولانرضى يكون المجلس الاطراف=نروم العاليه تأبى مكارمنا سوى القمّه
الا لايجهل(ن)جاهل علينا ساقط الاهداف=فنجهل فوق جهل الجاهلين ونورد مطمه
شربنا من قراح(ن)عذب ماداست به الاخفاف=على قولة ابن كلثوم يجيه العلم ويصّمه
اذا وصلت لخشم القرم عرم السيل جاء شغّاف=يقش الحيد في دربه يشيل الطرف في كمّه
يتله تل يشله شل ويضرب بالقوافي ظراف=هزال الشعر لو ترعى يجيها الليث بمهمّه
تحت نابي بشلقهن وبربطهنّ خلف اخلاف=الا ياويل هاك الهرف من ماجد ومن جمّه
يطول الوقت مايلحق يطول الليل وهو ماطاف =يدور الوقت مافكّوه لاخاله ولا عمّه
يحوفه من مهاتيفي عمرو سالم وبن خلاّف=سليم(ن)في كتيبة الف يشوح الضد ويسمّه
يبي يطاول كرام القوم اجل بالله هذا انصاف=نزلنا في ظهر ناجد وينزل وادي الرمّه
ابسئل كل ذو عقل(ن) لبيبن عن بعض اصناف=من الاجناس شذر الناس سقط القوم ثم ثمّه
يحسبون المجد هيّن على البيّن فمهنا خلاف=يحسبون القمم يسره على منلا سكب دمّه
توابع بن حمد كل زوبعي ماجوا على خواف=حجب الفين وتسع اميّه وثمن تسعين بالعمّه
زهير نمير وشيصابان لو جولك على اسراف=يودونك بخط رقعه الى أشهار بملمّه
طروقي جو يلاحق جو دواته دو تقص الهاف=فلا يلهيك مسحوبك وتنسى نايف الضمّه
سرجت الّي فلا قبلي سرجه الا قوي نوّاف=وزرنا عنتر العجلان قد جيته لاجل شمّه
هبطنا وادي(ن)غيث(ن) جفل منا نعام العاف=ابو الخطار يتلانا على فرس(ن)يتم تمّه
بمرج(ن)سمّي دهيمان قد جيته وربي شاف=وقفت به واسمع من خطيب الجن ومن فمّه
وقفت بهم بكل عصما على المطلع سمعت هتاف=يصح لسان بانيها وشاعرها لهم نمّه
على صدري خلعت بكل مطرزت(ن)وبالاكتاف=والبستوا على راسي عمامة صاحب اللمّه
اتاني بعد هذا كل غانيةً لهنَ اعطاف=الا فانكح من الخرد عليك الله قل تمّه
فقلت لهن قد انكحت قبرن ماله اوصاف=سابقى الارض احمله رضيع(ن)في يدين امّه
فقال(ن)والذي ارسل محمد بالقلم مع قاف=بفاتحة الكتاب الى اله الناس مع عمّه
سنرحل اينما ترحل ولو مزقن في الارداف=سننزل حيثما تنزل معك كمعاود الحمّه
فعدت بكل منجزت(ن)ويصحبني من الاطياف=الوفن بين مستشعر وغاويتن تبي خمّه
بحدي يعزفن العود وضرب الطبل والادفاف=سمعت الّي بحد اذني تهامس لي لها غمّه
على فهمك بسهلها اذا انك زاير العراف=أنا من يدمغ العراف لامن بان بمدمّه
وصلك القاف رد القاف بالاهزاج يالنّغاف=مفاعيلن تجي بالأف صح الضرب لاتزمّه
سعود النجم طامن طب لصرصر عاصفات اعصاف=من قريشي تحدر من جبورالخالدي دمّه

[شايش العجمي]

صح لسانك يا ابو حمد عز الله قصيدة جزلة.. و قوية ...


تقبل مروري و تحياتي.. ولا تحرمنا من جديدك...

[راشد العتل]

الله الله
صح لسانك ماجد الخالدي
قصيده جزله بالصوت الجزل

نترقب منك الجديد

[عـسـاه خـيـر]

صح لسانك ماجد الخالدي على هذه القصيده الجزله.

[مسفر مبارك]

صح لسانك جزله ومن رجال جـــزل

[ماجد حمد الزيد الخالدي]

الاخ الفاضل شايش العجمي صح الله بدنك واشكرك على المرور

[شبيب بن فنيس]

حـــــــــــــــــــــــــــــــــــــــــــــــــ ـــــــــــاااامي

صح السانك ولاهنت وفي انتظار جديدك

[بندر العجمي]

صح السانك



ولاهنت على الجزاله


ودام حضورك


اخوووووووووووكـ