3 من الشباب متواعدين معى واحد في الصمان
متواعدين وياهم داخل الصمان بحوالي 250 كيلو تقريبا يقول قطعنا مسافة تقريبا 100 كيلو يقول كنا في سيارة واحدة
هايلكس 97 يقول وحنا ماشين الا والموتر ينشب (معلق) يعني الكفرات يالله تلامس الأرض يقول حولنا نطلعها ماقدرنا يقول
كانت الساعة 9 ص وماكان معنا مويه الا غرشه لكل واحد يقول وحولنا فيها حولنا لكن كل محاولاتنا فاشلة الرجال أنا أعرفه
راعي بر لكن الظاهرانهم نشب نشية قشرة يقول مشا الوقت الى الساعة 11 لا الا 12 وايضاً مضى الوقت الى الساعة2ظهراً
يقول شفا واحداً من البدو جاي لمنا أنبسطنا قلنا فرجت يقول يومنه جانا وكان معاه شاص قلنا له الله لا يهينك طلعنا قال الموتر
جديد وأنا ما معي الواير ولا ودي يجي للصدام شي قال أبروح أجيب الوايروجيكم يقول قلنا طيب جزاك الله خير أهم شيئ يطلعنا
يقول جت الساعة4عصراً و5و6و7و8و9 والرجال ماجانا واضلمت الدنيا وجت الساعة 10و11و12و1 نامو وتوقعوا أنه بكره بجيهم
لانه مايدل في الليل يقول حنا جوعانين وعطشانين لكننا نمنا في السيارة قمنا الصبح المويه الي معنا خلصت يقول امس كنا محفرين
حول السيارة ويوم قمنا الا والرمل معطي جزء من السيارة يقول جت الساعه9ص و10و11و12و1ظ و2و3و4و5و6و7ل و8و9و10و11
ونمنا نفس أمس ويوم قمنا ألا وحنا ميتين عطش حتى أن واحد من اخويانا حاول يطلع موية الرديتر ويقول مضى اليوم كله وحالنا مثل اليوم
الي قبله ويقول سبحان الله يوم جت الساعة10ص ماسارشي لما ماجت الساعه تقريباً4عصراً يقول جانا البدوي خوينا الي قال ابجيب الواير
وابجي يقول يوم شفناه ودنا نشوته لكن قلنا يالله النجاة يقول كانت حجته انه نسانى والله ماندري وش كان ناوي عليه يقول طلعنا
نسمنا الكفرات و دعسنا لم الخط يقول وقفنا عند أقرب محطة وكلنا أكل أسبوع وكل واحد حط قاعدة في راسه أنه ما يروح الا وهو مجهز
نفسه من حيث الأكل والشرب وبعض اللوازم الي أنتم أبخص مني فيها 0
06-07-2006, 12:56 AM
العرض العادي
المواضيع المتشابهه
