ياطير ذكرتني

[ناصر الغيثاني]

السلام عليكم ورحمة الله وبركاته

هذي قصيدة(ن) لي في طير واحد من الربع غدى طيره وطيره غالي عندنا وكلن يغلي ذا الطير
والقصيده لها موقف ,,,, عندي طير(ن) في البيت وكل مادخلت على الطير تذكرت (حشار) طير رفيقي
وإلى طرى علي طير رفيقي حزنت ؟؟

وأقول فيها

ياطير ذكرتني في ضيعة الغالي=ذكرتني كل صبح وكل عصريه
لاشفت زولك غدى في كبدي أشعالي=فالكبد كيه وزادت فوقها كيه
ياطير شوفك سبب همي وغربالي=شوفك جبرني على الحشري وطاريه
طريت لي كم مهد(ن) له على بالي=إلين ماعدت ذكرآ له وماضيه
وياطير (حشار) لاشفتك تهيالي=وأقول صعب(ن) وعسر(ن) ينلقى زيه
وإلى طرى لي معاد أدله مع السالي=والشوق بالقلب عندي ينتظر جيه
كل الصفات الحميده فيه بأشكالي=وزين المخالا معا زين الركاديه
يطلع ويلحق ومع ذا طيب الفالي=من طيب ساسه وطيب أصله وراعيه
لاهد ماضريت كفه على الخالي=كنه عقيد(ن) بعيدات(ن) مغازيه
ومن دون حشار تاقف كل الأقوالي=أقفى وله بصمة(ن) بين العرب حيه
وياطير حشار عقبه رايح(ن) حالي=ولا يسلم الحال كون ادواء مغذيه
ذكرتني ماضي الأول مع التالي=إلين مابان لي الأول وخافيه

أخوكم ناصر الغيثاني

[ليــه يازمـــن]

صح الله لســـانك وقصيـــده طيــبه ياطيــب

[ناصر الغيثاني]

ليه يازمن

صح بدنك ولاهنت على المرور

[العـــسر]

يطلع ويلحق ومـع ذا طيـب الفالـي
من طيب ساسه وطيب أصله وراعيه
لاهد ماضريت كفـه علـى الخالـي
كنه عقيـد(ن) بعيـدات(ن) مغازيـه
ومن دون حشار تاقف كل الأقوالـي
أقفى وله بصمة(ن) بين العرب حيـه


الله الله
صح الله لسانك يالغيثاني


ولاهنت على هذا النص الجميل




تحياتي لك

[هبـؤب آلشـؤق~]

إن شاء الله انكم بتلقووونة

صح لسانك

[ناصر الغيثاني]

العسر

صح بدنك فديتك ولاهنت على المرور

[ناصر الغيثاني]

هبوب الشوق

اللهم آمين الله يسمع منك

لاهنت على المرور

[الغروب]

ناصر الغيثاني
قصيدة جزلة ومعبرة
صح الله لسانك .

[ناصر الغيثاني]

الغروب

صح بدنك والله يعطيك العافيه على المرور

[بندر العجمي]

صح الله لسانك والله لايشينك

قصيده اكثر من رائعه


اخيكـ