صاحب السمو الملكي الأمير/ مشعـــل بن عبدالله بن عبدالعزيز آل سعود

[يحيى ال بالحارث]

لإهداء إلى سيّدي صاحب السمو الملكي الأمير/ مشعل بن عبدالله بن عبدالعزيز آل سعود بمناسبة تعيينه أميرا لمنطقة نجران الغالي ولد الغالي

ياسيّدي (مشعل) أنا شاعر وانوب=عن ربعي اللي للدّهر خليتهم
حمّاية الحد السعودي بالجنوب=يشوش راسي كل ما اسمع صيتهم
ربعي هل الطالات في سلم وحروب=ماني بــ(يحيى) كان ما طرّيتهم
( يام(ن)) مع (همدان) لاعيتني الدروب =من وين ما اسوق قدمي لقيتهم
دسمالهم أبيض وتلقاه (معصوب)=والعود الازرق يحترق لاجيتهم
فديتهم والناس غالب ومغلوب=اليا احتمى الموقف هنا حطّيتهم
هم تاج راسي محزمي يوم النشوب=لاطاحت عزومي ذخر عدّيتهم
في ظل ( أبو متعب) و( أبو خالد) ماهوب=في ظل حي الله بشر فديتهم
(آل السعود) اللي ليا هبّت هبوب=أقطع شراييني إذا ما ارضيتهم
ياسيّدي( مشعــل) بنينا لك قلوب=وقلبك غدا لمواطنينك بيتهم
تباشروا بك سيّدي كل الشعوب=لانّك على باقي المدن بدّيتهم
أرحب عدد ماهمّلت عند الغروب=في ديرة اللي للسما شلّيتهم
تباشروا بك سيّدي وانت محبوب=ويدرون انك بالخفا حبّيتهم
يامرحبا ياسيّدي وانت الشروب=وبجيّتك يابن الملك أرويتهم
ويدرون انك للفخر محزم وثوب=وببشت أبوك اليا أظلمت غطّيتهم
جرّب تناديهم ليا جات الكروب=ياتون سرب(ن) مابعد ناديتهم
ياتونك سيول(ن) تلاطم كل صوب=تحتار في كم العدد لاريتهم
فيهم ولا ومعاهده وانت محسوب=ضمن العهود الخالده لاالفيتهم
(أ)صدورهم شرحه ومسلوبة عيوب=وطبع الوفا والمرجله (مانشيتهم)
اقولها باسمي واسم فخر الجنوب=ربعي( أبالحارث) هنا حطّيتهم

[مسعطر]

اقولها باسمـي واسـم فخـر الجنـوب
ربعـي( أبالحـارث) هـنـا حطّيتـهـم


كفوووووووو و نعم ,,

صح لسانك يا يحيى على القصيدة الجزلة ,,
و يستاهل صاحب السمو الملكي ,,

تقديري و إحترامي ,,

[الغروب]

الشاعـر ‏يحيى ال بالحارث

صح لسانك على القصيدة الرائعة

ويستاهل صاحب السمو الملكي الامير مشعل بن عبد الله.

[king الوادي king]

الله الله

صح لسانك

ونعم يابالحارث كفو والله


ويستاهل مشعل بن عبدالله المدح


ولاهنت على كل حال

[بندر العجمي]

ياتونك سيـول(ن) تلاطـم كـل صـوب = تحتـار فـي كــم الـعـدد لاريتـهـم
فيهـم ولا ومعاهـده وانـت محسـوب = ضمـن العهـود الخـالـده لاالفيتـهـم(أ)
صدورهم شرحـه ومسلوبـة عيـوب = وطبـع الوفـا والمرجلـه (مانشيتهـم)
اقولها باسمـي واسـم فخـر الجنـوب = ربعـي( أبالحـارث) هـنـا حطّيتـهـم



ياسلاااااااااااااااااام




وارررررررررررحب يايحيى ال بالحارث






وووونعم في ال بحارث صبيان يام وهمداااااااااااااان كااااااااافه




وصـــــــح الله لسااااااااااااااااااااااااانك





شااااااااعر عمـــــــــلاق ومبـــــدع وكـاتب واعلامي يطربنا حضوووووووووورك يالقرم








والله لايشينك ونطمع بالمززززززززززززززيد