قصيده

[الريفي]

الطيب يبغى لة من الناس تذكار.... وترى عيال الذيب تهذب هذيبـة
رجل ليا منة طلع صار لة كـــــــار....ولة منزل في عاليات الجذيبـــــه
عز لربعه والبعيدين والجــــــــــــار....ولة جاه عند المشكله ينبدي به
رجل على سدات الأيام صبـــــار....عز الرفيق وعز من يلتجي بــــــه
ورجل الا منه طلع ميت النــــــار....حي كما الميت ولا يندري بــــــة
يرقد بجحر الفار طبعه كما الفـار....حصيله اببطنه وزوده يجيبــــــــــه
قولو عساه يجيه قصاف الأعمار....والموت ستر للوجوه الغضيبـــــــه
ورجل ليا منة طلع صار ثرثــــــار....هرج بلا معنى ولاينحكى بــــــــه
ورجل جليسه دايم انذال واشرار....هو مادرى ان بعض المجالس معيبه
من جالس الانذال ملزوم ينهـــار....وفي كل حزه واقع في مصيبــــه


وسلامتكم......

[المـــلك]

الريفي صح لسانك
واصل ةانا متابع لك
تحياتي

[سعود الخويطري]

صح الله لسانك يالريفي


لاهنت وسلمت يمناك والى الامام دائما



وتقبل سلامي واشواقي

[الريفي]

حياك الله ياخي الملك وشكرك عل متابعة موضيعي ونرجومن الله ان يجعلن عند حسن الضن ولك الشكر.
كما نشكر الاخ سعود الخويطري على المرور
ولكم تحياتي .

[عـسـاه خـيـر]

الريفي صح الله السانك على هذه القصيده المعبره .

[محمد الغيثاني]

صح السانك يالريفي لاهنت

[مسفر مبارك]

صح الله لسانك يالريفي


لاهنت وسلمت يمناك والى الامام دائما