كلمة للأخ المحترم الحايف

[عبدون]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

أخي وبن عمي العزيز الحايف

قبل كل شيء تعرف جيدا باني اكتب خلف أسم مستعار

وأستطيع قول ما أريد من غير تردد

ولكن أقولها بصراح أن قبيلة ال مرة عزيزه على قلبي

وقرارهم وحتى وإن لم يكون ما أتمناه أو اتوقعه

ولكن هذا حق مطلق لهم لا يناقشهم احد عليه أو يفرض

رأيه عليهم والاخ ناصر الرويلي في منطقتي واعزه واحترمه

وهو رجل شهم و ويبيض الوجه

وندعي لهم بالتوفيق ونجاحه يحسب لنا عند الاخرين ...

ولكن ما لفت نظري ترديدك مفلحي وشولاني

وتقول وصلك منهم كلام في احد المواضيع

والمثل يقول لا كذبت سند قل قال لي فلان ولا فلان

وخلك واضح وصريح

أسمع يا بن عمي حنا يا المفلح عجمان قبل الانتخابات والجناسي

ويوم كنزان والعيينه وغيرها ما صدينا ولا قلنا محنا بعجمان

تبينا نقولها عشان انتخابات

وأرجع للتاريخ وشيبانك وتدري طال عمرك واتوقع انك أبخص

وثق بالله اني اكلمك خلف أسم مستعار واقول أن ما يدار

ويزهم لهم في مجالسنا يا ال مفلح ربعنا الأربعه فقط

اللي تحت مظلة ربعهم من يملك اصواتنا والمنه لهم بعد

للعدوه والصيفي والحويله والطاحوس

وأتمنى تترك عنك كلمة ملفحي ( مفلحي )

لان هذا الكلام يفهم بانه شق صفوف العجمان

وهو ما لا يفيدك بشيء ولا هو طبعكم

وحنا ربعكم واخوانكم

والله يرحم شاعر العجمان وال مفلح نغيمش الشولاني

يوم سبع القبايل ( ملحمة مبرنس ) يوم قال يامي ولا قال عجمي ومري

ياميةٍ في حومة السوء ظفـران....ياما ذهب في وردهم من قبيلـه
يامن يبشر بالخبر ابن سلطـان....سبـع القبايـل فرقتهـم قبيلـه
ياليتكم شفتو طلقيـن الايمـان.....تنخاهم انساهم وراحو سحيلـه
حنا انتصرنا والمعادي بخـذلان....ولا يامن الاحكام راعي دغيلـه
زيزومنا بو راشد ذيب الاقـران......حييت يا شيخ علومـك مهيلـه
شيخٍ ليام الى امتلى الجو دخان...لاهوم (لاهوم بن شريم ) شيال الحمول الثقيـه


.شـكــ وبارك الله فيك ـــرا لك ... لك مني أجمل تحية .

[al_ajmi33]

كفو و الله يا آلاد مفلح ....


و الله مهما مدحناكم المدح فيكم ما يوفيكم حق علومكم الغانمه .

و هذا الظن و الهقوه في كل بني عمنا .

[kawe-al-theap]

أذيــــــــــب يلاد مـــــفـــــــلح والناس ألي أدور التفرقة ...
وتحس في خاطرها نقص هذا شئنها لوحدها

اليامية كلهم من بزرهم إلى شايبهم .... كفو ويستاهلون

[عذب الكويت]

ال مفلح لاغبارعليهم بالهم اخوان وخوال وعمان لنا ولا نرضا عليهم اللي يمسهم يمسنا حتى لوكان قريب مخطي .... ارجو من الاخوان ان يقولون خير على اخوانهم ولايسكتوووووون

[يا قووم]

مافي شكه يا عبدوون علمكم غانم ووقفاتكم تشهد لكم ...

[mo7sen]

كفو والله يالمفلحي

علومكم غانمة أول وتالي ولا يلحقكم الشك

ولا يهمك الحكاية

أنتو أكبر منها

[الولهان]

كفيت وفيت ياعبدون .........والخبل اللي مشكك في كلامك واللي يبي يفرق ماعلينا من احد حنا لكم وانتو لنا ويام كلها هم السند في الرخا والشده لاجا الصدق مهب حكي المشك ............عسى الله يعزهم ويجمعهم ولايفرقهم

[ابومحمد الشامري]

اي والله عجمان غصب عن القاصي والداني ولا هوب على كنزان ولا العيينه لا والله قبل من يوم مناخ الرضيمه وبيرق صبيان ال مفلح معروف في العجمان ومن يوم حدرة العجمان من نجران.
ويوم الدويش يقول في مجلسه يا بني عمي يا مطير تكاونت انا وابن حثلين وقدني بكسره الا الخيل ظاهرة علينا من ورا ظلع فازعين ويقولبونا يمين ويسار الين اكسرونا قال واحد منهم من هم يا الامير قال والله الشواوله.

وفي ذا الوقت جاونا من صغار السن الله يصلحهم الواحد منهم ينظر في الانساب تقول ابن الكلبي في زمانه ولو تقول وش اسم جدك الخامس ما عرف طلعوا ناس واظهروا ناس وحكي والله ان النسوان ما تقوله.

وان كان الشولاني ولا المفلحي عامةً ماهوب عجمي كما يدعيه الكذابون فأنا مانيب عجمي. وهم يكرمون وينزهون عن هذا الكلام.

لا هنت اخي العزيز عبدون على الكلمة الطيبة والله ما جانا شك في اخوانا ال مفلح ولكن خلها على ربك وما نقول الا الله يهديهم.

ملحوظة : كلامي هذا موجه لعضو تم ايقافه من فترة بسيطة على موضوع هذا رابطه:
http://www.alajman.ws/vb/showthread.php?t=42661

[عجمي وربي الله]

ابو حمد بيض الله وجهك على ذا الكلام الطيب ولا حنا باللي تلحقنا شكه في نفوسنا والا من اخوانا العجمان من عرفنا الدنياوخلقنا حنا وشيبانا مع العجمان
على الطيب وعلى الخير والشر ولاهوب انا اللي مبتدع ذا الحكي الا من سوالف شيبانا وشيبانكم والشئ اللي يوجعنا يوجعكم واللي يوجعكم يوجعنا
بس لي شرهة على المراقبين وعليك يا بو حمد لم نرى اي دور للاد مفلح في حروب العجمان ولم تذكر في المنتدى ولم يتطرق لها ذكر لا من بعيد ولا من قريب
وعلى الحرام انك صادق في الجيل التالي من ذا الوقت اللي قام يقول ذا يامي وذا عجمي ولا شفنا هالشئ الا بعد ما نجح عبدالله بن شرفان
وقصدهم الطعن واللمز واتلميع لمرشحينهم على حساب اخيهم عبدالله بن شرفان

وعلى طاري ذا الكلام وكان ما ودي اذكر هالشئ ولكن السالفه معروفه وصارت والحمد لله على انتهائها
ويوم صارت هيه بين واحد من ابا الكلاب ما يحضرني اسمه وال سفران زبن ابا الكلاب على ابن دبلان وراح ابن دبلان لآل سفران وقال ترا في وجيهنا وتراكم مقروعين وقا واحد من عوال ال منيخر وقال ( عليكم القرع وعلينا الحشمه )
قال ابن دبلان انا ابوحسن تراه مثل مرته اللي ما يواجه وتراهم في المكان الفلاني .
بعدها تكلم ابن منيخر وحط اصبعه على خشمه وقال طويل يا ابن دبلان طويل يا ابن دبلان

فاللي بيتكلم على الاد مفلح وبيقول ماهم بعجمان فلا له رد الا كما فعل ابن منيخر
اخذنا سماوة العجمان بفعلنا ماهي بعطية من احد ولاهي باللي تزودنا ولا هي باللي تنقصنا

وحنا صغار ما نعتزي الا ( ابن الاعجم ) ما عرفت اكتبها
ونعد روحنا من العجمان ولا عرفنا اسم يامي الا من جيل تالي ذا الوقت

وذا الكلام الصدق

الله لا يهينكم على كل حال حنا خوانكم في ساعة الضيق والرخا
وابشروا بامواقف الطيبه ان شاء الله مع اعضائنا الاربعه
وعسى ربي يوفقهم ( الحويله - الصيفي - الطاحوس - العدوه )

واحدن من الاد مفلح

[عبدون]

السلام عليكم ورحمة الله وبركاته

وكفو من قال وبيض الله وجيهكم

وبارك الله فيكم ... لكم مني أجمل تحية .