شاعر ينصح موظفي الشركات الاهليه

[فيصل بن محمد]

وصلتني بالايميل ..قصيدة جميله وفيها فكاهه لا ادري من شاعرها ولكن يقول راعي الايميل ..من موظف يشتكي حالته في شركته وينصح زملائه بمغادرتها ...


اتركوها من شــركه __ لا قريــد ولا حــركه
والـراتب مامن بركــه __ يطيــر منا بلحظات



اجي بدري قبل الناس __ لابس احـلى الالباس
متطيب وماشــط الراس __ كني من الخواجات



اكـــد كـد الحــمير __ واصبر صبر البعير
ابــي غدينــي اصــير __ ريس باحدى الشفتات



لـكن خـذاها الــغريب __ منهو جاي بالتهريب
جاي بلنش اوعلى جيب __ ومـا مـر الجوازات



يــا جاوي اوسوداني __ او رفــيـق ســيلاني
او من صـنعاء يــماني __ حاط باثمه حزمة قات



مايعرف وين الشيمه __ ولا العـادات القديمـه
ابـله مـثل الــبهيمــه __ خرب علينا العادات



لكن قررت اســتقيل __ ماعاد بي والله حيل
تعـبت من اخــر ليــل __ اتعبتني الورديــات



بلا مصنع بلا فيد __ بلا بونص بلا قريد
حتــى لو عطوني ليــد __ متنازل عن هالترقيات



ابي اشري وارد حصنان __ مرسدس ماهي يابان
وابــي امــلاها طـليان __ هرافا وبالوصف جزلات



وابي اشري في اكس ار __ عــداده مابــعد دار
الدبـل بـــهمزة ازرار __ والتــــواير هـزازات



وابي اخذ لي صيوان __ مزركش باحلى الالوان
ويصير للمسير ديــوان __ والسوالف هات وهات



وابـي اطـــلع للنــفود __ ومــعي ثلاثة هـــنود
شبــاب مابــهم عــود __ ومايــــخلون الصلوات



واحـد راعـي لـلبهايم __ والـثاني طبـاخ دايـم
والثـالث للــوازم قـــايم __ يقضي كل اللزومات



وابــي اتزوج سوريه __ مزيونه تـقل حـــوريه
العيـــون وسـاع وعسليه __ والخدود حمر موردات



امكن عمرك ياغشيم __ الدنيا تراها ماتديـم
جـدد عمـرك يافـــهيم __ مابـــقى كثـر مافات



ولازم اخــتم كلامي __ بالصــلاة والـسلامي
على الرســول الامــامي __ نكـسب فيها حسنات





وسلامتـــــكم



الشاعر/ موظف شركه سابق

[محمد الشامري]

الله الله

امكن عمرك ياغشيم __ الدنيا تراها ماتديـم
جـدد عمـرك يافـــهيم __ مابـــقى كثـر مافات



عزتي له ذا الموظف

ولاهنت والله يابومحمد وجعل عمرك طويــــــــــل

[حبيب]

فيصل لاهنت على نقل القصيده وصح الساانك


والله انه تبهذل المسكين


ياليت اهل الشركاات يسمعوون نصااايحه




تحيااتي

[فيصل بن محمد]

ارحبووووووو واشكركم على الرررد

[العنيد]

عزتـــــــــــــــي والله لذا الموظف ..انشهد انه مهوووووووووووووب هين..واحسنت والله النقل يا فيصل بن محمد والله يبارك فيك..

[الونان]

هههههههههه عزالله جابها الحقيقه بس بشكل هزلي

لاهنت يا فيصل

[فيصل بن محمد]

ارحبوووووووووووو
وتسلمون على الرد