الشاعر : عبدالله بن زويبن الحربي ((داهيه))

[المناجي]

السلام عليكم ورحمة الله وبركاته ..

اقدم لكم قصيده لشااااااااااااعر عن اااااااااااااااالف شاعر ...لايملك من الشهر الا القليل هوالشاعر عبدالله بن زويبن العمري الحربي ..والله اعجز عن مدح هذااا الشاعر الفذ والداهيه من وجهة نظري محترف في توظيف المفردات بعفويه ناهيه ...ويجبرك على قراءة قصيدته اكثر من مره ...نعم هو الشاعر من استطاع ذلك ... ويستحق أن يكون شاااااااااااااااااااااعر ..

قصيدة (ثوبها يجـرح نهدهـا )

يا وجودي وجد مجروح الفـوادي=من هنوف ثوبها يجـرح نهدهـا
شافهـا بالملعبـة يـوم العيـادي=طشت الشيلة و ماحت في جعدهـا
كنهـا بالملعبـة صفـرا تـرادي=بالحبـال اللـي ملـواتٍ عقدهـا
سمعت أصوات العزاوي والهنادي=من عياطير السطر يطفر زبدهـا
تحتري شيـخٍ يقـود ولا يقـادي=منكفٍ بطماعـةٍ لحقـوا طردهـا
لحقوا الفرسان بظهـور الجيـادي=وكل راعي مهرةٍ ركـب ولكدهـا
لابةٍ تقلط علـى جمـع المعـادي=مير ربي عاقها وأطفـى سعدهـا
خيلهم يم الخـلا عقـب الطـرادي=ما تبقي مـا يبقـى مـن جهدهـا
روحت مثل النعام امـع الحمـادي=يوم سمعت صوت خيالٍ رهدهـا
بنت شيخٍ مـا ينافـس بالشـدادي=كلمتـه كـل القبيلـة تعتمـدهـا
ما تلد بعينها في شخـص عـادي=ولا يسود الغابة إلا حكـم أسدهـا
أتفق معها علـى غيـر الفسـادي=أيتزوجهـا وياخـذهـا بيـدهـا
فوق خبرا جمعـت كـل البـواد=كل من علم بهـا شـد ووردهـا
سيلتها يـوم هـل قـران حـادي=مزنةٍ كبر القطاة أصغـر بردهـا
وكل مدة قيضهم والوضع هـادي=وأن حصل له فرصة جدد عهدهـا
لين قام الحـر ينقـص والبـرادي=يتزايد والمـزون أوحـم رعدهـا
ناحرت لديارهـا قطـم التـوادي=أورحت ريح الحيـا يمـت بلدهـا
وأرسلوا عساس للعلـم الوكـادي=ثم جاهم فـي علـومٍ مـا بعدهـا
ما بعدها غير صوت اللي ينـادي=وكل راعي خيمـةٍ شلـع وتدهـا
وقربوا حمر الونيتـات الجـدادي=والبيوت السود طاروا في عمدهـا
أستخفـوا تقـل قافيهـم هجـادي=كل ما جو مصغرٍ شالـوا ولدهـا
مالهم يم الغنـم شـف ومـرادي=مـا شقـوا بنعيمهـا ولا نجدهـا
روحت قطعانهم مثـل الجـرادي=تتعب الحساب ما يحصي عددهـا
والهوى معروف شيٍ لا إيـرادي=والنتيجة موسفة ما أحـدٍ حمدهـا
يتسرب مع حـلاه مـن المبـادي=سم حية والفـراق أمـر وأدهـى
لو صبر راع الهوى صبر المهادي=الجروح تبيـن لـو أنـه جحدهـا
أنطلق مع دربهـم حاديـه حـادي=وكل ما جاء نزلةٍ مـر ونشدهـا
لين بـاد ولا لقـى علـمٍ وكـادي=باهت الأخبار عنهم مـا وجدهـا
كنت غادي وأحسب المدّل غـادي=والنتيجة تنكشف لو طـال أمدهـا
كنت أغني مـع مغنـي يابـلادي=وأحسب أن اسمي مسجل في سندها
لين عرضت للمسـاوم والمـزادي=عكس ما جاء في كتاب اللي مهدها

وسلااااامتكم .....

[العوووود]

المناجي صح اللسانك ولسان شاعرهااا الحربي ولاهنت على النقل الطيب

تحيااااااااااااااتي

[الشيخه]

الله لا يهينك على القصيده الرائعه
وصح اللسانك وللسان شاعرها

بنتظار جديدك القادم

التوقيع


وش عاااد وان قيل بنت رجااال ^^^ شيخه واهلها سلااااطيني

[محمد الشامري]

صح الله لسانك يالمناجي ولسان شاعرها

قصيده جزله

ولاهنت عليها

[المناجي]

العووووود ...

صح بدنك ولاهنت على المرور ...

[المناجي]

الشيخه ...

صح بدنك ..والاروع مرورك ..

[المناجي]

محمد الشامري ..

صح بدنك يالغاااالي ...شكراً لمرورك ..