خالد الطاحوس

[خالد بن جفـــن]

السلام عليكم

من لا يشكر الناس لا يشكر الله

القصيده أهداء للنائب خالد الطاحوس في موقفه مع بني عمه وفزعته وفكه لهم التي حاول البعض أن يخفيها ويشوش عليها في مواقع التواصل الاجتماعي وغيره من المواقع ولكن الشمس لا تغطى بغربال . والقصيده قليله في حق أبو مشعان وهي تشرح نفسها وليست موجهه لشخص بعينه .

أحمد الله يوم مالي معازيب = يوم شفت اللاش عقله هبابه
حطّ فيها له زعامه مناديب = أثر ظنّه هو كفو بالمجابه
يا هبيل الفكر مالك مراقيب = ما تطوله فعل منهو تهابه
موكره دومٍ بروس الشخانيب = وارثه مجدٍ وفعلٍ ولابه
والمعيضي لنثى فالمواجيب = سعد عينك لا فزع في الحرابه
سلم جدّه قبلها في الأجانيب = يوم صاحوا بالعزاوي نهابه
أيتقلط ما يحسب المحاسيب = يرخص الأرواح فعله زهابه
وأبن طاحوسٍ حصان الأطاليب = نعم به خالد ويكرم جنابه
حطّم الرّقم القياسي ولا ريب = يوم كلٍ محفياتن رَكَابه
يوم نادا للحرار المعاطيب = كلٍ حرٍ ينتهض يا غرابه
ما تخالط صدقها مع لكاذيب =يوم كلٍ موقفه قد شرابه
مانخصّ الكلّ تكرم لشانيب = من كشف راسه يحب الطّلابه
بسّ لو ما في الحقايق ملاعيب = كان يوسف ما كَلَته الذّيابه
والمواقف شاهده والتجاريب = هي تزيد الرّجل عـزْ اوصلابه
والرّفيق اللي يحشّ العراقيب = مثل أخته بالفعل والتشابه
يقطعك ياكاتبٍ بالحواسيب = من ورى الشاشهْ حَسَد ما تجابه
فاسقٍ شيطانكم يا كواتيب = بالمتايش حكيكم ذا حسابه
هو أمانه صوتكم له عواقيب = ثابت الموقف ينومس جوابه
ذا مقالي واصلك بالتراحيب = نعم به خالد ويكرم جنابه

وسلامتكم
خالد براك
18/9/2012