عز الدار
سيدي ووالدي صاحب السمو الملكي الأمير سلطان بن عبد العزيز باسمه يجزل الشعر..
لكن أفعاله يعجز عن حصرها أجزل الكلام شعره ونثره ..وما هذه القصيدة إلا جزء من التعبير عن عظمه كأمير و مسؤول وإنسان ..
ما يطيب القصيد إلا بمن طاب رأسه = مثل ما لدار يشهر صيتها طيب أهلها
يا قصيدي دعاك الفكر هيض وحماسه= سيرة العدل صافح بالمدايح بطلها
راس صعب الأمور وهو صعيب مراسه= شيخنا اللي إلى منه نوها فعلها
فايض الجود عنوان الدهاء والفراسه = قمة المجد في جزل الفعايل نزلها
منزلٍ لاق للي طاب راسه وساسه = هو سليل الملوك الصيد وارث خصلها
الندا نبع كفه والشهامه لباسه= والشوايب عن الصافي بعدله عزلها
والتطور خذا لوله ودره وماسه = للدفاع وكساها منه ضافي حللها
شاد صرح من القوه تعاظم قياسه= لين غطا متون الفرقدين وزحلها
أبو خالد قويٍ بالملمات باسه = الصعايب يذللها نطح ما ختلها
عز داره وملجا من تزايد عماسه= فعل سلطان كم عوجٍ عصيّه عدلها
عم فضله على ناسه ومن غير ناسه= كم حمولٍ عن متونٍ شكتها حملها
جعل يسلم قوي الباس ويدوم راسه= عز دار ودوا المستعصيه من عللها
ابنكم
عبد العزيز بن سعود بن محمد آل سعود
13-01-2007, 09:34 AM
العرض العادي
المواضيع المتشابهه
