رائـعـة.. محمد بن فطيس المري

[حمود بن خلفان]

السلام عليكم ورحمة الله وبركاته

اقدم لكم قصيدة محمد بن فطيس الاخيرة في برنامج شاعر المليون
وسامحوني على القصور

العام أخذت البيرق وصدت العقاب = يوم الرجال حلوقها من دون ريق
أسرجت شعري والجماهير الزهاب = وسنادي بلاد وولد عم وصديق
وحولت في الوادي وهو دونه ضباب = مدري ورى الوادي مطر ولا حريق
كم فارسٍ وده يحول غير هاب = يستوحش الماخوذ لا شاف المضيق
اقدمت والفرسان ترتاب وتهاب = أجري الهياب وأقز الطريق
ومثلت داري بالقصيد وبالجناب = من الشمال الى العديد الى العريق
ترابها بالحس ماحسه تراب = وحزومها تسوى الزمرد والعقيق
ومثلت راية من تلين له الرقاب = صليب راي وكفو وحجاجه طليق
ممشاه للعليا ذهاب بلا إياب = الشيخ ابو مشعل حمد علمٍ دقيق
ومثلت كل الشعب من شايب وشاب = بدو وحضر تاريخنا عزٍ عريق
ومثلت ربعٍ في الوغا مخلب وناب = مريةٍ تاريخنا ماهو لفيق
حن مزبن اللي لا يجار ولا يثاب = وحن فزعة اللي ذودهم راحت وثيق
أقدامنا جبال وعمايمنا سحاب = وأمجادنا تشبه سهيلٍ لها بريق
ومثلت يام بكبرها والانتساب = الى همدان نجمٍ له شعيق
الله خلقنا سيلٍ متونه هضاب = كل السدود نحطها حبٍ دقيق
شاركت متوكل على منشي الحقاب = وحزامي من الشعر والعده يضيق
وطرقت بيبان القوافي باب باب = وقدمت ماشفتوا جميع انه يليق
وحشمت اذانيكم عن سقاط الخطاب = ورقيت بإيديكم على قمة طويق
ووعدت داري بالفخر قبل الكتاب = ووفيت بأمر الله بالعهد الوثيق
وسترت بأفعالي مزينة الخضاب = وقهرت عدواني ونومست الرفيق
ولطم بعيري شوط واحد للركاب = يقوم راس وينتهي ماهو زريق
ومن كف ابو خالد تسلمت النصاب = من كف من عينه على القمه تويق
شيخٍ يروم المجد ويروم الصعاب = خلا الشعر من نومة الغفله يفيق
واليوم لا والله شفت القاف شاب = صار الشعر كوره وكلٍ له فريق
وضاع الهدد بين الحديه والغراب = وضاع الصهيل مكرمين من النهيق
إلا الرجال اللي قصايدهم عذاب = اللي لها معنى بها حسٍ رقيق
لاتشعل الفتنه ولا تطرد سراب = ولا يرقع ما نقصها بالزعيق
بس العرب ما عاد تدري بالصواب = ما ميزوا ويش الزفير من الشهيق
من جاب ضيعه قل شوفوا ويش جاب = انا اشهد انه جاب له معنى عميق
الذيب كانه ذيب يدرع فالذياب = يخلي الخرفان للضبع العويق
ماجيت انافس جيت دعمٍ للشباب = وفوزي دمه عاده على القمه يريق

تقبلو..... تحياتي

[f-15]

صح لسانك يا ابن فطيس

رد على خلف المشعان ببيت في الصميم

الذيب كانـه ذيـب يـدرع فالذيـاب يخلـي الخرفـان للضبـع العويـق

[محمد الغيثاني]

صح الله السانك يابو حمد مبدع من يومك
ولا هنت يابو خلفان

[الفرس]

جزل .. جزل .. جزل ..

واشرق نوره شاطيء الراحه .. وابهجنا بطلته وابياته اللي ترد الروح .. وتعيدنا للنسخه الاصليه اللي مافيها غبن ..


الف شكر..

متى نقلتها .. تبارك الله ..

[عبدالرحمن آل ضبان]

لاهنت يابن خلفان ما من قصوووور والله اني ادورها هذه القصيدة

الذيب كانـه ذيـب يـدرع فالذيـاب ،،،،،،،،،،،،،،،،،،،، يخلـي الخرفـان للضبـع العويـق


لاهنت بيض الله وجهك وصح لسان ابن فطيس

[سعيّد ابوجعشه]

حمود بن خلفان

لاهنت على النقل وصح السان الشاعر المبدع محمد بن فطيس

تحيتي لشخصك الكريم

[حمود بن خلفان]

حياكم الله جميعا والقصيده هذي دانة طلعتها من المحيط الهادي او بالاصح ( المعجزة )

صح الله لسان بن فطيس عز الله انه وقف شعر راسي يوم قالها في شاعر المليون

وان شاء الله نسمع له قصايد اجمل واجمل

[يوسف الشعارى]

ابن فطيس شاعر كبير لاكن 000000

هناك رد واضح على الشاعر خلف مشعان العنزي

بس الرد ماكان في مكانه لاكن الله يستر

خلف مشعان

لما كان يتحدى نفسه الخاصة
البيرق اللي مع ابن فطيس 000000 ماني خلف كان ماجيبه

ومن حق خلف انه يتحدى نفسه

اما بخصوص البيت
الذيب يدرع بالغنم ولاحسب حسابها

هوقال قبل البيت

ياما كسرت القاعدة واخلفت وجه اعرابها
يعني الشاعر كان يريد ان يبين لللجماهير بانه يستطيع ان يقلب الامثال

وانا ماااصدق ان الشاعر العنزي كان يقصد الشعراء

وفي منهم من قال انه يقصد اللجنه

وانا اقول الكلمة الحقيققه واثبتها بادله وبراهين

خاصة البيت اللي يقول الذيب يدرع بالغنم

اول شي كسر قاعدة وقال بعد البيت هذا
واعيش في جلبابها
هذا ايضا كسر القاعده

ولي رجعة اخواني

شكراااااا لكم

[علي آل زايد المري]

أبو خلفان الله يبض وجهك....


وكفوا يابو حمد والدليل أنه وعد واوفا بالوعد.......



وخلف مشعان ...يقصد التحدي على بيرق ابن افطيس



لا بيبطي ... وتراه نزل قصيده في معناها......
الله يجيبك يابن افطيس ....




من جاب ضيعه قل شوفوا ويش جاب@@@@انشهد أنه جاب له معنا عميق
الذيب كانه ذيب يدرع في الذيـــــــــاب@@@@ يخلي الخرفان للضبع العويق



لله درك يلبو حمد.... وأنشهدنك ,,كفوا

[مسفر مبارك]

ابو حمد ... صح لسانـك ...!

لا نستغرب الجزاله على من هم مثلـك ...!

ويكفيك أنك راعي الأولـه

ماجيت انافس جيت دعـمٍ للشبـاب = وفوزي دمه عاده على القمه يريـق