"آل مره ويام" قصيدة لسالم ابن وحير

[قلب المجالس]

السلام عليكم ورحمة الله وبركاته

هذه قصيدة للشاعر سالم ابن وحير يمدح فيها قبيلة آل مره ويام أتمنى أن تحوز على إعجابكم.

بصراحة بحثت ولم أجد لها وجود في المجالس هنا ، وإن كانت مكررة فالسموحة منكم.

على مبدا القصايد ومعناها (=) يقول اللي على نهجه بداها
إلى منه احتما سوق القوافي (=) عساني رابحاً في مشتراها
انظمها بقدر المستطاعي (=) وقدمها رفيعاً مستواها
ورفيقي وبن عمي لاداعاني (=) احث الرجل لاتقصر اخطاها
وزحول المرجله في كل ديره (=) يشرفني ويجذبني نباها
وانا من ساس قوم وروس لابه (=) على اللقمّه مسطرتً اسماها
بني ( فاهد ) هل الفعل المجرب (=) كنوز الجود مايلحق مداها
أمير الشمل من والأماره (=) من اجداده على اشداده خذاها
خذوها يوم كلً من ذراعه (=) ولاتسهل على راسً بغاها
وابن لاهوم زيزوم القبيله(=) عوالي هامة الشيخه رقاها
زعيم الجود رافي كل خله (=) ابو فيصل الى كبرت رفاها
بجاهه يطلق اقيود السجيني(=) ويفرج كربة الضيق وبلاها
وبجاهه يعتق ارقابً عليها (=) احكام الشرع والسيف ايحداها
وحنا عزوته في كل حاله (=) هل النخوه وفزعة من نخاها
مزبنت الجلاوي من دياره (=) مدلهت الغريب الى وزاها
هل الجيره وسلمً حافظينه (=) على درب القدا تفرض اقداها
هل العادات لاجات الحمايا (=) توقف فالمواقف وتحماها
وبني ( فاضل ) عريبين المجاني (=) معانقت السّموه في سماها
هل الخوه حكيمين المروّه (=) وترفع راس جاراً في حماها
اكرام الضيف وكبار الاسامي (=) ولاخابت هقاوي من هقاها
سلاطين لهم خطوه وسطوه (=) على روس العدا تدرج رحاها
وبني ( بشراً) كريمين السبالي (=) على يسر السنين وفي قساها
بيوت الجود عزتها غريزه (=) على العزه عمرها من بناها
مع سمن وسمين وكيف دله (=) وناراً يجذب الطرقي سناها
لهم فى اقصا الديّر صوله وجوله (=) اسباعً يرث الشر معداها
وبعد البشر صبيان ( السعيدي ) (=) اجبالً يمّن الخايف ذراها
على الصاحب كما الشهد المصفى (=) ومن سمّ الذحاح اسقت اعداها
اهل يبرين ديرة كل ( مري ) (=) تواريخ البلد كلً قراها
ابلاداً قد مكث فيه الأمامي (=) وخذله وقت والمده قضاها
وساس الطيب صبيان ( الشبيبي ) (=) ويبشر بالعشا ضيفً نصاها
ازحول الجود وطوال اليماني (=) اهضاب العز تاصل معتلاها
لهم تاريخ ومجادً قديمه (=) قديم امجادهم ينفح شذاها
لهم منزال في روس المعالي (=) على هام السحاب ومن وراها
ومجاد الاد علي اهل الشهامه (=) على درب الوفا يعرف وفاها
مواقفهم لها التاريخ شاهد (=) رجالً مايضام اللي نخاها
تداوي جروح والاّ جروح تبقى (=) من سوّ افعالهم صعباَ دواها
الى دارت رحا حرب المعارك (=) ذيابً تجتلد ترمي عشاها
وبني مره بعيدين المغازي (=) دليل ألقابها بعد مغزاها
وبني ( سلمان ) وافيين الخصايل(=)اسلوم الطيب والجود اتحواها
لهم هيبه وقيمه وحترامي (=) ذرا الصاحب وضدًّ لخصماها
عوايدهم على طيب المكارم (=) اثمرة العز يربح من جناها
ووجيه ( تشم وتشم ) معروفه (=) عناوين الرجوله ومعناه
على درب الرجوله والبطوله (=) شموخ الطايله غاية مناها
هل القالات عطبين الضرايب (=) الى جات الجموع ملتقاها
ولانسا يام خطلان الايادي (=) قبايل لارحم راسً نساها
لهم تاريخ وسلومً عريبه (=) قصص ومجاد والراوي رواها
بدون اقصور في باقي القبايل (=) رجال الجود محسوبً رضاها
لهم في قمّة الامجاد هامه (=) ولايقصد ولايعمد زراها
وبني مره بعيدين المغازي (=) دليل ألقابها بعد مغزاها
هل البل من قبل عصر الكمامي (=) وقبل المملكة تعلن ولاها
رعت في ضفهم سود الجهامي (=) قليل من القبايل ماقناها
حموها وحتموها وكرموها (=) وغال الروح فالواجب فداها
زمانً قد مضا سفن الصحاري (=) فجوجً خاليه تقطع خلاها
وهذا العصر فامان وسلامي (=) سنين اليسر دام الله رخاها
تفوق اسعارها حد الخيالي (=) راع المليون يتعب ماشراها
لاجا موسم نواميس المزاين (=) وكلً خطوته يبغي جزاها
الى حط المزاين للقباليل (=) وجاو افواج والداعي دعاها
وجات مرشحاتً فالجزيره (=) فريداً نوعها صعباً لقاها
مجاهيمً تعيش بدون عيشه (=) وراعيها قلب راسه غلاها
والى مرت على اللجنة تتالا (=) تحير انظار وتبيّح خفاها
وثاني عرض فالمره لاخيره (=) على اللجنة فرضها مستواها
لها ميزه على بعض المطايا (=) ياسبحان العظيم اللي عطاها
اجثال اعظام وثقال المواطي (=) اعراض جنوب وكباراً عضاها
تهزعها من اخلاف وتفاهق (=) اظهوراً جل شان اللي بناها
سناداً من قدم مرق غوارب (=) وطول وعرض وتزود رهواها
وفجح وشول ووساع المناحر (=) وعلط ارقاب جذابً نباها
تذاعر روسها نصب الاذاني (=) وفنس خشوم واللوم يعداها
مع طول الحيّها فيها اطفحاني (=) ماكنها الاّ طالع في سماها
وعرنين الخشوم المستقيمه (=) تمادت مابغى ياقف مداها
اطوال اسبال ون قامت تعاود (=) تخف اثقال وعقولً تراها
هذي والله ثمر عصر البداوه (=) رعالله ويرعا من رعاها
يقوله من كتب فيض المشاعر (=) من الخاطر على نهجه بداها

تقبلوا مني أصدق الود

اختكم

قلب

منقوله من مجالس قبيلة آل مره

[ابومحمد الشامري]

ونعم في بني عمنا ال مره وبيض الله وجهش يا اخت قلب المجالس على هذه الرائعة الشعرية صح لسان الشاعر سالم ابن وحير على القصيدة الجزلة ولا هنتي على النقل الرائع

[د.فالح العمره]

صح لسان الشاعر

وبيض الله وجهه

ولا هنتي اختي الفاضله على النقل

[البدوي]

بيض الله وجهه ونعم بيام كافه

[سعود الخويطري]

ونعم في بني عمنا ال مر ويام كافة


وبيض الله وجهك يـ قلب المجالس على هذه الرائعة


وصح الله ألسان الشاعر / سالم ابن وحير



شاعر جزل ودائما لاياتي الابالجزاله سواء بالنظم او المحاوره



وتقبلوا سلامي

[محمد ال الضريره]

قلب المجالس

سلمت يمينك

وصح السان ابن وحير