الأسير وبران آل كليب يمدح ترثة الفارس بن جلاب

[شامان بوحدين المري اليامي]

المقدمه التاليه بقلم الشاعر:
انه من دواعي سروري ان يكون تواجدي من خلال قبيلة المره التي يشرفني ان اكون من المنتمين لهذه القبيلة العريقه( الاصل والفرع يام ) ...بهذه القصيدة التي اردت المشاركة بها في حفل زواج حمد ابن اخي الفاضل عبدالهادي ابن حمد ابن جابر آل جلاب ..وارجو ان تنال اعجابكم وان تكون مشاركاتي الاولى بداية لمشاركاتي المقبله والتي اعدكم انها سوف تكون متتاليه وبما ان يطمح الجميع لسماعها.. وهي معبرة عن ذاتها

يالله يـا ناصـر عبيـدك بالأحـزاب = يا واحـدن ماخـاب منهـو لجابـه
اسألك بارك عرس عربيّن الأنسـاب = منـي الدعـا يالله ومنـك الأجابـه
يا أهل الحفل مبروك يا اعز الأصحاب = يقولها اللي حُب هـادي سـرا بـه
يا بوحمد جيتـك أشـارك ولاخـاب = من شارك اللي لـه بوقتـه مهابـه
من خلف سور وشبك واقفال وابواب = جيت اتشرف والشعر جـاء جنابـه
طاب الحفل والليل من طيبكم طـاب = وان طاب يا أهل الطيب مابه غرابـه
لنكم اساس الطيـب والسـر غـلاب = وكلن على مربـاه تضـوي اركابـه
انتوا اساس المجد لو غيركم عـاب = رغم انف ملعونـن ايجـوع كلابـه
سلام وان كـان التفاخـر بالانسـاب = فانشهـد انكـم للفخـر خيـر لابـه
سلام يا روس العرب يـا آل جـلاب = يا احفاد عودن عاش سيفـه زهابـه
عقيد قومن لانتخـا طـارت ارقـاب = وان وصلت احدود الستر ينغزا بـه
حمد ستر وضحى وفلوح وش جـاب = طاري الستـر بقولكـم وش جابـه
طاري الستر جابه تنكـار الأذنـاب = لأفعال من تاريخ يـام(ن) حكـا بـه
عانوا عليكم قوة اضهـور الاجنـاب = وصار العدو منهـم وكلـن درا بـه
ما همهم ما لحق عكفـان الاشنـاب = ولا هـز نخوتهـم عويـل الذيابـه
إلين صارو فـي مواطنهـم اغـراب = والكـل منهـم صـار همـه هبابـه
اقولهـا والله يـبـارك بالانـسـاب = والليل طاب ابطيب من لـه مهابـه

منقول من مجالس آل مرة
وجعل ربي يفوك عوقك وعوق أخوانك الي معك في السجن يابن عمي.